சோனகன் சிந்தனைகள்

அப்சரா - சமூகக்கூடமான திரைக்கூடம்.

2012-01-16T13:30:00.004+04:00

என்ன இல்லை நம்மூருல..? என பேச்சு வாக்கில் யாசீனிடம் கேட்ட போது “ தியேட்டர் இல்லையே” என அவசரமாய் பதிலளித்தான், பின் ஒரு நாள் பெரியபட்டினத்தை சேர்ந்த வயதான ஒரு பெரியவரை சந்தித்த போது “ நான் தான் கீழக்கரை லக்கி தியேட்டரில் முதல் "ப்ரஜக்டர் ஆப்பரேட்டர்” என்று ஆரம்பித்து பழைய நினைவுக்கு திரும்பினார், என் நினைவும் பின்னோக்கி சென்றது.

ஆமாம், 80 களில் மக்களை வசீகரித்து தன் பக்கம் இழுத்து,ஆயிரம் ஆயிரம் அனுபவங்களை மக்களுக்கு கொடுத்த இந்த தியேட்டர் இப்போ அங்கே இல்லைதான், லக்கி என்ற பெயரில் 1960 களில் தொடங்கி அப்சராவாகி மாய்த்து போன இந்த தியேட்டர் இப்பொழுது ஒரு சமூகக் கூடமாய் இருப்பது மனதுக்கு சந்தோஷமாகத்தான் இருக்கிறது.

கீழக்கரையில் தியேட்டர் உருவான காலத்தில் அந்த ஏரியாவே வியக்கும் வகையில் பிரமாண்டமாய் அமைக்கப்பட்டது, மறைந்த முதல்வர் எம்.ஜி.ஆர் அவர்கள் திரையுலகில் கோலோச்சிய தருனத்தில், கீழக்கரைக்கு அவரை அழைத்து வந்து திறந்து வைக்கப்பட்ட இந்த தியேட்டர், ஊரின் தென் கோடியில் கடலை முட்டிய பரந்த இடத்தில் அமைந்த அருமையான தளம், ஏ.சி அறிமுகமாகாத அந்த காலங்களில், 6 மனிக்கு தொடங்கும் மாலைக்காட்சி ஓடும் போது இருள் சூழ்ந்த பின் தியேட்டரின் பிரமாண்ட 10 வாயில்களையும் திறந்து வைத்தால் கடல்காற்று நம்மை இதமாக தழுவுவதை உணரலாம், ஆண்கள் பகுதியை விட பென்கள் பகுதியில் காற்று இன்னும் நெருக்கி வீசும், ஆனால் மூத்திர நெடி அடிக்கும் அந்த காற்றை சுவாசிக்க மட்டும் முடியாது, கழிவறை வசதி இல்லாமல், அரங்கத்துக்கு எதிரேயே ஓப்பனில் ஒன்னுக்கு போவார்கள்.

வள்ளல் ஹபீப் அரசரின் பணடக காப்பகமாக இருந்த இந்த இடத்தில் தியேட்டர் அமைத்த முத்து வாப்பா அவர்களின் நம்பிக்கையை பாராட்டியே ஆக வேண்டும் (தியேட்டரை உருவாக்கியவர் மேலத்தெருவைச் சேர்ந்த லக்கி சாவன்னா என்றழைக்கப்பட்ட சாகுல்ஹமீது காக்கா அவர்கள் என்றும் அவர்கள்தான் தியேட்டர் திறப்பு விழாவிற்கு MGRரை அழைத்து வந்தவர்கள். அவர்களிடம் இருந்து தான் 80களில் முத்துவாப்பா காக்கா வாங்கினார்கள் என சகோதரர் குத்புதீன் ராஜா தெரிவிக்கிறார்) அப்பொழுது ராமனாதபுரத்தில் ராஜா ராம் தியேட்டர் மட்டும்தான் இருந்தது இப்போஇருக்கும், ஜெகன், சந்தோஷ், வேலுமானிக்கம் போன்ற தியேட்டர்கள் எல்லாம வராத காலத்தில் , (சன்முகா கூட அப்போ வரலை) , டூரிங் டாக்கிஸ்கள் நிறைந்து இருந்த சமயம், கீழக்கரையில் இந்த மாயக் கூடம் தொடங்கி 30 ஆண்டு காலம் வெற்றிப்பயனம் செய்தது. 40 பைசாவில் தொடங்கி 1.20 பைசா வரை டிக்கெட் நிர்னயம் செய்யப்பட்ட 1980 களை மறக்க முடியாதது.

எம்.ஜி.ஆர் நடித்த மதுரையை மீட்ட சுந்தர பாண்டியன் தான் நான் இங்கு பார்த்த முதல் படம் என நினைக்கிறேன் ( எம்,ஜீ,ஆருக்கு இது கடைசி படம்), அந்த படத்தில் வரும் வாள் சண்டையின் சத்தத்தில் நான அழுது “வீலிட்டது” மங்கலமான ஞாபகமாய் மனதில் நிழலாடுகிறது. 1992 ல் கடைசியாய் பார்த்தது ரஜினி காந்த் நடித்த “அன்னாமலை” திரைப்படம் அதன் பின் தியேட்டருக்கு போவது கொளரவ குறைச்சலான விசயாமாகி விட்டது, டி.வி. வீ.சி.ஆர் ஐட்டங்கள் களத்தில் இறங்கி வாடகை வீடியோ மற்றும் கேசட் கடைகள் கீழக்கரையின் சினிமா பிரியர்களை கட்டுக்குள் கொண்டு வந்து விட்டது.

ரஜினி நடித்த “ அன்னை ஒரு ஆலயம்” கீழக்கரையில் ரிலீஸான சமயம், அப்பொழுது “லக்கி தியேட்டர்” அஸ்கர் தியேட்டராக பெயர் மாற்றப்பட்டு இருந்த்து (அஸ்கர் முத்துவாப்பாவின் மகன்) 6 மனி ஷோவுக்கு 4 மனிக்கே தியேட்டர் வாசலில் நன்பர்களுடன் நின்று இருந்தோம், மாட்னி ஷோ ஓடிக் கொண்டிருந்த்து, எதிரே சூப்புக் கடையில் இடியப்பத்துடன் ஆட்டுக் கால் சூப் பர பர வன விற்று தீர்ந்து கொண்டிருக்க ,பீடா, சிகரெட், பீடி வியாபாரங்கள் கலை கட்டிக் கொண்டிருந்தது, கடைகளில் தோரனமிடப்பட்டிருந்த 15 காசு பாட்டு புத்தகங்களை நோட்டமிட்டுக் கொண்டிருந்தேன், மாட்னி ஷோ முடிந்து டிக்கட் கொடுக்க ஆரம்பித்தார்கள் 40 காசு டிக்கெட் கவுனடருக்கு சிறைக்கைதிகளை போல மக்கள் ஒரு குறுகிய பாதையில் அணிவகுத்து இருந்தனர், கேட்டை திறந்ததும் உள்ளே நுழைந்தோம், நெரிசலில் சிக்கி, என் தோளில் கால் வைத்து கவுண்டரில் ஏறி போனவன் காலை முடிந்தமட்டும் சிலுப்பி தட்டிவிட , அவன் அலற , ஒரு வழியாக கூட்ட நெரிசலில் , பனியன் , சட்டை எல்லாம் கிழிந்து தொங்கி மிதிபட்டு ,உள்ளே போய் படம் பார்த்து வெளியே வந்தால் “ தேவரின் யானை” கூட மனதில் பதியாமல் சட்டை கிழிந்ததால்“ அம்மாவின் சிவந்த முகம்” தான் பயத்தை கொடுத்தது.

40 வயதை நெருங்கும் மற்றும் கடந்த கீழக்கரை வாசிகள் ‘ கஃபா” படம் கீழக்கரையில் ரிலீஸானதை மறக்கவே மாட்டார்கள், ஒரு மாதம் வசூலில் சக்கை போடு போட்டு கல்லா கட்டிய படம், இராமனாதபுர வட்டாரத்தில் முஸ்லீம்கள் கூட்டம் கூட்டமாய் வந்து பார்த்து சென்றார்கள், பள்ளிகளிலிருந்து இலவசமாய் கூட்டிச் சென்று கான்பித்தார்கள், தியேட்டருக்கு வராத பெண்கள் கூட இரவு ஷோ வாக வந்து கண்டனர். அப்படியான ஒரு வசூல் இந்த தியேட்டரின் வரலாற்றிலேயே இருந்திருக்க முடியாது. மேலும் வரிவிலக்கு செய்யப்பட்ட சில டாக்குமெண்டரி படங்கள் மாணவர்களுக்கு இலவசமாய் காண்பிக்கப்பட்டது, அதுபோல் முதன் முதலில் ஆங்கிலப்படத்தை தமிழில் டப் செய்து வெளியிடப்பட்ட “உமர் முக்தார்” படமும் நீண்ட நாட்கள் திரையிடப்பட்டு இருந்த்து.

சினிமா தியேட்டரில் குழாய் ஸ்பீக்கரில் போடப்படும் பாட்டு ஊரின் எந்த பகுதியில் நின்றாலும் கேட்கும், சில சமயம் கால்கள் தியேட்டரை நோக்கியும் செல்லும் , டிக்கெட்டுக்காக பெண்கள் பகுதி கவுண்ட்டருக்கு செலவதும், தியேட்டர்காரர்கள் வெளியே விரட்டுவதும், இண்டர்வெலில் தரை டிக்கட் பகுதியில் வலம் வரும் முறுக்கு, வடை, கடலச்சி, எலந்தை ஊறுகாய் போன்ற ஐட்டங்களை விரும்பிய அந்த நாட்கள் மீண்டும் வரப்போவதில்லை. சூப்பர் ஸ்டார் படம் ரிலீஸ் என்றாலே உற்சாகம் பிறந்து விடும் “அட்டை காகிதத்தில் ஸ்டார்” செய்வதில் நன்பன் எம்.எஸ். காதர் தேர்ச்சி பெற்றிருந்தான், “ ஸ்டார் செய்து , போட்டோ ஒட்டி , பெய்ரெல்லாம் எழுதி தியேட்டருக்கு சென்று கட்டிவிடுவோம், படத்துக்கு செல்லும் பொழுது தொங்கும் ஸ்டாரை ஒரு இருமாப்புடனே பார்ப்போம், கட் செய்யப்பட்ட பேப்பர்களும், ரோஸ் கலர் “ நைஸ்” களும் அரங்கத்தையே நிறைத்து குப்பையாக்கிவிடும், காலம் மற்றும் கடல் கடந்திருந்தாலும் “ எந்திரன்” ரிலீசான முதல் நாளும் அதே உணர்வுதான் வருகிறது, அபுதாபி எல்டோராடா தியேட்டரில் மூன்று நாட்களுக்கு முன்பே டிக்கட் ரிசர்வ் செய்து பார்த்ததும் இந்த காரனத்துக்காக இருக்கலாம்.

லக்கி தியேட்டர் அஸ்கராகி கொஞ்ச நாள் ‘லிபர்ட்டி”யாக இருந்து அப்ஸராவானது, இது பற்றி சகோதரர் கீழை ராஸாவின் கீழ்கண்ட குறிப்புகளை கொடுப்பது இந்த பதிவிற்கு மிக அவசியமானது என நினைக்கிறேன்:

பல வருடங்கலாக கீழக்கரையின் ஒரே திரையரங்கம், அஸ்கர், லிபர்ட்டி, அப்சரா இப்படி பல பெயர்களைத்தாங்கி கடற்கரையை ஒட்டி,கலங்கரை விளக்கத்தை பின் நிறுத்தி, கம்பீரமாக நின்ற இந்தக் கட்டிடம். இன்று சிதைக்கப்பட்ட சித்திரமாய் களையிழந்து காட்சி தருகிறது….. “பாட்டு, பைட்,தூ...ள்” “ இன்று இப்படம் கடைசி” இப்படி ஒட்டப்பட்ட போஸ்டர்கள் மதிலில் ஒட்டப்பட்டாலும் இன்றும் மனதை விட்டு அகலவில்லை…இந்தத் திரையரங்கை எண்ணும் போதெல்லாம் போதெல்லாம், கீழக்கரை வரலாற்றில் ஒரு மாதத்திற்கும் மேல் திரையங்கில் ஓடி வரலாறு படைத்த “கஃபா” திரைப்படத்தின் போது, நடக்க இயலாத வயதானவர்களைக் கூடத் தூக்கிச் சென்று இந்தத் திரையரங்கில் படம் பார்க்க வைத்த காட்சி தான் மனத்திரையில் நிழலாடுகிறது..:-”

பின் முத்துவாப்பா அவர்கள் மறைவுக்கு பின் தியேட்டர் பிஸினஸ் குறைந்து, கோர்ட்டு கேசு என வழக்கில் சிக்கி, திரையிடப்படுவது நிறுத்தப்பட்டது, 7, 8 வருடங்கள் கேசில் கிடந்த இதன் கட்டிடப்பகுதி சிதிலடைய ஆரம்பித்த்து, இதனை கானும் போதெல்லாம், திரை அரங்கத்தை மையமாக வைத்து எடுக்கப்பட்ட இத்தாலி படமான “சினிமா பாரடைசோ” மற்றும் தமிழ் படங்களான “ வெயில்” மற்றும் பார்த்திபன் நடித்த “ஒரு படம்”தான் எனக்கு தோன்றும், சில சமயம் சோகமாக்கிவிடும். நீண்ட நாள் வழக்கிற்கு பின், மக்கள் கூடுவதற்கான ஒரு சமூகக் கூடமாக சமூக செம்மல் செய்யது எம். சலாஹீதின் அவர்களால் இந்த தியேட்டர் புதுப்பிக்கப்பட்டு செயல்பட்டு வருவது கீழக்கரை மக்களுக்கு முழு திருப்தியை அளிக்கும் எனபதில் ஐயமில்லை.

ஏர்வாடி சந்தனக் கூடு

2011-12-24T15:57:00.000+04:00

ஏர்வாடி சந்தனக் கூடு எனக்கு கனவாகிப் போய் எத்தனையோ ஆண்டுகள் ஆகிவிட்டது, சமீபத்தில் தினமலர் ஒளியுடன் கூடிய சந்தனக் கூட்டின் அலங்கார தோற்றத்தினை பெரிதாக வெளியிட்டிருந்தது, படம் பெரிதாக இருந்தாலும் கூட்டின் உயரம் சிறுத்துப் போய்தான் இருந்தது, ஏர்வாடி தர்கா ட்ரஸ்டிகளாண் லெவ்வை மார்களுக்குள் ஏற்பட்ட சச்சரவுகளினால் செலவை குறைக்க சந்தனக்கூட்டின் உயரத்தை குறைத்து இருக்கலாமோ? இது போன்ற பதிவை எழுதும் போதே கீழை ஜமீல் காக்கா போன்றோர் கன் முன் தோன்றி “ கப்பர்தார்” சொல்லத்தான் செய்கிறார்கள் அதனுடன் பீ.ஜே யின் நீண்ட பயான்களும் அசரீரியாக காதினுல் அவ்வப்பொழுது ஒலித்து மறைந்த்தாலும், என் உனர்வுகளில் கலந்து என்னில் தொலைத்த ஏர்வாடி சந்தனக்கூடு திரு விழாவை நினைத்தவுடனேயே உள்ளத்தில் உவகை பொங்குவதை யாரால் தடுத்து நிறுத்த முடியும்?

சந்தனக் கூடு விழாவின் துவக்கம் தர்கா முற்றத்தில் கொடி ஏற்றும் நாளில் இருந்து ஆரம்பமாகிவிடும், அதிலிருந்து கொடி இறக்கல், கூடு நாள் வரை இனிமையான தருனங்கள், துள்ளித்திரிந்த காலங்களில் உள்ளம் உற்சாக கரை புரண்டோடிய நினைவுகள் ,இன்றும் மனதில் அழியாமல் நிலை கொண்டிருக்கிறது.

கீழக்கரைக்கும் ஏர்வாடிக்கும் தொலைவு பெரிதல்ல, கடற்கரை வழியே சென்றால் 5 கிலோ மீட்டர், ரோட்டு வழியே 11 கிலோ மீட்டர்தான். முள்ளுவாடி, புல்லந்தை, சின்ன மாயா குளம், பெரிய மாயாகுளம் என சில கிராமங்களை கடந்து 10 நிமிட கார் பயனத்தில் ஏர்வாடியில் எல்லையை தொட்டுவிடலாம். பால்ய வயதில் நன்பர்களுடன், கூட்டுக்கு முதல் நாள், சிறப்பு பேருந்துகள் பல விடப்பட்டாலும், கூட்ட நெரிசலுக்கு அஞ்சி, பச்சை பாசிகள் காலை சுற்ற, நண்டுகள், சிப்பிகள், மற்றும் ஏராளமான நரகல்கள் தாண்டி கடலோரமாய் கீழக்கரையில் இருந்து ஏர்வாடியை வந்தடைவோம், இடையில் இள நீர் குடித்து இளைப்பாற ஆண்டிச்சி தோப்பு, பின் மீண்டும் ஒரு நடையில் ஏர்வாடியை அடைந்து விடலாம்,. மறு நாள் அதிகாலையில் கூடு என்றால், முதல் நாளே கொண்டாட்டத்திற்கு மனமும், ஊரும் தயாராகிவிடும்.......

தொடரும்

நினைவஞ்சலி - ஆட்டோடெக் முகைதீன்

2011-10-30T15:16:00.003+04:00

மலர்ந்தது : 29 மே 1970 உதிர்ந்தது : 04 நவம்பர் 2003

நொடிப் பொழுதில் பறந்து விட்ட

எட்டு ஆண்டுகள்,

ஓரு மாயயை போல் நடந்துவிட்ட

சத்திரக்குடி சம்பவம்,

மறக்க நினைக்கும் மனம்,

மறக்கவிடாமல் அவ்வப்பொழுது

எழும் சிந்தனை,

33 வயதில் உன்னை மாய்த்த மரணம்

பெரு வாழ்வு வாழ

அள்ளிக் கொண்டுவிட்டதோ!

அண்டவெளியே இருண்டுவிட்டதாய்

உணர்ந்த நீ மறைந்த தினத்தை

கண்டு இன்னும் அஞ்சி நடுங்குகிறேன்.

ஆளப்பிறந்த உன்னை

மாளக் கொடுத்த நாளல்லவா அது....

எங்கள் நெஞ்சில் உரமேற்றி

மன்னுக்கு உரமாகியவனே....

உன் ஆளுமையும், திறனும்

எங்களின் செயலிலும்,

சொல்லிலும் நாங்கள் இருக்கும் வரை

இப்புவியில் இருக்கும் நன்பனே....

பூரண சுகாதார செழுமையும், கீழக்கரை சேர்மனும்...

2011-09-05T02:41:00.001+04:00

உள்ளாட்சி தேர்தல் காலம் அறிவிக்கப்படாத நிலையிலும் கூட, யூகங்களின் அடிப்படையிலும், விருப்ப மனு அளித்தவர்கள் தொடர்பிலும் கீழக்கரையின் அடுத்த சேர்மனுக்கான ஆருடங்கள் முகப்புத்தகங்கள், இனைய பக்கங்கள் வாயிலாகவும் பரப்பப்பட்டு வருவதை அறிகிறோம். கீழக்கரையின் வரலாற்றில் நகர் தலைவர் என்பது அதி முக்கியமான பதவியாகவும், போட்டிகள் அடங்கியதாகவுமே இருக்கிறது.

நிறுவனமற்ற நகர் தலைவர்களாக காஜியார்களே பல தலை முறை களாக வகித்த வந்த முறை மாற்றப்பட்டு 18 ஆம் நூற்றாண்டு முதல் இன்று வரை, கடந்த 125 வருடங்களுக்கும் மேலாக கீழக்கரை சேர்மன் பதவி தொடர்ந்து வருகிறது, கிட்டத்தட்ட 25 க்கும் மேற்பட்டோர்கள் கீழக்க்ரையின் சேர்மன் பதவியை அலங்கரித்ததாக வரலாறு கூறுகிறது.

கடந்த கால கீழக்கரை வரலாற்றில் சேர்மன் பதவியில் இருந்து வைரமாக ஜொலித்தவர்களாக இருவரை கூறலாம், முதலாமவர் 1920 களில் சேர்மன் பதவி வகித்த ஏ.எம்.எஸ். அஹ்மது இப்ராகீம், நடுத்தெருவை சார்ந்த மிகப் பெரும் நிலக்கிழார், சுற்றுச்சூழல் விசயத்தில் மிகுந்த ஈடுபாடு கொண்டவர், கீழக்கரை சீதக்காதி சாலை முதல் நகரின் எல்லை முடியும் பாலையாறு வரை இன்றும் நிழல் தரும் வளர்ந்த ஆல, வேப்ப மரங்கள் இவர் காலத்தில்தான் நடப்பட்டதாக கூறப்படுகிறது, அது மட்டுமின்றி குடி நீருக்கான ஏராளமான குளங்கள் நகருக்குள் வெட்டப்பட்டதும் இவர் காலத்தில்தான்.

அடுத்து, சேர்மன் சதக் என்றழைக்கப்படும் “ முகம்மது சதக்கு தம்பி மரைக்காயர்” 1950 - 60 கலங்களில் சேர்ம்னாக பதவி வகித்த இவர் முகம்மது சதக் அறக்கட்டளை சேர்மன் செ.மு. ஹமீது காக்காவின் தந்தையாவார். கீழக்கரை சுகாதார செழுமைக்கு பாடுபட்டவர், தனது சொந்த நிலங்களை ஏக்கர் கணக்கில் கீழக்கரையின் நலன்களுக்காக வாரி வளங்கியவர், அவர் மறைந்தாலும் , இவர்களின் வாரிசுகள் மூலம் வள்ளல் தன்மை இன்றும் பறை சாற்றப்படுகிறது, கீழக்கரையின் பொது நலன்களுக்காக இவர்கள் அரசுக்கு வழங்கிய நிலங்கள் எத்தனை, எத்தனை....

இவர்களுக்கு முன்பும், பிறகும் பலர் சேர்மன் பதவியில் இருந்து சீரிய சேவை செய்திருக்கிறார்கள், அம்பலார் அவர்கள், சாகுல் ஹமீது ஹாஜியார், சக்கீலா, டாக்டர் நசீரா பர்வீன் , தற்போதைய சேர்மன் பசீர் ஆகியோர்கள் இதில் குறிப்பிட்ட சிலராக நான் அறிகிறேன்.

இதை தவிர, பதவியில் இல்லாமல் சேர்மன்களை வழி நடத்துபவர்களாகவோ அல்லது, கீழக்கரையின் பொது நலனில் மிகுந்த்த அக்கரை கொண்டவர்களாகவும் பலர் இருந்த்து இருக்கிறார்கள், அவர்களில் முக்கியமானவர்கள், செ.மு. ஹமீது காக்கா, பி.எஸ்.ஏ . ரஹ்மான், மெஜஸ்டிக் கரீம், எஸ்.எம்.ஏ பசீர் முகைதீன், எம்.எம்.கே. முகம்மது இப்ராஹீம், ஸ்டேசன் மாஸ்டர் முகம்மது இப்ராஹீம், ஏ.கே.எஸ். கபீர், கே.எம். அப்துல்லா போன்றோர்கள், இவர்களை மறந்த கீழக்கரை சேர்மன் பதவி என்று ஒன்றும் இல்லை என்பது என் தனிப்பட்ட கருத்து.

தற்போதய சூழலில் சேர்மன் தேர்தலில் போட்டியிட விரும்புவதாக த.மு.மு.க உசேன் மற்றும் கீழக்கரை டைம்ஸ் சொல்லும் , நன்பர் எம்.எம்.கே, இப்ராஹீம், இப்திகார், ஹசனுதீன், இம்பாலா ஹூசைன் , நவாஸ் ஆகியோர்களும், பொது வேட்பாளர்களாக நியமிக்கப்படக்கூடும் என கூறப்படும் சீனா. தானா, நல்ல முகம்மது களஞ்சியம், உமர் ஆகியோர்களோ அல்லது வேறு எவருமோ , வெற்றிபெற்ற பின் கீழக்கரையை நூறு சதவீதம் சுகாதார செழுமை கொண்ட நகராக மாற்ற முயற்சிக்க வேண்டும் என்பதே என் வேண்டுகோள்.

ஒரு வேளை கீழக்கரை சேர்மன் பதவி மகளிருக்கு ஒதுக்கப்பட்டால் “ 15 வருடங்களாக மருத்துவ சேவையில் தன்னை ஈடுபடுத்தி, சமூக நலனில் அக்கரை கொண்டவரும், சுகாதார கேட்டினை சீர்படுத்தை, கீழக்கரையை நோயற்ற நகராக மாற்ற விரும்புவதையே தன் வாழ் நாள் குறி கோளாய் கொண்டவரும், கிழக்கு தெருவை சார்ந்த மறைந்த வக்கீல் அபுல்ஹசன் அவர்களின் மகளுமான மருத்துவர் அல் அம்ராவை பொது வேட்பாளாராக நிறுத்துவதே சாலச் சிறந்த்தாக சமூக நல விரும்பிகள் கருதுகிறார்கள்.

கோலு என்ன விலை?

2011-09-02T01:58:00.001+04:00

தமிழ் பெரும் அகராதியில் “ கோல்” மற்றும் செங்கோல் என்பதெல்லம் அரச மாட்சியினையும், அதிகாரத்தையும் குறிப்பிடுவதற்கான சொல்லாக பயன்படுத்தப்பட்டு வருவதை கானலாம். கீழக்கரை ஜீம்மாப் பள்ளியில் காலம் சென்ற கத்தீப் சாகிப்“ அஸ்மத் ஹுசைன்” வெள்ளிக் கிழமை குத்பாவிற்காக மிம்பரில் ஏறும் பொழுது இத்தகைய கோலாடுதான் ஏறி நின்று பாயான் செய்வார், வெண்கல குரலுக்கு சொந்த்தக்காரர் அவர், அவரின் கம்பீர குரலுக்கு இன்னும் பல நூற்றாண்டுகளுக்கு அந்த “ கோல்” தான் சாட்சியாக இருக்கப் போகிறது, இந்த கோலின் கம்பீரத்தை அவர் கையில் இருக்கும் பொழுதுதான் நான் முதன் முதலில் நேரடியாக உணர்ந்தேன்.

ஆனால் மேலே கொடுக்கப்பட்ட தலைப்பு வேறு கோலைப் பற்றியது. இந்த கேள்வியை கீழக்கரை வாசிகள் அடிக்கடி செவியுற்றிருபார்கள், ஆமாம், நில அளவீட்டு முறைக்கான சொல்லாக இந்த “ கோல்” பல நூற்றாண்டுகளாக கீழக்கரையில் பாவனையில் இருந்து வருகிறது.

ரியல் எஸ்டேட் வியாபாரம் பெருகி நிலங்களின் விலை வின்னை முட்டுகிறது, 1960 களில் ஒரு கோலின் விலை ரூபாய் 500 ஆக இருந்த அதே இடத்தில் இன்று கோலு விலை ஓன்னரை இலட்சம். தங்கத்தின் விலையோடு போட்டி போட்டு கோலு விலையும் தன் இடத்தை திடமாக் தக்க வைத்து கொண்டே வருகிறது.

வெகு விரைவில் தாலுகா ஆபீசு வரப்போவதாக அரசியல் கட்சிகளும், ஆளுகின்ற அரசுகளும் மாறி மாறி அறிவித்தாலும் அறிவித்தர்கள் கீழக்கரையில் புற்றீசல்கள் போல ஏகப்பட்ட ரியல் எஸ்டேட் புரோக்கர்கள் கிளம்பிவிட்டார்கள், ஒரு காலத்தில் நிலங்கள் வாங்க, விற்க தொழிலில் நாலு , அஞ்சு புரோக்கர்கள் இருப்பதே அபூர்வமாக இருந்தது, அதெல்லாம் மலையேறிப்போய்விட்டது, தற்போதைய நிலவரப்படி வரையறை இல்லாமல் முன்னூறூ புரோக்கர்கள் ஊரை வளைய வருகிறார்களாம், சென்ற முறை ஊருக்கு சென்ற பொழுது , மோர்குளத்துல அரை ஏக்கர் இடம் வருது... வாங்கிப்போடு... ஒரு வருஷத்திலயே டபுளா வித்து தர்ரேண் என்றான் யாசீன்... கடந்த வருஷம் வரை ஒரு டீ.வி.எஸ் 50 யில் சுற்றி திரிந்தவன் , கோலுக்கு கோல் கமிஷன் வாங்கி இன்று குவாலிசில் போகிறாண்.... நம்பித்தான் ஆகவேண்டும் .. நடக்குறது அம்மாவோட ஆட்சி. கொஞ்சம் அடக்கி வாசிங்க மச்சான்.. என அட்வைஸ் செய்துவிட்டு வந்தேன்..

தஞ்சை மாவட்டத்தில் இக்காலத்திலும் நிலத்தை 'வேலி' மா, குழி என்னும் அளவையால் குறிப்பிடுகின்றனர். இதென்ன புதுசா இருக்கிறது உங்க ஊரில என அதிராம்பட்டினம் ஹமீது காக்காவிடம் கேட்டேன்... இதெல்லம் ஒன்னும் புதுசு இல்லை, இதுதான் எங்க ஏரியாவில் தலைமுறைகளாக வழக்கத்தில் இருக்கிறது என்றார்

100 குழி = ஒரு மா,

20 மா = ஒரு வேலி

3.5 மா = ஒரு ஏக்கர்

6.17 ஏக்கர் = ஒரு வேலி

மேலே குறிப்பிட்ட கனக்கை சொன்னவர், உங்க ஊரு கோலுக்கு என்ன கனக்கு என கேட்டு, பதில் தெரியாமல் முழித்த என்னை விடைத்த வினாடியே கீழக்கரையில் நில அளவீட்டு முறையான கோல் என்பதற்கான அர்த்ததை அறிந்து கொள்வதில் மனம் சுற்றி அலைந்தது.

கீழக்கரையை சுற்றிய எந்த ஊரிலும், கோல் என்ற அளவை மூலம் நிலங்கள் அளவீடப்படுவதில்லை, எல்லாம், செண்ட், க்ரவுண்டு, ஸ்கொயர் ஃபீட், ஏக்கர் கனக்குகள்தான் புழக்கத்தில் இருக்கிறது, சேதுபதிகளின் தலை நகரான இராமனாதபுரத்திலும் “ கோல்” என்ற அளவீட்டுமுறை இல்லை. பின் எப்படிதான் இந்த பெயர் நிலைத்து நிற்கிறது என்பது மிக ஆச்சரியத்தை ஏற்படுத்துகிறது. கடும் ஆராய்ச்சிக்கு பின் பாண்டிய மன்னர்கள். சுந்தரபாண்டியன் கோல்’, ‘குடிதாங்கிக் கோல்’என்ற பெயரில் அமைந்த கோல்கள் மூலம் நில அளவை செய்ததாகக் கல்வெட்டுக் குறிப்புகள் கிடைக்கின்றன. ஆறாம் பாண்டியனாக அறியப்பட்ட “ சுல்த்தான் தக்கியுதீன்” வாழ்ந்த கீழக்கரை தனது பண்டைய மரபு முறையை மாற்ற விரும்பாமல் காலம் கடந்தும் “ கோல்” என்ற சொல்லை பேனி பாதுகாத்து வருவது பாண்டிய மன்னர்கள் மரபினை கீழக்கரை இன்றளவும் உலகறிய பறைசாற்றி வரும் மாண்பினை விளக்குகிறது என்பதாக எடுத்து கொள்ளலாம்.

சாண் 2 கொண்டது ஒரு முழம் (1½ அடி)

முழம் 12 கொண்டது ஒரு சிறுகோல் (18 அடி)

சிறுகோல் 4 கொண்டது ஒரு கோல் ( 72 அடி )

மேலே சொல்லப்பட்ட யாப்பு என்னவென்று புரிகிறதா? அது ஒன்னும் இல்லை, அபிதான சிந்தாமனி என்ற தமிழின் முதல் கலை களஞ்சியத்தில் “கணித வகை” என்ற சொல்லின் கீழ் “பூப்பிரமானம் அறிதல்” என்ற தலைப்பில் தரப்பட்டிருக்கும் வாய்ப்பாடுதான் இது. இறுதியாக 1 கோல் என்பது - 75 சதுர அடி என்கிறார்கள் . எப்படியோ கோலு என்னவிலை கேட்டால் நம்மை விடாமல் விரட்டி ஒரு இலட்சம், இரண்டு லட்சம் என்று கூறும் கீழக்கரை புரோக்கர்கள் இந்த அளவையில் வரலாற்றையும் கொஞ்சம் தெரிந்து வைத்துக் கொள்ள வேண்டும் என்பதே என்னை போன்றவர்களின் விருப்பம்.

ஓடி குலான் (Eau-de-Cologne)

2011-05-05T10:15:00.000+04:00

மண் வாசனை மனம் மறக்குமோ என்னவோ.. ஓடி குலானின் (Eau-de-Cologne) மிண்ட் மனம் மூளையின் ஏதோ ஒரு இடத்தில் பதிந்து வாழ் நாள் முழுவதும் நினைவலைகளாய் வீசிக் கொண்டுதான் இருக்கிறது, பால்ய காலங்களில் , மழை காலங்களிலும், பருவ மழையிலும் நனைந்து தும்மலுடன், தடுமலும், காய்ச்சலுமாய் சுக்க்குறைவான நாட்களில் “ அற்புத சஞ்சீவியாக” ஓடி குலான் எனக்கு தெரிந்த்து.

வெள்ளை துணியை சுருட்டி பந்த்தாக்கி, சுடரிட்டு எரியும் அரிக்கேன் லாம்பின் மேல் ஒத்தி எடுத்தும், கரும் மன் சட்டியை அடுப்பில் சுட வைத்தும், உச்சந்தலையில் கொடுத்த ஒத்தில் சொக்கிய சுகம் இனி வரப் போவதில்லை, இதெல்லாம் முடிந்த் பின்புதான் ஓடி குலான் வைத்தியம், உடல் முழுதும் குளிர்ச்சியாய் ஊடுறுவி சூடு கிளப்பும். செக்கடி கீச்சி பூச்சி அன்ன்ன் கடையில் கிடைக்கும் ஓடி குலானில் கிடைத்த மிண்ட்டின் மனம் மெயின் ரோட்டில் வரிசையாய் கடை விரித்திருந்த சிங்கப்பூர் கடைகளில் ஏன் கிடைக்கவில்லை என்பது மில்லியன் டாலர் கேள்வியாகவே இன்றும் இருக்கிறது. கர்ப்பினி பென்களுக்கு கை மருந்தாய் கொடுக்கப்படும் “கோரஜனை” முதல் ”பட்டனம் மூக்குப் பொடி” வரை கிடைப்பதற்கறிய அனைத்து வஸ்துக்களும் இந்த கீச்சி பூச்சி நாடார் கடையில் கிடைக்கும்.

கீழக்கரை மக்களுக்கும் , மீசைக்கார, கோடாரி (ஆக்‌ஷ் ஆயில்) மற்றும் பச்சை (கோல்ட் மெடல்) தைலங்களுக்கும் இருக்கும் பாச பினைப்பை! போன்றே ஓடிகுலானுடன் ஒரு திரவ பந்தம் இருப்பது உன்மை, லேசான தலையிடி முதல் கடும் ஜுரம் வரை, பெரியவர்கள் முதல் பச்சிளம் குழந்தை வரை இதனால் நிவாரனம் பெருவது அணுபவத்தில் கண்ட விந்தை.

கீழக்கரை சின்னக் கடை தெருவில் டீ க்கடை வைத்திருக்கும் லெப்பை கனி காக்காவின் தம்பியின் கடையை ஓடி குலான் கடை என்றுதான் அழைக்கிறார்கள், டீயில் பாலுக்கு பதில் ஓடிக்குலான் திரவத்தை கலந்து விற்கிறாரா என்று எண்ன வைக்கிறதா என்ன?, ஆணால் சோவியத் ரஷ்யாவின் சைபீரியா துருவ பிரதேசத்தின் உறை பனியில் பனியாற்றிய சோவியத்தின் செம்படைகளுக்கு “ஓடி குலான்” சாராயமாக பயன்பட்டதாம்.

Eau-de-Cologne எப்படி கீழக்கரையில் ஓடி குலானாக மாறியது என்பது முதல் இதனை உலகுக்கு அறிமுகப்படுத்தியது யார்? என்பதை அறியும் ஆவல் , அபுதாபி ஹம்தான் ரோட்டில் இருந்த் மோலினா சிங்கப்பூர் கடையில் ஒரு முறை ஓடி குலான் வாங்கிக் கொண்டு இருந்த தருனத்தில் மனதில் உதித்த்து, அங்கு இருந்த கொழும்பு நானாவிடம் , ஓடிகுலான கண்டு பிடித்த்து யார் நானா? என்று கேட்டேன், ”அரபுகள்தான்” என அளந்து விட்டார்.

இனையத்தில் இதன் பின்ன்னியை ஆராய்ந்தால் , அடிப்படையில் இது ஒரு நறுமனத் திரவியமே, 17 ஆம் நூற்றாண்டில் Gian Paolo Feminis என்ற ஒரு இத்தாலிய சிகை அலங்கார நிபுனரால் ஜெர்மனியில் வைத்து கண்டுபிடிக்கப்பட்ட்து, துவக்க காலங்களில் திராச்சை சாறு, மற்றும் லாவண்டர் பூவினை கொண்டு தயாரிக்கப்பட்ட்தாகவும் , அந்த காலக் கட்ட்த்தில் நடந்த போர்களில் ஈடுபட்ட அனைத்து வீர்ர்களாலும் பயன் படுத்தப் பட்டு உலகச் சந்தையில் காலடி வைத்த்தாகவும் வரலாறு கூறுகிறது, இதனை காப்பியடித்து ப்ரான்ஸில் தயாரிக்கப்பட்டஓடிகுலான்தான் இப்பொழுது நடப்பு சந்தையில் கிடைக்க பெறுகிறது. ஃப்ரென்ச் சக்கரவர்த்தி நெப்போலியன் போனாபட் ஒரு நாளைக்கு ஒரு பாட்டில் கோலான் பயன்படுத்துவாராம் என்றால் இதன் மகிமையை புறிந்து கொள்ளலாம்.

துபாய் சந்தையில் இறைந்து கிடக்கும் எவ்வளவோ நுகர் பொருட்களை வாங்கி ஊர் சென்றாலும், “ஓடிக்குலான் வாங்கிட்டு வந்தியா வாப்பா? என கீழக்கரை தாய்மார்கள் இன்றும் கேட்டுக் கொண்டுதான் இருக்கிறார்கள்.

சேது எக்ஸ்ப்ரஸ்....

2011-02-14T11:54:00.002+04:00

கடந்த நூற்றாண்டின் இறுதியில் சேது சீமையில் பொறந்த யாரும் சேது எக்ஸ்ப்ரஸ்ஸில் பயனிக்கவே இல்லை என சவால் விட முடியுமா?

மெட்ராசுக்கும் இராம நாதபுரத்துக்கும் இடயே மில்லியன் கனக்கான மக்களை சுமந்து ஊர்வலமாய் திரியும் அற்புதமாகவே நான் இதனை உணர்ந்து இருக்கிறேன்..வேறு என்ன, 1980 களுக்கு முன்பு வரை சென்னை செல்ல வேண்டும் என்றால் இராமேஸ்வரம் லோக்கல் ரயிலையும், மெயிலையும் மட்டுமே நம்பி இருந்த மக்களின் மனதில் வசந்த்தை கொண்டுவந்த அதிவேக ரயில் அல்லவா இந்த சேது எக்ஸ்ப்ரஸ். தென்மண்டல ரயில்வேயால் இதனை மக்களுக்கும் அர்ப்பனிக்கும் முன்பு வரை லோக்கல் ரயிலும், மெயிலும் மட்டுமே நம் மக்களுக்கு பரிச்சயமாகி இருந்தது, பகல் 12 மனிக்கு மெயிலில் ஏறினால் அடுத்த நாள் காலை வரை நீடித்த பயனத்தில், மொத்த தமிழகத்தையே ஒரு ரவுண்டு வந்து சென்னை எழும்பூர் சென்றடையும் போது உச்சி வெயில் மண்டையை பிளந்து கொண்டிருக்கும். இதைவிட லோக்கல் டரயின் ரெம்ப சூப்பர் , இதே போல ஒரு ரயிலில் அதிராம் பட்டினம் முதல் நாகூர் வரை பயனிக்கும் பொழுதுதான் அரசகவி செய்யது முகம்மது அன்னாவியார் புலவர் “ நாகூர் புகைரத சிந்து” என்ற அருமையான தமிழ் இலக்கியத்தை நமக்கு கொடுத்திருக்க முடியும். ஆம், ஒரு நாள் காலையில் இராமேஸ்வரம் பாஸ்ஞ்சர்” என்ற இந்த லோக்கலில் ஏறினால் அடுத்த நாள் இரவில் உறங்க கண்டிப்பாக சென்னைக்கே சென்றுவிடலாம் போங்க. அன்னாவியாரின் காப்பியத்திற்கு இது போல் ஒரு ரயில் உதவி இருந்தால் எத்தனை ஸ்டேசணில் பெரும் தொப்பை கொண்ட மனிதர் ஜாக்கிங்க் செல்வது போல இறைக்க இறைக்க ஓடி புஸ்.. புஸ்ஸுன்னு மூச்சு விட்டு நிற்பது போல கூவி கூவி நின்றிருக்குமோ தெரியவில்லை.

தனியார் பேருந்து எதுவும் கீழக்கரையில் இருந்து சென்னைக்கு செல்லாத அந்த காலத்தில் திருவள்ளுவர் கீழக்கரைக்கு விஜயம் தந்தார், பழைய பஸ் ஸ்டாண்டில் இருந்து மாலை 5 மனிக்கு கிளம்பி இரவு முழுதும் பயனித்து அடுத்த நாள் காலையில் சென்னையை சென்றடைய திருவள்ளுவர் பஸ் ஒன்று விடப்பட்டது, வயது முதிர்ந்த பயனிகளும், பென்களும் இந்த பஸ்ஸை எப்பொழுதுமே விரும்பியது இல்லை, ரயிலில் செல்லும் சுகத்திற்கு எந்த வாகனப் பயனமும் ஈடாகுமா....

ஆன்லைன் ரிசர்வேசன் காலத்திற்கு முன்பு, கீழக்கரை அப்சரா தியேட்டரின் தென் கோடி மூலையில் சேது எக்ஸ்ப்ரஸின் டிக்கட் முன்பதிவுக்கு என் ஒரு கவுண்டர் வைத்திருப்பார்கள், அதற்கென் ஒரு சிறப்பு ஆபீசர் இராமனாதபுரத்தில் இருந்து நாள்தோறும் வந்து போவார். சினிமா பார்க்க தியேட்டருக்கு வரும் கூட்டத்தை விட ரயில் முன்பதிவுக்காக வரும் கூட்டம் அதிகமாக இருக்கும், தியேட்டரை போலவே ஹவுஸ்புல் போடை இந்த ரயில்வே ஆபீசரும் கையில் வைத்துகொண்டுதான் இருக்கனும்......

மன்னார் வளைகுடாவை செழிக்க வைக்க இந்திய அரசாங்கத்தால் பில்லியன் டாலர் ப்ராஜக்டாக தொடங்கப்பட்டு சட்ட சிக்கலில் இருக்கும் சேது சமுத்திர திட்டத்தை பற்றி மக்கள் பேசுகிறார்களோ இல்லையோ, மச்சான் சேதுலயா வந்திய... சேதுலதான் போறோம், சேதுல கிடைக்குமா? என சேது எக்ஸ்ப்ரஸை ரயிலை குறிப்பிட்டு நாள்தோறும் கீழக்கரை மக்கள் பேசாமல் இருந்த்தில்லை.

வெளியூர் போகும் வழிப்போக்கர்கள் கட்டுச்சோறு கட்டிப்போகும் வழக்கம் பண்டைய காலத்தில் இருந்து நடைமுறையில் இருந்து வரும் ஒரு விஷயம், அதை கட்டிக்காக்கும் உந்துதலோ என்னவோ, சேதுல மெட்ராசுக்கு போறோம் என்றாலே, வீட்டில் பிற்பபகலில் ரொட்டி சுட்டு , கறி ஆனத்துடன் பக்கா பேக்கிங் ரெடியாகிவிடும், மாலை சேதுவில் கீழக்கரைக்காக ஒதுக்கப்படும் ஏதாவது ஒரு எஸ் கோச்சில் ஏறினால் கல்யான வீட்டு சாப்பட்டு வாசம் மூக்கை துளைக்கும்.... கீழக்கரை சாப்பாட்டுக்கென டி.டி க்கள் ‘மாமா என்ன கொண்டு வந்தீங்க” என கேட்பதும், டி.டி. ஆருக்கு வான்கோழி கறி கொடுங்கமா.. என பென்கள் வாஞ்சையுடன் சொல்வதும் வாடிக்கையானது.

புதுக்கல்லூரியில் படிக்கும் காலங்களில் அடிக்கடி சேதுவில் பயனம் செல்வது வழக்கம், என்றுமே நான் கட்டுரொட்டி கொண்டு செல்வதை விரும்புவதில்லை, இராமனாதபுரம் ஸ்டேசனில் இருந்து கிளம்பி, சத்திரக்குடி, பரமக்குடி, கமுதக்குடி வழியே சென்று மானாமதுரை ஜக்‌ஷனை அடையும் ரயில் ஒரு 20 நிமிஸம் இஞ்சின் மாற்றவோ அல்லது கூடுதப் பெட்டிகளை இனைக்கவோ நிக்கும், அந்த கேப்பில் ஸ்டேசனை கடந்து எதிரில் முற்காடுகளுக்கு இடையே குறுகிய மனல் பாதையில் இருந்து நாகூர் ஹனீபாவின் குரலில் ஏதாவது ஒரு பாடல் உச்சஸ்தாயில் ஒலித்துக் கொண்டிருக்கும் மேலும் நெருங்கினால் சீரியல் செட் அலங்காரத்துடன் “ ஆதம் ஹோட்டலை” அடையலாம், இரண்டு பரோட்டாவும், கோழி சால்னாவும் பார்சல் பன்னி வாங்கி வருவதற்குள் சேது எக்ஸ்பரஸ் கிளம்ப ஆயத்தமாகி இருக்கும், ரயில் பயனிகளை மட்டுமே நம்பி நடுக்காட்டில் ஓட்டல் வைத்திருக்கும் “ ஆதம்” ஓட்டல் பாயின் தைரியத்தை பாராட்ட வேண்டும், சேது சீமையின் ஆப்பனூர் காரர் அவர்... அப்படித்தான் இருப்பார் போல....

இராமனாதபுரம் - சென்னை அகல ரயில் பாதை திட்டத்தினை அடுத்து பல காலங்கள் சேது தன் ஓட்டத்தை இந்த தடத்தில் நிறுத்தி வைத்து கீழக்கரை மக்களுக்கு சொல்லென்னா துயரத்தை கொடுத்து வந்தது, இந்த காலக்கட்டத்தில்தான், மூர், பாக்யலட்சுமி, குயீன், பர்வீன், கே.பீ.என், சி.டி.சி டிராவல்ஸ் என ஏகப்பட்ட பஸ் ஆப்பரேட்டர்க்ள் கீழக்கரையின் போக்குவரத்து மார்கட்டை சேதுவிடம் இருந்து தட்டிப் பறித்தனர். இந்த பஸ் கம்பெனிகளுக்கு இடையேலான தொழில் போட்டியில் பிரியானி எல்லாம் இலவாமாக கொடுத்து மக்களை மகிழ்ச்சிப் படுத்தியது படு சுவராஸ்யமானது. முன்னாள் மத்திய ரயில்வே துறை இனை அமைச்சர் வேலு பதவியில் இருந்த காலத்தில் சேது தனது ஒட்டத்தை மீண்டும் தொடங்கி கீழக்கரை மக்களின் வயிற்றில் பால் வார்த்து, ஆம்னி பஸ்களை கார்கோ வண்டிகள் ஆக்கியது.

இதிகாசத்தில் சுட்டிக்காட்டப்பட்ட ராமருக்கும் சேது கால்வாய்க்கும் இருந்த நெருக்கம், மறவ நாட்டு சிங்கம் கிழவன் சேதுபதிக்கும் டச்சு நாட்டினரின் வயிற்றில் புளி கரைத்த விஜயரகுனாத பெரிய தம்பி என்ற சீதக்காதிக்கும் இருந்த பினைப்பு போன்றே கீழக்கரை மக்களுக்கும் சேது எக்ஸ்ப்ரஸின் மேல் ஒரு ஈடுபாடு இருப்பதை மறுக்க முடியுமா?

பழைய குத்பா பள்ளியில் இப்னு பதூதா!

2011-02-02T00:26:00.001+04:00

அமீரக தலை நகரான அபுதாபியை ஆசியாவின் பிரதான வனிக தலைமையகமான துபாயுடன் இனைக்கும் இந்த நெடிய , பளிங்கு போல பள பள வென இருந்தாலும் சற்று பயமாகவும் இருக்கும் சேக் ஜைத் சாலையின் ஊடாக அதிவேகத்தில் வழுக்கி பயனித்து, இந்தா… அந்தா… என துபாய் சிட்டியை நெருங்கும் முன்பே, இராட்சத கட்டிடமான பர்ஜ் கலீபாவை கடந்து எத்தனையாவது இண்டர்சேஞ்சென தெரியவில்லை, அந்த பிரமாண்ட இபுனு பதூதா ஷாப்பிங் மாலின் அலங்கார வாயில் கன்னில் தென்பட்டது, இந்த மாலை பார்க்கும் போதெல்லாம் லாரன்ஸ் ஆப் அரேபியா படம்தான் என் உள்ளத்தில் விரியும்.

மத்திய கிழக்கை மையாமாக வைத்தோ அல்லது இந்த பிரதேசத்தில் செட்டு போட்டோ எடுக்கப்பட்ட பழைய ஹாலிவுட் திரைப்படங்களில் புரதான அரேபியச் சந்தைகளை தத்ரூபமாக வடிவமைத்து காட்டி கடந்த காலத்தில் நம்மை நடமாட விட்டிருப்பார்கள். பாக்தாத் திருடனிலும், அலிபாபா திரைப்படத்திலும் அப்படியான சந்தைகளில் எம்.ஜீ.ஆரும் வலம் வந்து, தூனை பிடித்து சுற்றி சுற்றி வாள் சன்டை போட்டதை தமிழ் கூறும் நல்லுலகம் மறந்திருக்காது.

அத்தகைய அரேபியச் சந்தைகள், சாவடிகள், சதுக்கைகள், பயன்பாட்டு பொருட்கள், வடிவமைப்புகள் என் அனைத்தையும் அடக்கிய பழங்கால அரேபிய நகரினை போன்ற தீமை மையப்படுத்தி உருவாக்கப்பட்ட இந்த மாலுக்கு மத்திய காலத்தில் உலகம் முழுதும் 30 ஆண்டுகளாக சுற்றிவந்த மொராக்கோ தேசத்தின் பெரும் பயனி இப்னு பதூதாவின் நாமத்தை சூட்டிய இந்த துபாய் அரசுக்கு ஒரு “ஓ’ போடத்தான் வேண்டும்.

கீழக்கரைக்கும், காயலபட்டினத்திற்கும் சரித்திர விஷயங்களில் என்றுமே ஒத்துப் போவது இல்லை, சீதக்காதி வள்ளல் காயலில் பிறந்து கீழையில் மரித்தாக காயல்பட்டின சரித்திரம் கூறுகிறது, சின்ன சீறாவில் கீழக்கரைக்கு வழங்கப்பட்ட பெயர்களும், சீதக்காதி மரைக்காயரின் தோற்றம், வளர்ச்சி, மறைவு எல்லாம் தென்காயல் என்ற கீழக்கரை என்றும், நொண்டி நாடகத்தில் , படைவீரன் நொண்டி இயம்பும் நகரின் அமைப்பு கீழக்கரைதான் என்று சரித்திர ஆராய்ச்சியாளர்களான கவி.காமு. சரீப். கேப்டன் அமீர் அலி, இத்ரீஸ் மரைக்காயர் , ச.சி. நெய்னா முகம்மது போன்றோர்கள் சாண்றுகளுடன் தெளிவாக்கியும் இருக்கிறார்கள்.

அதே போன்று கி.பி 1348 ஆம் வருடம் யாழ்ப்பான மன்னரின் விருந்தினராக இலங்கையில் தங்கி இருந்த பின் , கோரமண்டல் கடற்கரையான தென் தமிழகம் வந்து கொண்டிருந்த வரலாற்றுப் பயனியான இப்னு பதூதா கடல் சீற்றத்தில் சிக்கி தப்பித்து தமிழக கரையோரம் வந்து சேர்ந்து பின் காயல்பட்டினம் வந்த்தாகவும், பின்பு அலாவுதீன் கில்ஜி வம்சத்தின் டெல்லி சுல்த்தானான முகம்மது பின் துகளக்கின் வசம் இருந்த இந்திய கண்டத்தில் தென்மதுரை இராஜ்ய பொறுப்பில் இருந்த சுல்த்தான் கியாதுதீனை சந்திந்த்து சென்றதாக காயல்பட்டின வரலாற்று ஆசிரியர்கள் கூறுகின்றனர். அவ்வாறு இப்னு பதூதா தமிழக கரை சேர்ந்த இடம் ஆற்காடு என்று காயல்பட்டினத்தார்கள் சொல்கிறார்க்ள். ஆற்காட்டில் கடல் இல்லை என்பது கீழை வாசிகளின் வாதம்,

இப்னு பதூதா இலங்கையில் இருந்து கடல் கொந்தளிப்பில் சிக்கி வந்து சேர்ந்த இடம் ஆத்துக்காடு என்ற ஊர் என சொல்லப்படுகிறது, அங்கிருந்து பக்கத்து நகரான பதன் என்ற பவுத்திரமானிக்க பட்டனமாகிய கீழக்கரைக்கு வந்து பழைய குத்பா பள்ளி கருங்கல் சாவடியில் தங்கி இருந்த்தாகவும், பின் அங்கிருந்து 60 மைல் தொலைவில் உள்ள பாண்டிய மன்னர்கள் துக்ளக்கிடம் பறி கொடுத்த மதுரை நகருக்கு சென்றதாகவும், பின் மீண்டும் பதனுக்கு வந்து கோழிக்கோடு சென்று மாலதீவை அடந்த்ததாகவும் வரலாற்றின் குறிப்பில் அறியமுடிகிறது. இந்த நெருங்கிய உறவான இவ்விரு ஊருகளுக்கும் ஏன் இந்த சச்சரவு என்பது இன்று வரை புரியாத புதிராகவே உள்ளது.

அதற்கும் மேலாக பவுத்திரமானிக்க பட்டினம் என்றால் பெரிய பட்டினம்தான் என்றும் கூறுகிறார்கள். திரிந்த வரலாற்றின் ஆத்மாவுக்கு மட்டும்தான் உண்மையின் வெளிச்சத்தை வெளிக்கொனற முடியும்? எது உன்மையோ? இப்னு பதூதா மாலை பார்த்தவுடன் அவர் வந்து உன்மையை சொலவாரா என மனம் கிறுக்குத்தன்மாக கூட யோசிக்கிறது...................

எல்லாச் சாலைகளும் உனவு விடுதிகளை நோக்கியே !

2011-01-20T03:00:00.004+04:00

எல்லா ரோடும் ரோமை நோக்கியேன்னு பழமொழி ஒன்னு உண்டு…. ஆனால் கீழக்கரையில் எல்லா கால்களும் பச்சைப்புள்ளை கடையை நோக்கி செல்வது மட்டுமின்றி கால்கடுக்க அங்கு விற்பனையாகும் பீஃப் மற்றும் சிக்கன் கபாபுகளுக்ககாக குத்பா பள்ளிக்கு எதிரில் இருக்கும் இந்த ஹோட்டலின் வெய்டிங் ஏரியாவான வள்ளல் சீதக்காதி சாலையில் போக்குவரத்து நெறிசலையும் சகித்துக் கொண்டு காத்துக்கிட்டு வேற இருக்கனும்… ஹோட்டல் வியாபாரத்துல கிடைக்கிற பரக்கத் (இலாபம்,) வருமானம் ) மாதிரி எதுலயும் கிடைக்காதுன்னு வளைகுடாவை விட்டு காலி பன்னி நம் மக்கள் கீழக்கரை மட்டுமின்றி சென்னை மன்னடியிலும் ஓட்டல்களை திறப்பதும் பிறகு மூடி விடுவதும் வாடிக்கை ஆகிவிட்டது.

என்னதான் ஏராளமான கடைகள் திறந்தாலும், கீழக்கரையில் முன்னொரு சமயம் மணீஸ் கபேன்னு ஒரு அய்யர் கடை இருந்தது, என் பதின்ம வயதில் அங்கு கிடைக்கும் மல்லிகைப்பூ இட்லிக்க்கும் கெட்டி சட்னிக்கும் ஆசைப்பட்டு காலை, இரவு என பாராமல் கையில் காசு கிடைத்தால் போய் அய்யர் கடை அய்டங்களை புசித்து விட்டு வருவது வாடிக்கையாக இருந்தது. என்ன காரனமோ தெரியவில்லை, அய்யர் இடம் பெயர்ந்து விட்டார், இப்பொழுது அய்யர் கடை ஐ.சி.ஐ.சி வங்கியின் தானியங்கி பனம் வழங்கும் மையமாக மாறிவிட்டது.

அதே கால கட்டத்தில் கீழக்கரையில் புகழ் பெற்று விளங்கிய மற்றொரு ஓட்டல்தான் இம்பாலா. சென்னை எக்மோர் இம்பாலா ஹோட்டலின் பெயர் தாக்கமோ என்னவோ தெரி்யவில்லை, இதனை அறியாத எந்த கீழைக்கரை “குடி”மகனும் கீழக்கரைவாசியாக தகுதியே இல்லை என கொள்ள்லாம்.. ஆறடி உயரத்தில் ஆஜானுபாகவனான உருவமாய் உலவி மறைந்த இம்பாலா தீன் காக்கா ஒரு பனியனுடன் ஓட்டலை சுற்றி வந்த நிகழ்வுகள் மனதில் பதிந்து இன்றும் நிலைத்திருக்கும். நெய் ரோஸ்ட் , பேப்பர் ரோஸ்ட் என்ற தோசை வகைகளை முதன் முதலிம் ஆச்சரியத்துடன் ருசித்த ஹோட்டல் அல்லவா.?

இது எல்லாம் தமிழ் சங்கங்கள் கண்ட மதுரை மா நகரில் பள்ளிப் படிப்பின் இறுதி காலங்களுக்காக காலெடுத்து வைக்கும் வரைதான்., அய்யர் ஹோட்டலில் பழகிய இட்லி , கெட்டி சட்னி ஆசையை தீர்த்துக் கொள்ள மதுரை டவுன் ஹால் ரோட்டின் மத்தியில் ஒரு சந்தின் நுழை வாயிலில் “ஐய்யன் கடை” என்ற ஒரு இட்லி கடை உண்டு, அங்கு கிடைக்கும், இட்லிக்கும், சாம்பார், சட்னிக்கும், இட்லி பொடிக்கும் மொத்த மதுரையும் கட்டுப்பட்டிருந்த்து என கூறினால் மிகையாகாது, மதுரை மேலச் சித்திரை வீதியில் எஸ்.வி.எம். கட்டிடத்தில் தங்கியிருக்கும் காலங்களில் தவறாமல் இராமனாதபுரம் வினாயகம் அன்னணுடன் அய்யன் கடைக்கு செல்வது வழக்கம். . இந்த ஹோட்டலில் சாப்பிடுவதற்காகவே வில்லாபுரம் அரசடி என தொலை தூரத்தில் இருந்தும் இட்லிப் பிரியர்கள் இங்கு ரெகுலராக வருவதாக வினாயகம் அன்னன் சொல்லக் கேட்டிருக்கிறேன்.

கீழக்கரை மக்களுக்கு கொண்டாட்ட காலங்களில் பிரதான உனவாக ஒருகாலமும் பிரியானி இருந்தது இல்லை எனில் உங்களுக்கு ஆச்சரியமாக இருக்கலாம்,, அது என்னவோ தெரியவில்லை, காபூலில் இருந்து முகலாய சாம்ராஜ்ய முண்ணோர்களால் அறிமுகப்படுத்தப்பட்ட இந்த பிரியானியை ஆம்பூரிலும், வாணியம்பாடியிலும் முக்கியப்படுத்துவதை போல கடலோர இஸ்லாமியர்களால் முக்கியம் பெறுவதில்லை, காரைக்கால், நாகூர் இஸ்லாமிய மக்கள் விஷேச காலங்களில் அஞ்சு கறி சோறுக்கு கொடுக்கும் முக்கியத்துவத்தை கீழக்கரை மக்கள் நெய் சோற்றுக்கும், கலியா சோற்றுக்கும் மட்டுமே இன்றளவிலும் அளித்tது வருவது விந்தையே.!

ஆனால் எனககு அமசவள்ளி பிரியானி என்றால் உயிர்….,, அது என்ன அம்சவள்ளி…, மதுரை கீழ வெளி வீதியில் இன்றளவும் பிரசித்து பெற்று விளங்கும் அம்சவள்ளி ஹோட்டலில் கிடைக்க்பெறும் பிரியானியின் சுவையை ஒப்பிடவே முடியாது, ஒரு விதமான சீரக சோற்றில் தனியாக ,பிரியானிக்காக பிரத்யோகமாக துண்டிலப்படும் இறைச்சியை சேர்த்து சமைக்கப்பட்டு, சைடிஸ்ஸாக கோழியை கொதிக்க வைத்த என்னையில் ஆழ பொறித்து ஆஃப் பிளேட் , ஃபுல் ப்ளேட் எனப் பறிமாறப்படும், மதுரை சிந்தாமனி திரையரங்கில் ஒவ்வொருமுறை சினிமா பார்க்கும் பொழுதும் அம்சவள்ளியை தரிசிக்காமல் இருந்த்தில்லை.. இதே வகை பிரியானியை திண்டுக்கல் நாகல் நகரில் இருந்த தலப்பாக்கட்டு பிரியானி கடையில் தயாரித்து பிரியானி பிரியர்களை மகிழ்வித்து வந்தார்கள். இப்பொழுதான் தலைப்பாக் கட்டின் தலையெழுத்து மாறி, முட்டுச் சந்துக்கும், தெரு முனைக்குமாக இதன் போலிக் கிளைகள் பரந்து விரிந்து பாரம்பரிய ஜாம்பஜார், மற்றும் ஐஸ் ஹவுஸ் பிரியானிக் கடை பாய்களுக்கு போட்டியாகிவிட்டதே…….

ரெத்தின விலாஸும், அம்பல விலாஸும், பெரிய கடையில் புகழுச்சியில் இருந்த காலம் போய், மதார்ஸாவும், ஹனீபா டெக்ஸ்டைல்ஸூம் இராமனாதபுரத்தை தன் வசமாக்கி இருக்கும் சூழ் நிலையில், ஏகப்பட்ட உனவு விடுதிகள் முளைத்து கீழக்கரை மக்களை ஏப்பம் விட வைத்து விடுகிறது, கூடவே காசையும் தான், ஐஸ்வர்யா , கீரீன் பேலஸ், நவாப் கிச்சன், கல்யான பிரியானி என திசைக்கு ஒரு உனவு விடுதி.

கீழக்கரை மக்களுக்கும் கொத்துப் பரோட்டாவுக்கும் உள்ள உறவில் இன்றளவிலும் விரிசல் வந்த்து இல்லை, நைட் ஹோட்டல் என்றழைக்கப்படும் சீனியப்பா ஹோட்டலில் துவம்சம் செய்யப்படும் பரோட்டா கொத்தில் சட்டுவம் ஆடும் ஆட்டமும், அது எழுப்பும் ஒலியிலும் மாபெரு இசைப்பயன அனுபவமே அடையமுடியும்..

கீழக்கரை மக்களின் உனவு கலாச்சாரம் மாறி, சுவைக்கு அதி முக்கியத்துவம் தரப்பட்டு , ஓட்டல் வியாபாரம் கொடி கட்டி பறந்து வந்தாலும் எந்த ஹோட்டலிலும் சுத்தம் சரியாக பராமரிக்கப்படுவதில்லை,, தரமற்ற பொருட்கள் உபயோகப்படுத்தப்பட்டு, உடல் நலக் கேடை உருவாக்க ஏதுவானதாக அமைகிறது, இதனை முறைப்படுத்தாவிடில் உனவு விடுதி செல்லும் எல்ல ரோடுகளும் ஆஸ்பத்திரியை நோக்கும் சூழ் நிலையை சந்திக்க நேரிடலாம்……

பின் மாலை பெருமழை பொழுதில்...லெப்பை கடையில்....

2011-01-12T16:23:00.001+04:00

"பால் கலக்காத பானம் தயாரித்துக் குடிப்பதால் உடலுக்கு நன்மை ஏற்படுவதுடன் செலவையும் குறைக்கலாம்"

கடந்த வருடம் நவம்பர் மாதம், விடாது பெரு மழை பொழிந்த பின்மாலை நேரத்தில், கீழக்கரை முஸ்லீம் பஜாரில் உள்ள லெப்பை டீ க்கடைக்குள் ஓதுங்கினேன், ”மழை உடாது மச்சான், ஆட்டொல வீட்டுக்கு போயிறு’என்றான் யாசீன், அட ஒரு சுலைமானி சொல்லுப்பா, குடிச்சிட்டு போவலாம், என்றேன்......

பத்து பதினைந்து கிளாஸுகளை பாங்காய் பரப்பி , கொதி நீர் நிரப்பப்பட்ட டீ பாய்லருக்கும் சக்கரை டப்பாவுக்கும் ,இஞ்சி சாறு பாட்டிலுக்கும் இடையில், ஏற்ற இறக்கமாக ஒரு நாட்டியம் ஆடிக் கொண்டிருந்த்து டீ மாஸ்டரின் கை, சூடு பறக்க வந்த சுலைமானியை ஊதி உறிந்து குடித்து நரம்புகளில் சூடேற்றிக்கொண்டேன்...

அந்த மழை கால கூதலுக்கு சுடு சுலைமானி இதமானதகவே இருந்த்தது.

கீழக்கரையில் சுலைமானி என்ற ப்ளேண் டீ க்கு லெப்பை ஹோட்டலை ஒரு பயோனிர் கடையாக கொள்ள்லாம்.இன்று கீழக்கரை மக்கள் தொகையின் பெரும் பகுதி வளை குடாவில் பரவிக்கிடப்பதால், அரபிகளின் தேனீர் கலாச்சாரத்தை கேரளா உள்வாங்கியது போல் சுலைமானிக்கு ஏகப்பட்ட டிமாண்ட் ஆகிவிட்டது போலும்.

கேக்குகள், பப்ஸ்கள், சூசுபரி, பிஸ்கட், இன்னும் பல தின்பண்ட வகைகள் அனைத்தும் கிடைக்கும் மெயின் ரோட்டில் இருக்கும் கடைகளான எஸ். ஆர். பேக்கரி, பாம்பே ஆனத்த பவன், மற்றும் மைசூர் பாக்குக்கு பிரசித்து பெற்ற மாலை நேர கடையான ராவியத் ஸ்வீட்ஸ் எங்கும் சுலைமானி மலிந்து கிடைக்கப் பெறுகிறது.

முன்னொரு காலத்தில் ஆங்காங்கே தென்பட்ட சுக்குமல்லி காப்பி கடைகள் வெகுவாய் குறைந்து, இறுதியாக கடற்கரை நோக்கிய மெயின் ரோட்டில் லெப்பை தெரு, எஸ். என் தெரு சந்திப்பில் ஒரு கடை இருந்த்து, அந்த கடையில் இருந்த்து வெளிவரும் கிசோர்குமார் மற்றும் முகம்மது ரபீயின் பாடலிசையில் இழைந்து கொண்டே சுக்குமல்லிக்காப்பியை குடிக்கும் பொழுது கடுமையான காப்பியின் காரம் கூட தெரிவதில்லை. இதைதான் திருவள்ளுவரின் குறளில் இப்படி சொல்லப்பட்டதோ என்னவோ?

”செவிக்கு உணவு இல்லாத போழ்து

சிறிது வயிற்றுக்கும் ஈயப்படும்”

என்ன கொடுமை! அந்த சுக்குமல்லி காக்கா சமீபத்தில் காலமாகிவிட்டது அறிந்து மனம் விசும்புகிறது, அத்துடன் சுக்குமல்லி காப்பிக்கும் இந்தி கஜல்களுக்கும் உள்ள உறவும் அற்றுப்போய்விட்டதாகவே தெறிகிறது. அந்த காக்கவின் பெயர் தெரிந்த்தால் யாராவது சொல்லுங்களேன்..............

பெரியபட்டன துயரம்......

2010-12-26T17:41:00.004+04:00

26 டிசம்பர் 2010 - இன்றிலிருந்து சரியாக 7 வருடங்களுக்கு முன்னர் (26 டிசம்பர் 2004) தென் ஆசியாவெங்கும் பல்லாயிரக்கணக்கான மக்களை காவு கொண்ட சுனாமி ஆழிய பேரலையின் நினைவுகளின் வடுக்கள் நம் மனதை விட்டு மறையும் முன்னே, இன்று காலை இராம நாதபுரம் மாவட்டம் பெரிய பட்டனத்தை சேர்ந்த 16 பேரை வங்காள விரிகுடா விரும்பி அழைத்து விருந்தாக்கிக் கொன்ட்து. கண்ணுக்கு முன்னாலேயே நெருங்கிய உறவுகளை பலிகொடுக்கும் துயரம் அளவிட முடியாதது. மரனித்தவர்களில் அதிகம் பேர் பென்களும், குழந்தைகளும் என அறிய முடிகிறது, இராம நாதபுரம் மாவட்ட்த்தயே ஸ்தம்பிக்க வைத்த இந்த சம்பவத்தில் மரனித்தவர்கள் உல்லாச பயனமாக அருகில் இருக்கும் அப்பா தீவுக்கு இரண்டு மோட்டார் பட்குகளில் பயனமானவர்கள், கடல் ஏற்படுத்திய பேரலையாலும், காற்றின் வேகத்திலும் படகுகள் நீருக்குள் கவிழ்ந்து பயனம் செய்த அனவரும் மூழ்கடிக்கப்பட்டனர், அரசு இயந்திரமும், பெரியபட்டினம் மக்களும் விரைவாக செயல் பட்டும் பலரின் உயிரை பாதுகாக்க முடியாமல் மிகப் பெரும் உயிர் சேதம் ஏற்பட்டுவிட்ட்து. மரனித்தவர்களுக்கு இறைவன் நறபதவி வழங்க வேண்டுவதை தவிர வேறு வழி தெரியவில்லை.

கீழக்கரை தராசு

2010-12-20T13:28:00.003+04:00

நனமைக்கும், தீமைக்குமான தராசு இறைவனிடம்தான் இருக்கிறது என்பதை தராசு அறியுமோ இல்லையோ , இந்த பூவுலகில் பல பேர் கையில் அகப்பட்டு நேர்மைக்கும் , அநீதிக்கும் இடையே அந்தரத்தில் ஊசலாடிக் கொன்டிருப்பதே உன்மை. குஜராத்தின் பெரும் வைர வியாபாரிகள் கை முதல் கீழக்கரையின் கருவாட்டுக்கடைகள் வரை தராசு ஒரு அளவுகோளாகி உழைத்து வருகிறது.பத்தாக் குறைக்கு எல்லா நீதி மன்றங்களிலும் உள்ளா நீதி தேவதையின் கன்னை வேறு கட்டி கையில் தராசை கொடுத்து ரெமப் சிரமப்படுத்துகிறோம்.

புலனாய்வு பத்திரிக்கையின் முன்னோடியான தராசு எனக்கு அறிமுகமாவதற்கு வெகு காலத்துக்கு முன்பாக, கீழக்கரை சின்னக் கடை தெருவில் இருக்கும் முத்தலிப் காக்கா அரிசிக்கடையில்தான் நான் என் பாலிய நாட்களில் முதன் முதலாக தாராசை பார்த்த நினைவு, கீழக்கரை அரிசி மற்றும் எண்னை வியாபாரத்தில் முண்ணோடிக் கடைகளில் இதுவும் ஒன்று, இந்த நூற்றாண்டின் தொடக்க காலத்தில் கீழக்கரையின் பல சரக்கு வியாபாரத்தில் வேளாலர்கள் கை ஓங்கிய நேரம், 1930 ஆம் ஆண்டு “வெள்ளாலன் சண்டை” என்று அழைக்கப்பட்ட முதல் இந்து முஸ்லீம் கலவரம் கீழக்க்ரையில் வெடித்து , சி. அப்துல் ஹகீம் போன்றோர்கள் சமாதானத்திற்காக கீழக்கரை வந்து இந்து பஜார், முஸ்லீம் பஜார் எல்லாம் உருவான காலத்தில்,

ஓர்தட்டிலே பொன்னும் ஓர்தட்டிலே நெல்லும் ஒக்கவிற்கும

கார்தட்டிய பஞ்ச காலத்திலே தங்கள் காரியப்பேர

ஆர்தட்டினும் தட்டு வராமலே அன்ன தானத்துக்க

மார்தட்டிய துரை மால் சீதக்காதி வரோதயன...

என படிக்காசு புலவரால் பாடி புகழப்பட்ட வள்ளல் சீதக்காதியின் வழித்தோன்றல்களாலான பட்டின சாயிபு முத்தலிப் குடும்பத்தினரால், சின்னக்கடை தெருவில் உள்ளூர் முஸ்லீம்களின் நலம் விரும்பி இந்த அரிசிக்கடையும், என்னை எடுக்க ஒரு செக்காலையும் ஏற்படுத்தப்பட்டது, உழவர் சந்தையில் எலக்ட்ரானிக் தராசும், அதி வேக இயந்திர செக்குகள் பலவும் வந்தாலும், செக்கை சுற்றி வரும் காளை மாடுகளை கான இந்த செக்காலைக்கு செண்ற அனுபவம் மாடு செக்கை சுற்றி வந்த்து போல இன்றும் மனதை சுற்றி வட்டமடிக்கிறது. கருப்பரிசியை பெரும் அளவில் பாவித்து வந்த கீழக்கரை மக்களுக்கு தஞ்ச்சாவூர் பொன்னியையும், ஐ.ஆர். எட்டையும் அறிமுகப்படித்தியது நம்ம முத்தலிப் காக்கா அரிசிக் கடைதான் என்றால் பார்த்துக் கொள்ளுங்களேண்.. அள்வுகோளிலும் நியாய்த் தராசை இறுதி வரை கடை பிடித்த முத்தலிப் காக்கா தனது 90 வது வயதில் இறைவனடி சேர்ந்தார்.

சின்னக்கடை தெருவில் இருந்து கடல் நோக்கி செல்லும் பாதையில் , பண்டக சாலை முக்கூட்டிற்கு அப்பால் பதினட்டு வாலிபர் தர்காவுக்கும், கே.டி.எம் பங்களாவுக்கும் இடையில் கடலடியை நெருக்கிய ஒடுங்கிய பாதையில் நன்பரும், பாடகருமான சீனி காக்காவுடன் ஒரு அந்தி இறங்கிய வேளையில் உலா சென்ற பொழுது, வலப்புறம் அமைந்த கே.டி.எம் பங்களாவை ஒட்டிய தோட்டத்தில் சிதிலடைந்த நிலையில் இருந்த ”பாத்திமா நர்சரியை ஸ்கூலை” மனதிற்குள் தேடினேன், மங்கிய தோற்றம் சிறிது நேரத்தில் ஒளி வீசி தெளிவானது, கணிவுமிக்க ஹபீபா ஆண்ட்டி அவர்க்ளால் 1970 களில் மழலைகளுக்காக இந்த பள்ளி இதே தோட்டத்தில்தான் பூத்து குலுங்கியது. ஹபீபா ஆண்ட்டியின் மறைவிற்கு பிறகு பாத்திமா நர்சரியும் தன் கதவை தாழிட்டு கொண்டது........அவர்களின் ஆங்கிலப் புலமையும், ஒரு் இரு சக்கர நாற்காலி வண்டியில் இந்த பள்ளி முழுதும் சுற்றி வந்து கன்கானித்தமையும் , மழலைகளின் மீதான் அக்கரையும், டார்க் ரூமில் அடைத்து விடுவேன் ... என கண்டித்ததும் காற்றில் கலந்து இன்னும் மன்னார் வளை குடாக் கடல் அலைகளின் ஓசையில் பிரதிபலிப்பதாகவே மனம் சொல்கிறது............. தேவதாஸ் படத்தில் கண்டசாலாவின் கனீர் குரலில் ஒலித்த “ உலகே மாயம் வாழ்வே மாயம்” பாடலை மனதோடு உருகி சீனி காக்கா பாடிக் கொண்டிருந்தார்.

இதில் எங்கே தராசு என்று கேட்கத் தோன்றலாம், 1980 இல் தமிழகத்தில் எம்.ஜி.ஆரின் புகழ் உச்சதில் இருந்து வந்த சமயம், தேர்தல் ஜூரம் தமிழக்மெங்கும் வீசி அடித்த நேரத்தில், கடலாடி சட்ட மன்ற தொகுதியில் கீழக்கரை தராசு ஒன்று சுயேச்சையாக களமிறங்கி எம்.ஜீ.ஆரின் அ.தி.மு.க வேட்பாளர் சத்திய மூர்த்தியை எதிர்த்து களம் கண்டது, மேலே குறிப்பிட்ட ஹபீபா ஆண்டியின் சகோதரர் டி.எஸ்.ஒ. என்ற அப்துல் காதிர்தான் அவர்கள்.... தராசு சின்னத்தில் போட்டியிட்ட இவர்கள் சொறப வித்தியாசமான 3500 வாக்குகளில் தோல்வியை தழுவியது... சொந்த ஊரான கீழக்கரை ஒட்டுக்களால் தான் என பின்பு அரசியல் வட்டரங்களில் சொல்லப்பட்டது, தோல்வி தந்த மன அழுத்ததில் சென்னைக்கு சென்ற டி.எஸ்.ஓ அவர்கள் கீழக்கரை மன்னை மீண்டும் மிதியாமலேயே சிறிது காலத்தில் இந்த மன்னை விட்டு மறைந்ததாகவும் கேள்விப்பட்டோம்... இன்றிலிருந்து 30 ஆண்டுகளுக்கு முன்பே தமிழக சட்ட மன்றம் செல்ல முயன்ற ஒரு மன்னின் மைந்தனை தடுத்து நிறுத்திய கீழக்கரை மக்களின் மனத் தாராசில் அப்பொழுது நியாயம் இருக்கவில்லை......

சங்கு (கீழக்) கரை

2010-12-10T00:56:00.003+04:00

அது என்ன சங்கு கரை ? கீழக்கரைக்கு வடக்கே 20 மைல் தூரத்தில் பெரிய கம்மாய் மதகிலிருந்த்து மழை நேரத்தில் திறந்துவிடப்படும் தண்ணி வங்காள விரி குடா பெருங்கடலில் பெருமிதத்தோடு கலக்கும் சந்திப்பில் அமைந்திருக்கும் சேது கரை தெரியும் என ஆச்சரியத்துடன் வினவிய பட்டுக்கோட்டை நன்பன் செல்வாவின் கையில் ஒரு பிள்ளையார் சங்கை வைத்தேன். அற்புதம் என்றான். கீழக்கரை கடல் செல்வம் தந்த அற்புதத்தில் இதுவும் ஒன்று என்றேன்,

வினாயகர் உருவத்திலான அந்த வகை சங்கு மன்னார் வளைகுடா எங்கும் கிடைக்கப் பெறும், சென்னைவாசியாகி அவ்வப்பொழுது ஊருக்கு செல்லும் காலங்களில், ஜமாலியா சங்கு மாலுக்கு சென்று இது போண்ற சங்குகளை சங்குமால் ஊழியர் சதக்குதம்பி காக்காவிடமிருந்து சேகரித்து என் மாற்று மத நன்பர்களுக்கும், மேலதிகாரிகளுக்கும் அண்பளிப்பாக வழங்கி வருவது வெகு காலம் வழக்காமாக இருந்து வந்தது. இன்றும் அவர்கள் வீட்டின் பூஜை அறைகளை இந்த சங்குகள் அலங்கரித்து வருவதாக சொல்லவும் கேட்டிருக்கிறேன்.

சங்கு குளிப்பதும், சங்கு வணிகமும் கீழக்கரையின் புரதான தொழில், முத்து குளிப்பும், முத்து வணிகமும் அப்படித்தான் இருந்து வந்த்து, கால வளர்ச்சியில் முத்து வணிகம் முழுக்க மறைந்தாலும் சங்கு இன்னும் கீழக்கரையுடனான தொடர்பை விடவில்லை.

சங்கு என்றவுடன் உனக்கு என்ன தோண்றும் என நன்பன் அலியிடம் கேட்டேன், பதிலுக்கு அவகாசம் எடுக்காமல் உடனே சொன்னான்” எனக்கு சங்குண்டவுடனே எஸ்.ஐ. சங்கு தான் ஞாபகத்துக்கு வற்றாரு…. சரிதான்,, கீழக்கரையின் காவல்துறை ஆயாவாளர் பெயர் “ சங்கு” என்பதை அப்பொழுத்துதான் நானே தெரிந்த்து கொண்டேன்…. சங்குக்கும் கீழக்கரைக்கும் உள்ள தொடர்பினை என்னவென்பது?

பிறகு ஒரு சமயம், மேலே கேட்ட அதே கேளிவியை மைனா என்ற யாசீனிடம் கேட்டேன்” மச்சான், நீங்க என்ன நினைக்கிறிய…..? அடப் போப்பா… சங்குண்டா என்ன நினைப்போம், சங்கு மார்க் வேட்டிதான்… கிப்ஸ்லாம் நல்லாவா போடறான் என்றான், அகமும் புறமும் காசு சம்பாதிப்பதிலேயே ஊறிய யாசீன். உண்மைதான், சங்கு அபூபக்கர் அண்ட் கம்பெனியின் தயாரிப்பில் இன்று வரும் வேட்டிகள் கூட அதே தரத்தை பராமரிப்பதை கானலாம். கிப்ஸ் வேட்டியின் தரங்கள் விலைக்காக வேறுபட்டு மக்களை குழப்பி விட்டதாகவே நினைக்கிறேன்.

1940 களில் சங்கு மார்க் கம்பெனி கைலிகள், வேஸ்டிகளுக்கும், மதுரை எஸ். இப்ராகீம் அண்ட் கோ வின் நீண்ட கருப்பு குடைகளுக்கும் இந்தியா, மட்டுமின்றி இலங்கை, சிங்கப்பூர், மலேசியா போன்ற நாடுகளிலும் மிகப் பெரும் முக்கியத்துவம் அங்காடியில் இருந்த்தாக சங்கு நிறுவனத்தின் பழைய ஊழியரும் அதன் நிறுவனர்களின் உறவினருமான அபிராமம் விஜயன் முஸ்தபா அண்ணண் சொல்லி கேள்விப்பட்டதுண்டு, இலங்கையின் முன்னாள் அதிபர் பண்டாரனாயகாவிற்கு சங்கு மார்க் கைலிகள் மிக இஷ்டம் என்று சொல்ல கேள்விப்பட்டதும் உண்டு. இன்னொரு விசயம் சங்கில் இருந்து பிறிந்த சகோதரரின் நிறுவனம்தான் கிப்ஸ்.. அது ஒரு தனிக்கதை… ஆனால் எனக்கு பிடித்தது கீழக்கரை இந்து பஜாரில் இருக்கும் சண்முகம் நாடார் அண்ட் சன்ஸ் கடையில் மட்டும் கிடைக்கும் குதிரை மார்க் வேஷ்டிகள் மட்டுமே. அது ஏன் அபுதாபி மோலினாவில் கிப்ஸ் மட்டுமே கிடைக்கிறது? யாராவது விடை தெரிந்தால் சொல்லுங்கள்…..

விஷயம் திசை மாறியே செல்கிறது என நினைக்கிறேன்.,. சரி….. சங்கு என்றால் எனக்கு என்ன தோன்றும் தெரியிமா? உண்மையை சொல்கிறேன்…. வலம்புரி, பால் சங்கு, பழைய குத்பா பள்ளி தெரு, அவ்வையார், சீவக சிந்தாமனி, கல்கத்தா, இராமேஸ்வரம், சங்கே முழங்கு, சீதக்காதி, கடலோர கவிதைகள், வீரப்பாண்டிய கட்ட பொம்மனில் போர் காட்சிகள், சாவு ஊர்வலம், அஞ்சு வாச கிட்டங்கி, சங்கு மோதிரம், சங்கு சக்கரம், லட்சுமி, அணுமார் என எதுவும் இல்லை. மாறாக “ 1986 ல் கீழக்கரை பேரூராட்சி தேர்தலில் இரட்டை இலை சின்னத்தில் போட்டியிட்ட அ.தி.மு.க வேட்பாளர் அப்துல்லா அவர்களை “ சங்கு” சின்னத்தில் சுயேட்சையாக போட்டியிட்டு வென்று கீழக்கரை பேரூராட்ச்சியின் சேர்மனாக பல காலங்கள் பதவி வகித்த கே.எஸ்.எம். சாகுல் ஹமீது ஆலீம் அவர்கள் கையில் ஓரு வலம்புரி சங்குடன் ஒட்டு கேட்டு தெரு தெருவா்க ஊர்வலம் சென்ற காட்சி மட்டுமின்றி, அவருக்காக நாகூர் ஹனீபா வின் வென்கலக் குரலில் “வலம்புரி சங்கு”…. வலம்புரி சங்கு” எனற பிரச்சார பாடல் கீழக்கரை முழுவதும் ஒலித்து கொண்டிருந்தாலும்…. ஒரு அம்பாஸ்டர் காரில் பல நாள் ஊர்முழுதும் சுற்றி ” உங்களின் ஒட்டு சங்கு சின்னத்துக்கே” என பிரச்சாரம் செய்த பத்தாம் வகுப்பு மாணவர் , அருமை நன்பர் ஹமீது ரஹ்மானின் .. கணீர் குரலும்தான்…

ஹமீதியா..... ஹை.... ஸ்கூலு....மஞ்சள் மாளிகை..........

2010-11-08T20:25:00.003+04:00

பள்ளிக்கூடம் செல்லும் கீழக்கரை மாணவர்களுக்கு மட்டுமின்றி, அணைத்து தரப்பு மக்களுக்கும் ஹமீதியா ஸ்கூலுன்னா... ஏதாவது ஒரு பழைய அணுபவத்தில் மனம் லயிப்பதை தவிர்க்க முடியாது, உல்லாசத்திலும், ஒய்யாரத்திலும் சிந்தை களித்து கிடந்த... கடந்து வந்த காலங்களின் தடத்தினை ஒடுங்கி கிடக்கும் உள்மனசில் தேடும் பொழுது கிடைக்கும் பேரானந்ததுக்கு எல்லகளை வரையறுக்க முடியாது...

கீழக்கரை மேலத்தெருவின் மத்தியில் மாளிகையாய் ஓங்கி உயர்ந்து வீற்றிருக்கும் ஹமீதியா பாய்ஸ் ஸ்கூலுக்கும், நம் மக்களுக்கும் உள்ள பந்தம் தொப்புள் கொடி உறவு போன்றது. பள்ளி வராந்தாவில் மிடுக்குடன் வலம் வந்த ஹெச்.எம். ஜக்கரியா மாஸ்டரை மறக்க முடியுமா? அவரை பார்த்தாலே பலருக்கு வயிற்றை கலக்கும். நல்லாசிரியர் புலவர் முஸ்தபா அவர்களின் நாவண்மையில் தமிழின் எழிலில் மனதை விட்டுருக்கிறேன்.தற்பொழுது இந்த மாளிகை ஹமீதியா மெட்ரிகுலேசன் பள்ளியாக மாறி இருக்கிறது, பாய்ஸ் ஸ்கூல் முள்ளுவாடிக்கு அருகே இடம் பெயரப்பட்டிருக்கிறது.

ஓவ்வொரு முறை பள்ளி செல்லும் பொழுதும் பாதை மாற்றியே பயனித்திருக்கிறோம். எங்கள் தேடுதல்கள் பள்ளியில் இருந்ததது, அதனை சென்றடைய சில சுருக்கு வழிகளும், குறுக்கு வழிகளும் தேவைப்படும், காரனம் தாமதம் தான், சினிமா தியேட்டரில் "ஹவுஸ்புல்" போர்டை தடாலடியாக போடும் டிக்கட் கவுன்டர் ஆசாமிகள் போல், ஒன்பது மனி பெல் அடித்தவுடன் ஸ்கூல் கதவை முற்றாக சாத்தும் சுல்தான் பாயின் உருவம் இன்னும் மனதிலேயே நிலைத்து இருக்கிறது, கையில் நீன்ட குச்சியுடன் " கப்பர்தார்" சொல்லாத குறையாக நிற்கும் அவரை ஒரு வில்லனாகவேதான் நாங்கள் பார்த்தோம்.

பயனம் செய்த பாதைகளின் ஊடே நிலை கொன்டிருந்த சர்ச் கோபுரம், புது பள்ளி மினாரா, க்ரவுன்டின் நீன்ட காம்பவுன்ட் சுவர், அதன் எதிரே இருந்த போன்டா கடை, முகம்மது சதக் ரோடு போஸ்ட் ஆபீஸ், அஹ்மது தெரு தைக்கா, அதன் முனையில் பட்டொளி வீசி பறந்த கொடி மரம், எதை மறக்க முடியும்.... பிரைமரி ஸ்கூலின் முகப்பில், நன்பகலில் நவ்வாப் பழமும், எலந்தை பழமும்,கொடுக்கா புலியும் வாங்கித்தினறு மகிழ்ந்த நாட்கள் அவை.

மேலத்தெரு க்ரவுன்டு என அழைக்கப்படும் பள்ளியின் விளையாட்டு மைதானத்தில் மாலை நேர உற்சாகம் ஒரு கண்கொள்ளாக் காட்சியாகவே அமைந்து இருக்கும், கிரிக்கட், வாலி பால், பேஸ்கட் பால், கபடி என விளையாட்டுக்கள் ஆங்காங்கே நடந்து கொன்டு இருக்கும், பாரவையாளர்கள் வேறு ஸ்டேடியம் முழுதும் நிறைந்து இருப்பார்கள், கடலை, முறுக்கு, ஐஸ் வன்டி வியாபாரிகள் வேறு விருவிருப்பாய் க்ரவுனடை சுற்றி பிசினஸ் பன்னி... க்ரவுன்டுக்கு வெளியே நிரந்தர பெட்டிக்கடை வைத்திருக்கும் குந்துருஸ் மாமாவின் பிஸினசில் மன் அள்ளிப்போட்டுக் கொண்டிருப்பார்கள், குந்துருஸ் மாமா உஸ்வத்துல் ஹசனா முஸ்லீம் சங்கத்தில் புகார் கொடுத்தும் அந்த வியாபாரிகளுக்கு தடை போட முடியவில்லை என ஒரு செய்தியும் உண்டு.

மேலத்தெரு க்ரவுனடை பற்றி பேசும் பொழுது பி.டி மாஸ்டர் முகம்மதலியயை நினவு கூறாமல் இருக்க முடியாது, மௌன குருவாக கீழக்கரைக்கு வந்து தன் குடும்பத்துடன் இஸ்லாத்தை தழுவியவர், பள்ளியின் ஒவ்வொரு வருட விளையாட்டு தினமும் இவராலேயே வடிவமைக்கப்பட்டது.

பள்ளியை பற்றி பார்க்கும் தருனம் அதன் பிண்னனியை பற்றி ஆராய வேண்டும் அல்லவா? உஸ்வத்துல் ஹசனா முஸ்லீம் சங்கத்தின் நிர்வாகத்தில் இருக்கும் மற்ற பள்ளிகளான ஹமீதியா ஆரம்ப ,மெட்ரிகுலேசன் , பென்கள் பள்ளிகளை விட ஆண்கள் பள்ளி ஏற்படுத்துவதற்காக அதன் நிறுவனர்கள் சந்தித்த சோதணைகளும், அதற்கான முயற்சியும், உழைப்பும் கடினமானது, அந்த கால கட்டத்தில் அதற்கான செலவும் அதீதமாகவே இருந்தது.

கீழக்கரை சமூகத்தின் கல்வி வளர்ச்சிக்கு வித்திட்ட ஹமீதியா ஸ்கூலின் தோற்றத்திற்கும் அதன் செம்மைக்கும் பயிரிட்டு, உரமிட்டவர் செல்வப் பெருந்தகை, கல்விகொடையாளர் கே.டி.எம். ஹுசைன் ஹாஜியார் அவர்கள்.

இரண்டாம் உலகப் போர் உலகை உலுக்கிக் கொண்டிருந்த ஒரு கஷ்ட காலம், ஆகாயத்தில் அவ்வப்பொழுது பருந்து போல் வட்டமிடும் விமானங்களை கன்டாலே மக்கள் அஞ்சி ஒடுங்கிய நேரங்கள், கீழக்கரை சமூகத்தின் பொருளாதாரம் வெகுவாக வீழ்ச்சியடைந்திருந்த 1943 ஆம் ஆண்டு, சங்க நிர்வாக கூட்டத்தில் பங்கெடுத்த வள்ளல் ஹுசைன் ஹாஜியார், சங்கத்தால் நிர்வாகிக்கப்பட்டு வந்த " மத்ரஸத்துல் ஹமீதியா" என்ற பள்ளியை ஒரு நடு நிலை பள்ளியாக மாற்றிக்காட்ட தன் கண்ட கணவினை விளக்கிக் கொண்டிருந்தார், திட்டங்களுக்கு உயிர் கொடுக்கும் பொருட்டு தனது வணிக தொடர்புகள், அரசியல் செல்வாக்கு, நிதி , நிலத்திற்கான தேடல் என அனைத்தையும் சடுதியில் நிறவேற்றி அடுத்த ஆறு மாதங்களில், ஓங்கி நிற்கும் இந்த மாளிகையய அனைத்து வசதிகளுடன் மக்களுக்கு அர்பனித்தார், வள்ளல் அவர்களின் வேகத்தையும், ஆர்வத்தையும்,கண்டு,வியந்த கல்வித்துறை உயர் அதிகாரியான நார்மன் என்ற ஆங்கிலேயர் உயர் நிலை பள்ளிக்கான உத்தரவை வழங்கினார். இப்படியாக 1944 ஆம் ஆன்டு கீழக்கரையின் முதல் உயர் நிலை பள்ளி ஏற்படுத்த பட்டது. வள்ளல் ஹுசைன் ஹாஜியார்தான் கீழ்க்கரையினரின் வணிகத்தில் பங்காளி முறையை முதலில் ஏற்படுத்தியவர் என்பது குறிப்பிட தக்கது.

வாழ்க்கையின் சூழலில் அங்கும், இங்கும் அலைந்ததில், பள்ளி வாழ்க்கையினிலிருந்து கடந்து வந்த 25 வருட தூரம் கன நேரம் போல் கடந்து விட்டது, ஊர் செல்லும் போதெல்லாம் இந்த மஞ்சள் மாளிகை வழியே நடந்து சென்றிருந்தாலும், உள்ளே சென்று பார்ப்பதற்கான வாய்ப்போ, ஒரு ஆர்வமோ வரவில்லை. சமீபத்தில், உலக பொருளாதார வீழ்ச்சியின் பாதிப்பின் தாக்கத்தில், குட்டி மகளை ஊரில் படிக்க வைக்க வேண்டிய சூழ் நிலையில் இரு மாமாஙக்த்திற்கு பின் அந்த மஞ்சள் மாளிகையில் கால் வைத்தேன், உள்ளே நுழைந்து சுற்றி பார்த்தேன், உடல் சில்லிட்டது, அமைப்பில் எதுவுமே மாறவில்லை,வர்ணங்களை தவிர, பார்மாலிட்டீஸ் எல்லாம் முடிந்து மகளை க்ளாசில் விட சென்றேன், உள்ளே சென்று அமர்ந்தாள்....... 25 வருடங்களுக்கு முன நான் அமர்ந்த அதே வகுப்பறையின், அதே இருக்கைகான அதே தளத்தில்.............

கீழக்கரை பிக்னிக்.....

2010-10-22T04:51:00.002+04:00

கடந்த வாரம், ஒரு காலை பொழுதில், அலுவலக பணியில் மூழ்கி முத்தெடுக்க மூச்சு திணறிய தருணத்தில், அலை பேசியின் அழைப்போசையால் கொஞ்சம் ஆசுவாசப்படுத்திக் கொண்டு பேசினேன்.

ஹலோ............ எதிர்முனையில் பேசியது என் கண்மணி...

என்ன செய்தி? தொடர்ந்தேன்..............

நாங்க இப்ப தோட்டத்துல இருக்கிறோம்........ பிக்னிக் வந்தோம்....... கண்மணியின் குரலில் உற்சாகம் தெறித்தது

அப்படியா... சரி என்ஜாய் பன்னுங்க, அப்புறம் பேசுறேன்... போனை அனைத்து விட்டு வேலையில் மூழ்க முயற்சி செய்தேன்... மனம் அலை பாய்ந்தது.............

பிக்னிக்......... என்ற வார்த்தையினில் உள் மணதில் உற்சாகம் பீறிடுகிறது, வாலி நோக்கம், மாரியூர் தென்னந்தோப்பும், சீனியப்பா தர்கா சவுக்கு காடுகளும், தட்டந்தோப்பு செவல் தோட்டமும், மாறி மாறி மின்னல் கீற்றுகளாக மனதில் வந்து போனது...................

பிக்னிக் என்பது பொதுவாக உல்லாச பயனம் என அறியப்பட்டது, 19 ஆம் நூற்றான்டில் ஆங்கிலேய அதிகாரிகளின் அலுப்புக்கு நன் மருந்தாக திறந்தவெளி பிரதேசங்களுக்கு தன் குடும்பம் குட்டியுடன் ஜாலியாக சென்று, விரும்பியதை புசித்துவிட்டு வருவதற்கான ஏற்பாடுதான் இது, அனேகமான பிக்னிக் இடங்கள் பூங்காவாகவோ, கடல் கரையோரமாகவோ அல்லது மலையடிவாரமாகவோ இருந்து வருகிறது,

பல இரவுகள், துபாய் ஜுமைராவிலும், அபுதாபி பிரேக் வாட்டரிலும் நன்பர்கள் குழாமாக வந்து பார்பிகூ வயும், கிரில் சிக்க்னையும் துவம்சம் செய்து அதிகாலை வரை கூத்தடிதிருந்தாலும், காஞ்சினக்குடி பக்கீரப்பா தர்காவின் மனற்பரப்பில் நைட் பிக்னிக்காக சென்று வந்த காலங்களை மறக்க முடியுமா?

கீழக்கரை பிக்னிக்கின் பரிணாம வளர்சியில் நைட் பிக்னிக் இன்றியமையாதது, கீழக்கரை கேளிக்கைகளில் நைட் பிக்னிக்கில் ஊத்தா குத்துவது ஒரு சிலிர்க்கும் அணுபவம், இரவு பிக்னிக்கில் கடலோரம் பல கிலோ மீட்டர் கையில் பெட்ரொமக்ஷ் லைட்டுடன் நடந்து செல்வோம், தென்றல் உறங்கிய போதும், திங்கள் உறங்கிய போதும்...கண்கள் உறங்கிடுமா....... என்ற கண்ணதாசனின் (இல்லை, .. இல்லை.. கவிஞர் மருதகாசியின்)கவிதை வரிகளுக்கேற்ப ஒளியை தேடி வரும் மீன் இனத்தை ஊத்தா என்றழக்கப்படும் ஈட்டியினால் குறி பார்த்து ..... சதக்... என குத்தி மீன் கூடையில் அள்ளிப்போட்டுக்கொண்டு அசால்டாக போய்க்கொன்டிருப்போம்....................

கணிசமான மீன் கையில் சேர்ந்ததும், ஏதாவது ஒரு தென்னந்தோப்புக்குள் அடைக்கலமாகி, மீன் ஆனம் காய்ச்சியும், சுட்டும் நைட் ஹோட்டலில் வாங்கிய ப்ராட்டாவுடன் அதிக்காலை வேலையில் சாப்பிட்டுவிட்டு வீடு போய் சேருவோம்.

பார்ட்டிகளுக்கும், ட்ரீட்களுக்கும் பலமுறை சென்று வந்தாலும், ஒவ்வொருமுறை ஊர் செல்லும் பொழுதும், பிக்னிக் போடுவமா என கூட்டாளிகளிடம் கேட்க மறப்பதில்லை, மூர் தோப்புக்கா? எம். எல்.ஏ தோப்புக்கா? என பெரிய டிஸ்க்கசனே நடந்து முடியும்..

நிரந்தர பிக்னிக்கும் கீழக்கரையில் உண்டு, பெரும் தலைகள் சில நித்தம் பிக்னிக் ஸ்பாட்டில் கூடி , பம்பு செட்டிலோ, தொட்டியிலோ குளித்து பின் கிதாபு பிரட்டுவதை ( சீட்டாட்டம்) சூரியன் சாயும் காலம் வரை தொடர்வது உண்டு, இடையில் வென்றவர்களின் ஸ்பான்சரில் பிக்னிக் சாப்பாடாக, சோறு, கறி, தாழிச்சா என ஏற்பாடுகள் தடமுடலாக நடக்கும்.

கீழக்கரயையில் பிக்னிக் என்பது பல விதமான விஸ்யங்களுக்காக முன்னெடுக்கப்பட்டு கொன்டாடி மகிழப்படுகிறது, குடும்ப பிக்னிக், சுன்ன்னத் பிக்னிக், சபர்ல இருந்து வந்த பிக்னிக், பேருட பிக்னிக், கல்யான பிக்னிக், பாஸானா பிக்னிக்,,,,, இப்படி பல விதம். இதில் முதன்மையானது, கல்யான பிக்னிக். கல்யானமான புது மாப்பிள்ளை செட்டுப்பனம் அல்லது பிக்னிக் காசு கொடுப்பது கீழக்கரையில் எழுதப்படாத சட்டம்,

அதுவும் ஒவ்வொரு செட்டுக்களுக்கும் தனி தனியாக செட்டுப்பனம் கொடுப்பது ஒரு பண்பாட்டு மரபாகவே கடை பிடிக்கப்ப்டுகிறது. செட்டுக்காசு வாங்கியவர்கள் பிக்னிக்காக கொடைக்கானல், குற்றாலம் என வெளியூர் உல்லாச பயனம் செய்வதும் உண்டு.

சமீபத்தில் ஊருக்கு பேசியபொழுது

இன்னைக்கு பிக்னிக்ல சாப்பிட்டோம்.......... இது கண்மணி

எங்க பிக்னிக்போனீங்க? இது நான்,

எங்கேயும் போவலை............ வீட்டுலதான் .....

வீட்டுலதான்னா.... என்ன ?

பிக்னிக் காசுல சைனிஷ் ரெச்ட்டரென்ட்ல டிஸ் வாங்கி வீட்ல வைச்சு சாப்பிட்டோம்....

ஆச்சரியத்துடன் கேட்டேன்... இது பேருதான் பிக்னிக்கா?

ஆமா, இன்டோர் பிக்னிக் ---- இது கண்மணி.

தலை சுத்துது …யாராவது கொஞ்சம் லெமனேட் வாங்கி கொடுத்தா நல்லா இருக்கும்......................

கீழக்கரையும் மாசியும்

2010-10-18T20:10:00.002+04:00

"மாசி" என்ற பேரை கேட்ட உடனேயே உங்களுக்கு என்ன தோன்றும்? சிலருக்கு " மாசி மாசம் தான் கெட்டி மேளதாளம்தான்" பாடலை வாய் முனுமுனுப்பதை தடுக்க முடியாது, மாசி மாசம் தமிழ வருஷ காலன்டரில் வரும் பதினோறாவது மாதம் என யாவரும் அறிவோம், எனக்கு என்னவோ "மாசி" என்ற சொல்லை கேட்ட மாத்திரத்தில் மதுரை வடக்கு மற்றும் மேல மாசி வீதிகளின் முனைகளும், கடைகளும் காட்சியில் பரந்து விரிந்து மறையும், நெரிசலான அந்த வீதிகளில்,பிராயத்தில் அலைந்து திரிந்த வசந்த நாட்கள் அவை, மற்றும் சிலருக்கு சமீபத்தில் வெள்ளித்திரையில் வலம் வரும் " ஆக்ஷன் கிங்" அர்ஜூன் நடித்த " மாசி" திரைப்படம் நினவுக்கு வரலாம்

ஆனாலும் கீழக்கரையில் ஒரு மாசி உண்டு அதன் மகிமையே தனி,கீழக்கரைக்கும் மாசிக்கும் உள்ள இனிமையான உறவு என்று தோன்றியதோ தெரியவில்லை, இந்த நாகரீக காலத்திலும் மாசி தன் இடத்தை இழக்காமல் தக்க வைத்து கொண்டிருப்பது ஆச்சரியம்தான், காலை பசியாற மாசி சம்பலுடன் , நீர் மோர் இருந்தால் எத்தனை இடியப்பம் வயிற்றுக்குள் செல்லும் எனபதை ஒரு கால்க்குலேட்டர் வைத்துதான் கணக்கு பார்க்க வேண்டும்.

மாசி சம்பலும், முட்டை மாசியும், மாசி துவையலும் கீழக்கரை மக்களால் பண்னெடுங்காலமாக பாவிக்கப்பட்டு வரும் உணவு வகை, தமிழ் முஸ்லீம்களின் குறிப்பாக கடலோர பகுதிகளில் வாழபவர்களின் உணவியல் கலாச்சாரத்தில் இந்த மாசிக் கருவாடு பிரதான நிலையில் இருந்து வருகிறது, இலங்கை காத்தான் குடியில் மாசியினால் செய்யப்படும் சீனிசம்பலின் சுவைக்கு எதுவும் ஈடில்லை என கொழ்ம்பில் இருக்கும் நணபர்கள் சொல்லிக் கேள்விப்பட்டது உண்டு,

மாசியை இடித்து, துருவளக்குத்தியில் (தேங்கா துறுவி) வைத்து துறுவப்படும், தேங்காத்துறுவலுடன்,சுட்ட , காய்ந்த மிளகாயுடன், உப்பு சேர்த்து, பொடியாக சீவிய சின்ன வெங்காயத்துடன் அம்மியில் வைத்து அரைத்து, சூடான அப்பத்துடனோ அல்லது புளுங்கல் அரிசி இடியப்பத்துடனோ ரசித்து, ருசித்த நாவிற்கு இனி ஒரு முறை அது போல் கிடைப்பது கஷ்டம். அடைக்கும், ரொட்டிக்கும் மான மாசியின் பொறுத்தம் வெகு ஜோரானது என்பதை கீழக்கரை மக்கள் அறிவார்கள், இதனை உனவு பிரியர்கள் சிலாகிப்புடன் சொலவதை கேட்டால் எவரும் மாசியை ருசி பார்க்க விரும்புவர், அப்படி ஒரு மௌத் வாட்டரிங்க் டிஸ் இது.

அரிது அரிது மானிடராய் பிறப்பது அதலினும் அறிது அந்த நாளில் கிடைத்த மாசி சம்பல், என திரித்து பாட வைக்கும் அளவுக்கு தற்பொழுது கிடைக்கும் மாசியில் அத்துனை சுவை இல்லமல் இருப்பது வருந்தக்க விஷயம், கீழக்கரை செக்கடியிலும் சரி, மீன்கடையின் முகப்பில் இருக்கும் காய்கறி கருவாடு மார்க்கட்டில் இருக்கும் மாசிக்கடைகளில் " இங்கு நயம் மாசி கிடைக்கும்" என்ற போர்டு எப்பொழுது அங்கு சென்றாலும் பார்க்க முடியும், அது என்ன நயம் மாசி? சங்கு தொழிலில் அனுபவம் பெற்ற நன்பன் கருனையிடம் கேட்டால், இங்க கிடைக்கிறதெல்லாம் ஒரிஜினல் இல்லப்பா, மாலதீவு மாசிதான் நயம் என்றான்,

சரி எப்படித்தான் மாசி செய்ராங்க? சூறை எனற பெயர் கொன்ட மீனை பிடித்து , முழுதும் உப்புத்தடவி, கடலோரத்தில் வெயிலில் சில நாட்கள் காய வைத்து, பின் அதனை கரையிலேயே குழி தோன்டி புதைத்து பதனப்படுத்தி சில வாராங்கள் கழித்து வெளியில் எடுக்கிறார்களாம். சரியான பக்குவத்தில் மீனை கருவாடாக்கி, வெளியில் எடுப்பதில் மாலதீவினரும், இலங்கையினரும் தேர்ந்தவர்கள், ஆணால் நம்மவர்கள் சூறை மீனுக்கு பதிலாக விலை குறைந்த அது போனற வேறு ஒரு மீனை உபயோகப்படுத்தி நம் காசை சூறையாடுவதில் கில்லாடிகளாம்.

நயம் மாசி உருவாகும் இதறகு மாலதீவு கருவாடு எனற பெயரும் இருப்பதாக வெகு லேட்டாகதான் புரிந்து கொன்டேன், பார்ப்பதற்கு சிறு மரக் கட்டை போல் தோன்றும், இதனை ஊறுகாயாகவும், மாசி மிக்ஸ் பொடியாகவும் மாற்றி காலத்துக்கேற்ப தற்பொழுது கீழக்கரையில் விற்பனை செய்து வருகிறார்கள். வளை குடா நாடுகள் சிங்கப்பூர் மலேசியா, போன்ற நாடுக்ளுக்கும் மாசி தற்பொழுது வேகமாக ஏற்றுமதி ஆகி வருவதாக செய்தி, கூடிய சீக்கிரத்தில் ம்லையாளா சூப்பர் ஸ்டார் மோகன்லால் மாசிப் பொடி விளம்பரத்துக்கு சன் டி.வியில் தலைக்காட்ட வரலாம்...

கலங்(கீழக்)கரை விளக்கம்

2010-10-13T02:26:00.000+04:00

அந்தி சாய்ந்து, செவ்வாணம் மலரும் நேரங்களில், கீழக்கரை பண்டக சாலை வழியாக கடற்கரை பாலம் நோக்கி நடந்து ரிலாக்ஸ் செயவது சில காலங்கள் வாடிக்கையாக இருந்த சமயம், ஆருயிர் நண்பன் மறைந்து போன ஹக்கின் வீட்டுக்கு எதிரில் இருக்கும் லைட் ஹவுஸ் காம்பவுன்டை கடந்துதான் கடலடி செல்ல வேண்டும், ஒவ்வொருமுறையும் அந்த இடத்தை கடக்கும் பொழுதும், 1965 ல் வெளிவந்து சக்கை போடு போட்ட புரட்சித்தலைவர் நடித்த கலங்கரை விளக்கம் படத்தில் இடம் பெற்ற" நான் காற்று வாங்க போனேன் ஒரு கவிதை வாங்கி வந்தேன்" பாடல்தான் எண்ணத்தில் பாடும், பாலத்தில் அமர்ந்து காற்று வாங்கி வருவமோ இல்லயோ கண்டிப்பாக துர் நாற்றம் வாங்கி வருவது நிச்சயம்....

இந்த பாடலுக்கும், நாங்கள் காற்று வாங்க போவதற்கும், லைட் ஹவுசுக்கும் ஏதோ ஒரு ஜென்ம தொடர்பு இருப்பதாகவே மனம் சொல்லும். நன்பன் தன் வீட்டிற்கான லேன்ட்மார்க்காக இந்த லைட் ஹவுசைத்தான் பல நன்பர்க்ளிடம் சொல்லுவது வழக்கம். மச்சான உங்க வீடு எங்கன இருக்கு ? என்ற கேள்விக்கு, பதில் சட்டன வெளி வரும், உங்களுக்கு லைட்ஹவுஸ் தெரியுமா? ஆமா.. என்றால் அதுக்கு எதுத்தாபல இருக்குற ஒயிட் ஹவுஸ்தான் நம்ம வீடு என்பார்.

இரண்டாம் சீதக்காதி என்றழைக்கப்பட்ட,18 ஆம நூற்றான்டின் தொடக்கத்தில் வளமுடன் கீழக்கரையில் வாழ்ந்த, கடல் வேந்தர் வள்ளல் ஹபீப் மரைக்காயர் என்ற ஹபீப் அரசருக்கு 40க்கும் மேலான கப்பல்கள் இருந்தது, இரமனாதபுரம் கடல் பகுதிகளிலும், இலங்கை கடற்பகுதிகளிலும் இவரின் வணிகம் கோலோச்சிய காலம், சரக்குக் காப்பகங்களாக மூன்று பண்டக சாலைகள் அமைத்திருந்தார், கீழப்பண்டகம், மேலப்பண்டகம், நடுப்பண்டகம் என்பன அவை. இன்றைய சினிமா தியேட்டர், பழைய பஸ் ஸ்டான்ட், லைட் ஹவுஸ் வளாகம், சிமென்ட் ரோட்டை உள்ளடக்கிய தோப்பு, வீடுகள் என அனைத்தும் பண்டக சாலைகளாக இருந்தாக வரலாற்றின் மூலம் அறிய முடிகிறது.

வெளி நாட்டினர் கலங்கள் நம் துறைமுகங்களை அடையும் போது, வழி காட்ட அமைந்திருந்த கலங்கரை விளக்கங்கள் குறித்தும பெரும்பாணாற்றுப்படை கூறுகிறது. சரித்திர வாயிலாக மாமல்லபுரத்தில் இருந்த கலங்கரை விளக்கம் குறித்தும் ஏராளமான தக்வல்கள் உள்ளது.

எங்களை போன்று நெய்தல் நிலத்தில் வாழபவர்கள் மட்டுமே லைட் ஹவுசின் முழுப் பயனையும் அறிந்திருக்க முடியும். முதன் முதலில் கி.மு.280ல் எகிப்திய மன்னர்கள் அலெக்சாண்ட்ரியா துறைமுகத்தில் லைட் ஹவுஸ் ஒன்றை ஏற் படுத்தினார்கள். இதன் உயரம் 400 அடி. அப்போதெல்லாம் மின்சாரம் கிடையாது. அதனால் லைட் ஹவுசின் உச்சியில் விறகை எரித்து வெளிச்சம் ஏற்படுத்தி னார்கள். 16 ம் நூற்றாண்டில் ஐரோப்பிய நாடுகள் ஏராளமான லைட் ஹவுஸ்களை துறை முகங்களில் கட்டின. அப்போது வெளிச்சம் தந்தவை எண்ணெய் விளக்குகள் மற்றும் மாபெரும் மெழுகுவர்த்திகள். இங்கிலாந்து நாட்டினர் தான் முதன் முதலில் லைட் ஹவுஸ் வெளிச்சத்திற்கு மின்சாரத்தை பயன்படுத்தினார்கள்.

பூம்புகார்க் கடற்கரையில், இரவில் ஆழமான கடலில் செல்லும் கப்பல்களுக்கு ஒளிகாட்டி உதவிய கலங்கரை விளக்கம் பற்றிப் பெரும்பாணாற்றுப்படையில், இவ்வாறு கூறப்படுகிறது

இரவில் மாட்டிய விளங்குசுடர் நெகிழி

உரவிநீ ரழுவத் தோடுகலங் கரையும்

துறைபிறக் கொழியப் போகி

எனது பால்ய வயதில், லைட் ஹவுசை பார்வையிடுவதற்கான சுற்றுலா கட்டணமாக 25 காசு வசூலிப்பார்கள். பள்ளி மாணவர்க்ளுக்கு இது ஒரு சுற்றுலாத்தலமாக ஆசிரியர்களால் விளக்கப்பட்டு,அங்கு கூட்டி செல்லப்படுவோம், பெரு நாள், கடல் பெரு நாள் போன்ற நாட்களில் இங்கு ஆட்கள் வருவது வழமையானதாக இருந்து, டிக்கட்டை வாங்கிய உடனேயே லைட் ஹவுசின் உட் பகுதிக்குள் நுழைந்து சுற்று படிகள் 128 டையும் தாவிக் கடந்து சுழல் விளக்கு இருக்கும் உச்சியை அடைந்து கடல் பரப்பயும் முழு ஊரையும் கண்டு களிக்கும் பொழுது மனம் அடையும் உற்சாகத்திற்கு எல்லையே இல்லை எனலாம், கடலில் இருந்து வேகமாகும் வீசும் காற்று நாசிக்குள் நுழைந்து வெளி வரும் தருனம், ஆகயத்தை நோக்கினால் அடையும் பரவசம்... ஆகா... அணுபவித்தவர் அறிவர், டைட்டானிக் பட ஹீரோ லியோ ந் - டி கார்பியோ, ஓடும் கப்பலின் முகப்புப் பகுதியில் கத்தே வின்ச்லெட்டோடு பறவை போல் இரு கைகளையும் தூக்கி நின்று பயனம் செய்யும் பொழுது இத்த்கைய நிலையைதான அடைந்திருப்பார் என நினக்கிறேன்.

லைட் ஹவுசின் உச்சியில் நின்று கடல் நோக்கினால், அப்பால் இருக்கும் பவளப்பாறை தீவுகளான அப்பாத்தீவு,முயல் தீவு, என அனைத்தையும் காண முடியும், ஊரை நோக்கினால், வடக்கே மனல் மேடு வாட்டர் டேங்க், மேற்கே செய்தப்பா பள்ளி மினாரா வரை பார்க்கலாம், நன்பர்கள் சிலர் மன்னார் வளைகுடாவின் அழகை ரசிப்ப்பதை காட்டிலும், எதிர் புறம் 60 மைல் தூரத்துல் இருக்கும் இலங்கை, மன்னார் துறைமுகத்தையும், சில்வத்துறையயும் காணும் முயற்ச்சியில் ஏர்வாடி சந்தன்க்கூட்டில், அலங்கார வாசல் கடைகளில் கிடைக்கும், விளையாட்டு பைனாக்குலர்க்ளுடன் சுழல் விளக்கினை சுற்றி வருவதும் உண்டு,

பண்டைக் காலத்திலிருந்தே தமிழர்கள் வாணிகத்தின் பொருட்டுக் கடலில் மரக்கலம் செலுத்திய பெருமை கொண்டவர்கள். மேலும், சோழர்கள் கடலில் கலம் செலுத்தி வெளிநாடுகளுக்குச் சென்று, போர் வென்று, கடாரம் கொண்டும்,

ஈழநாடு கொண்டும் பெயர் பெற்ற ஆற்றல் மிக்கவர்கள். யவன நாட்டினரும் பிறரும் தமிழ் நாடடிற்கும் பண்டமாற்றும், வாணிகமுங்குறித்து மரக் கலங்களில் வந்துள்ளனர். எனவே, இரவில் மரக்கலங்களைச் செலுத்தி வருகையில் கரைதெரியும் வண்ணம் கலங்கரைவிளக்கம் தமிழர்களால் அமைக்கப்பட்டது.

உங்களில் பலர் லைட் ஹவுசை பார்த்திருக்கலாம். நேரில் பார்க் காதவர்கள் திரைப்படங்களில் பார்த்திருப்பீர்கள். நடிகர் விஜ்ய் நடித்த "கில்லி' படத்தில் லைட் ஹவுஸ் செட் . கிளைமாக்ஸில் பெரிதும் பேசப்பட்ட காட்சியாக அமைந்தது.ஆனல் இயறகை படத்தில் அந்தமானில் கடலுக்கு நடுவே போடப்பட்டிருந்த லைட்ஹவுஸ் தான் எனக்கு மிகப் பிடித்திருந்தது

கலங்கரை விளக்கத்தினை கதலியுடன் தொடர்பு படுத்தி எழுதிய கவிதை ஒன்று நினைவில் நிற்கிறது, இதோ அந்த காதலனின் என்ன ஓட்டம்

என் தடம் மாறியப் பயணத்தின்

திசை காட்டும் திசை காட்டி நீ

சுற்றித் திரியும் என்னை

நேர்கோட்டில் பயணித்த மாலுமி நீ

தூரம் தெரியா எனக்கு

கலங்கரை விளக்கம் நீ

1979 ஆம ஆண்டு மத்திய அரசின், கப்பல் அமைசககத்தால் கட்டி திறக்கப்பட்ட கீழக்கரை லைட் ஹவுசின் உயரம் 35 மீட்டர், ஒவ்வொரு 15 நொடிக்கும் ஒளி வெள்ளம் பாய்ச்சும் இதன் சுழல் விளக்கு 100 மீட்டர் சுற்றளவுக்கு ஒளி தரக் கூடிய ஆற்றல் பெற்றது.

சென்னை கலங்கரை விளக்க மாவட்டத்தில் இருக்கும் 22 லைட்ஹவுசில் பாக் சல சந்தியில் இருக்கும் கீழக்கரை லைட்ஹவுஸ் மிகப் பிரதானமான ஒன்று, செப்டமப்ர் 21 ஆம நாள் உலக கலங்கரை விளக்க நாளை கொண்டாடிய தருனத்தில், இதனை நினைவில் கொன்டு வருவது அவசியம் என்பதே இந்த பதிவின் நோக்கம்.

புகைப்பட உதவி : ஹாஜி தமீம், கத்தார்.

மஞ்சப்பம்

2010-09-03T01:30:00.000+04:00

தலைப்பை பார்த்தவுடன் எங்க இருக்கு இந்த குப்பம் என குழப்பமடைய வேண்டாம், தெண்னிந்தியர்களின் விருப்ப உணவான ஆப்பத்தின் வகைகளில் ஒன்றுதான் இது, கீழக்கரையில் நோண்பு காலங்களில் வயித்து நோண்பு பிடிப்பவர்களின் வரப்பிரசாதம். துபாய் கராமாவில் இருக்கும் சிம்ரன் ஆப்பக்கடையில் கிடைக்கும் சாதா ஆப்பம், கோழி ஆப்பம், மட்டன் மசாலா ஆப்பம், முட்டை ஆப்பம் போன்று இந்த மஞ்சள் ஆப்பம் ஒரு வகை. என் சின்ன வயதில் நோன்பு கால உச்சி நேரத்தில் கொதிக்க கொதிக்க முருங்கை கீரை கலந்து மனம் வீசி பனை ஓலை பெட்டியில் வரும் இந்த மஞ்சப்பத்தை டோர் டெலிவரி செய்யும் இடியப்பக்காரா நூர்ஜான் லாத்தாவை வழி மீது விழி வைத்து காத்திருந்தது ஒரு கனா காலம்தான்.

இந்த அப்பம் பற்றி ஆராய்ச்சி செய்ய போதுமான தகவல்கள் கிடைக்கவில்லை என்றாலும், கிட்டத்தட்ட 2500 வருடங்களாக தமிழர்க்ளால் சுடப்பட்டு, பெரும்பாலும் காலை உணவாகி வருவதாக அறியப்படுகிறது, சோழ மன்னரான கரிகால் சோழனுக்கு தஞ்சை சமையல்காரர்கள் ரெகுலராக பறிமாறியதாகவும், பின்பு சரபோஜி மன்னர்கள் இதை விரும்பி சாப்பிட்டதாகவும் செய்தி உண்டு.

இதனை தமிழர்கள் ஆப்பம் என்றும், கேரளாவில் அப்பம் என்றும் (கீழக்கரையிலும் அப்பம்தான் - மலபாரில் இருந்து வந்த ஏதோ ஒரு தங்களின் கைங்காரியத்தால் வழக்கு மொழிந்து போயிருக்கலாம்), இலங்கையில் ஆப்பா என்றும் அழைக்கிறார்கள். என்றாலும் கேரளாவில் இதன் மவுசு தனி, ஆப்பத்துடன் கூடிய கடலையோ, பருப்போதான் பெரும்பான்மையான் கேரள மக்களின் காலை உணவாகிறது,அது சேட்டன் நடத்தும் தட்டுக் கடையோ அல்லது இக்கா நடத்தும் ஹோட்டலோ, சிரியன் கிருஷ்டினும், மலப்புர முஸ்லீமும், நாயருக்கும் கூட இது சமரசம் உலவும் இடம்தான். தமிழகத்தில், செட்டி நாட்டு சமையலில் பாலப்பம், தேணப்பம் ,குழியாப்பம் என்ற இனிப்பு வகைகள் உன்டு செட்டி நாட்டு ஆச்சிகளின் கைப்பக்குவத்தில் இதன் சுவை வெகு அலாதியானதாக கேள்விப்பட்டிருக்கிறேன்.

அது போல நெய்யப்பம், கல் அப்பம் , இடியப்பம் என்ற வகைகள் கேரளா முதல் மலேசியாவரை விரும்பி சுவைக்கப்படுகிறது, சென்னை நுங்கம்பாக்கம் குமாரகம் உணவகத்தில் இந்த வகை ஆப்பங்கள் வெகு நேர்த்தியாக சமைக்கப்படுகிறது, மீன் குழம்புடனான் இதன் காம்பினேசன் அருமையானது. இதே போல் அபுதாபி மெரீனா க்ளப்பில் உள்ள நல்லுக்கட்டு ரெஸ்டாரன்டில் கண்முன்னே சுடப்பட்டு வழங்கப்படும் அப்பம் இங்கு வாழும் நம்மவர்களல் பெரிதும் விரும்பப்படுகிறது.

ஆப்பம் பற்றி ஏராளமான கதைகள் உன்டு, என் பால்ய வயதில் எந்த கதையை சொல்லத் தொடங்கினாலும் ஒரு பாட்டி ஆப்பம் சுட்டுக்கொண்டு.... என்றோ அல்லது ஒரு ஆப்பக்காரி என்றோ என்றுதான் தொடங்கும், அறிஞர் அண்ணா அவர்களின் பல குட்டிக்கதைக்ளில் ஆப்பம் சுடுபவர்கள் வறியவர்களாக காணப்படுகிறார்கள் அது அந்த சூழ் நிலையில் உணரப்பட்ட விஷயமாக இருக்கலாம்.

சமீபத்திய செய்தியில் ஒரு நட்சத்திர ஹோட்டலில் பறிமாறப்பட்ட ஆழவார் ஆப்பத்துடன், போக்கிரி சிக்கனை நடிகை அசீன் விரும்பி சாப்பிட்டாராம் சரி அசீன் கேரளாவை சேர்ந்தவர், லீடிங் நடிகை தமானா ஒரு நார்த் இன்டியன் அவரும் ஒரு ஆப்பப் பிரியயை பார்க செரட்டன் தக்க்ஷின் ரெச்டாரன்டில் கிடைக்கும் தேங்காய்ப்பால் ஆப்பம் என்றால் உயிராம். இலகுவாக செறிக்கும் குணம் ஆப்பத்தில் இருப்பது இதனை வெகுவாக விரும்புவதற்கான காரனமாக இருக்கலாம்.

மஞ்சப்பம் சுடலாம் என்று ஒரு நாள் நன்பர் அமீன் முயற்சி செய்து சுட்டும் விட்டார், ஆனால் தட்டில் வந்தது நான் எதிர்பார்த்த மஞ்சப்பம் இல்லை, மஞ்சளாக இருந்து ஆனால் தோசை டைப்பாக உருவாக்கப்பட்டிருந்து, நீண்ட விவாதத்திற்கு பின் அது நாகை மாவட்டத்தில் பிரசித்திப்பட்ட பரஸாப்பமாக அறியப்பட்டது, சோதனைதான்..... சரி அப்பம் எப்படித்தான் சுடுவது, இருக்கவே இருக்கு அறுசுவை.காம், தேடியதில் கீழக்கரை மனம் கமல சகோதரி சாதிக்கா அவர்கள் வழங்கிய மஞ்சள் ஆப்பம் ரெசிப்பி இதோ..

தேவையானவை:

பச்சரிசி - 2 டம்ளர்

பழைய சாதம் - 1/2 கப்

வெந்தயம் - 1/2 டீஸ்பூன்

சமையல் சோடா - 1பின்ச்

உப்பு - சுவைக்கு

தேங்காய் - 1

வெங்காயம் - 1 (சிறிது)

பச்சைமிளகாய் - 3

முருங்கை இலை - 1கைப்பிடி அளவு

சோம்பு - 2 டீஸ்பூன்

மஞ்சள்தூள் - 1/4 டீஸ்பூன்

முட்டை - 1

நெய் - 1 டீஸ்பூன்

செய்முறை:

•அரிசி, வெந்தயம் இரண்டையும் முதல் நாளே ஊற விடவும்.

•மறுநாள் சாதத்துடன் அரிசியையும் சேர்த்து கெட்டியாக அரைத்து, 8 மணி நேரம் புளிக்க வைக்கவும்.

•தேங்காயுடன், சோம்பு சேர்த்து அரைத்து கெட்டியாக பால் எடுத்துக்கொள்ளவும்.

•இத்துடன், அடித்த முட்டை, உருக்கிய நெய், சோடா, உப்பு, முருங்கை இலை,பொடியாக நறுக்கிய வெங்காயம், பச்சைமிளகாய் அனைத்தையும் சேர்த்து கலந்து கொள்ளவும்.

•மாவு, தோசை மாவு பதத்திற்கும் சற்று கெட்டியாக இருக்க வேண்டும்.

•ஆப்பசட்டியை அடுப்பில் வைத்து, சூடேறியதும், ஒரு குழிக்கரண்டி அளவு எடுத்து ஆப்பம் வார்க்கவும்.

•இத்துடன் தேங்காய்ப்பால், மீன், மட்டன் குழம்பு, சிக்கன் குழம்பு, வெஜ் குருமா அனைத்துக்கும் ஏற்றது. நெய், முட்டை சேர்ப்பதால் நன்கு மிருதுவாக, பஞ்சு போல் இருக்கும். இவை சேர்க்காமலும் ஆப்பம் செய்யலாம். சோம்பு சேர்த்து தேங்காய் அரைப்பதால் நன்கு வாசனை கிடைக்கும்.

இந்த முறையில் சுட்டு பார்த்து கொஞ்சம் சொல்லாம், சென்னை மொன்ட்ரோட்டில் உள்ள பிலால், புகாரி போன்ற கடந்த கால பிரபல லேட் நைட் ஹோட்டலில்களில் ஆப்பமும், கால் எழும்பு பாயாவும் நடு நிசியில் பரபரப்புடன் இன்றும் விற்கப்படுகிறது, ஆனால் இராயப்பேட்டை சபாரி ஹோட்டலில் சாப்பிடும் ஆப்பம் பாயாவுக்கு நிகரில்லை. நான் பார்த்த எங்குமே முருங்கைக்கீரை மஞ்சப்பம் கிடைக்கவில்லை, அது வட்டலப்பம் கிடைக்கும் சென்னை மன்னடி ஹோட்டல்கள் ஆகட்டும், தமிழ் உணவுகள் விறகப்படும் துபாய் நைப் பஜாராகட்டும்... மலேசியாவின் மஸ்ஜித் இந்தியா ஏரியாவாக ஆகட்டும், காலத்தின் கோலத்தில் கீழக்கரையில் கூட கிடைப்பதற்கான வாய்ப்புகள் இருப்பதாக தெரியவில்லை, மஞ்சப்பத்தின் மனமும், நிறமும் என் நினைவுகளில் இன்றும் நிலை பெற்றிருக்கிறது......................

சீரழியும் சமுதாயம் சீர் படுமா?

2010-08-28T00:14:00.000+04:00

நான் சார்ந்த சமுதாயத்தை உன்னிப்பாக கவணித்து வருபவன் என்ற முறையில்,சமீப காலமாக என் காதுக்கு வரும் தகவல்கள் மிக்க வருத்தத்தை ஏற்படுத்தி வருகிறது, சீரழிவின் உச்சத்தில் சமுதாய இளம் தலை முறையினரின் நடவடிக்கைகள் இருப்பதாகவே இந்த விஷயங்கள் நம்பப்படுகிறது, செல் போன் மோகம் தலைவிரித்து ஆடி ஒரு வித பித்த நிலையின் பிரதிபலிப்பாகி வரும் காலம் இது, இதெ செல் போன் பலரது வாழ்க்கையை சீரழித்துள்ளது என்பது வேதனையான விஷயம். தவறான விஷயங்களை படம் பிடித்தல், ஆபாச படங்கள் பார்த்தல், ஆபாச எஸ்எம்எஸ் அனுப்புதல்,செல்போன் சில்மிஷங்களில் ஈடுபடுதல் போன்றவற்றால் கல்வியில் கவனம் செலுத்த முடியாமல் இளைஞர் சமுதாயம் சீரழிந்து வருகிறது

கடந்த வாரம் மனம் பதற வைக்கும் அந்த ஆடியோ கிளிப்பை கேட்டதன் விளைவாக, தூக்கம் தொலைத்து இந்த பதிவை இடும் துர்பாக்கிய நிலைக்கு நான் தள்ளப்பட்டிருந்தால் அந்த ஆடியோ கிளிப்பில் இடம் பெற்ற கான்வேர்ஷேசனின் ஆபாசத்தை நீங்கள் ஓரளவு உணரலாம்.

கடின உழைப்பாலும், சமூக கட்டுப்பாடுகளாலும்,இனிய உறவு முறையாலும், வாய்மையிலும், வாழ்ந்து காட்டிதலையும் உரமாக்கி உயர்ந்த சமுதாய அரனை தகர்த்தெடுக்க சில விஷமிகள் முயன்று வருவதை விவேகத்துடன் அணுகா விடில் சீரழிவை மொத்தமாக அறுவடை செய்ய வேன்டியதுதான்.

இளம் தலை முறையினர் மார்க்க, அறிவியல், கலை கல்விகளில் சிறந்து விளங்கினாலும், எதார்த்த வாழ்க்கை கல்வியில் தேர்வு பெறாமலெயே இளம் வயதிலேயே தன் பாதையில் விஷச் செடிகளுக்கு நீர் வார்க்கும் செயலுக்கு தனனை அறியாமலே இடம் கொடுத்து விடுவது மிகக் கொடூரமான விஷயம்.

இன்றைய இளம் தலை முறையில் சமூக மதிப்புகள் வீழ்ச்சி அடைந்து சில ஆட்டொ டிரைவர்களும், மாருதி கார் ஒட்டும் சில சமூக விரோதிகளும் ஒரு ஹீரோ ரேஞ்சுக்கு உணரப்பட்டு, இத்தகைய கபோதிகளின் பக்குவப்பாடாத வசீகர பேச்சிற்கும், ஆபாசம் கல்ந்த சிறு மிரட்டல்களுக்கும், உரிமயுடையவன் போன்று பேசும் உள்ளூர் மொழி வழக்கிற்கும் கட்டுப்பட்டு, ஒரு பேதமை நிலையில் இதனை விரும்பி கேட்கும் ஒரு போதை நோயாளியின் மன நிலையில் சிக்கி சின்னாபின்னமாகி வரும் இளம் தலை முறையினரை இது போன்ற சிக்கலில் இருந்து மீட்டெடுக்கும் வழியிலும் சமூக கட்டமைப்புகள் கவனம் செலுத்தி உரிய நடவடிக்கை எடுக்காவிடில் எம் இளைய தலமுறையினரின் எதிர்கால வாழ்வு கேளிவிக்குறியதாகிவிடும் என்பது தெளிவான் உணமை.

இந்த விஷயத்தில் பெற்றோர்களுடன், ஆசிரியர்களும், சமூக ஆர்வளர்களும், ஆன்மீக போதகர்களும், அரசும் சேர்ந்து ஒரு ஒழுங்கு நடவடிக்கை எடுக்க வேண்டும் எனபது மிக அவசியாமான ஒன்று. அளவுக்கு அதிகமான பாசமும், அதீத கண்டிப்பும், வாழக்கை கல்வியினை படிப்பிப்பதின் குறைபாடும், சமூக அக்கரையின்மையும், கலாச்சார மோகமும், அபரீத பண புழக்கம், மட்டரக மீடியா பொழுது போக்கு விஷயங்களும், அன்னிய ஆண்களூடான பழக்க வழக்கங்கள், செல் போன் மோகமும், சமூக நீதி,பண்பாடு, ஒழுக்க , விஷயங்களில் அறிவின்மையும், பெற்றோர்களின் கண்கானிப்பு குறைவு, என களை எடுக்க வேண்டிய விஷயங்கள் ஏராளம் உண்டு.

கோழிக்கோடு ஐஸ்க்ரீம் பார்லர் சம்பவம் போன்று ஒன்று நடை பெறும் முன் விழித்தெழுமா சமூகம்?

வட்டார வைத்தியர் -மறைந்த டாக்டர் காசிராஜன்

2010-08-23T02:05:00.000+04:00

கீழக்கரை மக்களுக்கும் வைத்தியத்துக்கும் உள்ள தொடர்பு பிரிக்க முடியாத விஷயம் என யாவரும் அறிந்ததே.

" உலகில் உள்ள எல்லா நோய்களுக்கும் ஒரே மருந்து பலம் மட்டுமே. எப்போதெல்லாம் கொடுமைகளுக்கு உட்படுகிறாமோ, அப்போதெல்லாம் மனபலம் நமக்கு அதிகம் தேவைப்படும். என விவேகானந்தரின் கூற்றை அறிந்தோ, அறியாமலோ கீழக்கரை மக்கள் பொருந்தி கொன்டார்கள். மலேரியா, டபுள் மலேரியா!, சிக்கன் குனியா, என உள்ளூரில் வசிக்கும் மக்களை மட்டுமின்றி, துபாயில் இருந்து லீவுக்கு ஊருக்கு போகும் சபராளிகளையும் ஒரு கை பார்க்காமல் ஓய்வதில்லை. நகராட்சியும், வெல்பேர் சங்கமும், உள்ளூர் வைத்த்தியர்களும் போராடி, போராடி அலுத்து போய், இந்த கொடிய நோய்கள் ரெம்ப சாதாரணமான விஷயாமாகி விட்டது.

1940 களில் இருந்து 1980கள் வரை, காலராவும், பெரியமமை நோயும் மாறி மாறி வந்து நூற்றுக்கணக்கான மக்களை காவு கொண்டது, எனது பள்ளி பருவத்தில் காலராவுக்கு ஊசி போட மருத்துவர்களும், நர்ஸ்களும் பள்ளிக்கு வரும் பொழுது பள்ளியே பயந்து ஒடுங்கும், ஊசி போட்ட பின் இரவில் சுடு தன்னிவைத்து ஒத்து கொடுத்தால்தான் வலி தீரும்.

இது போன்ற வலிகளே காலரா நோய்க்கு எமனாகி காலராவை இல்லாமல் ஆக்கியது. அப்படியும் யாராவதும் ஒரு குழந்தை காலாராவில் பீடிக்கப்பட்டால் இராமனாதபுரம் குழந்தை டாகடர் காசிராஜனை தவிர வேறு யாராலும்காப்பாற்ற முடியாது, ஆபத்பாந்தாவனான இவர் கொஞம் முன் கோபியானலும் இவரால் உயிர் பிழைத்த மழலைகள் ஏராளம், ஒவ்வொரு முறையும் இராம நாதபுரம் கேனிக்கரை செல்லும் பொழுதும் மறைந்த டாக்டர் காசிராஜன் நினைவுகளில் என் மனம் சில கனங்கள் மூழ்கும்.

ரியல் எஸ்டேட் பன்னுறேன்...

2010-06-26T01:41:00.000+04:00

உலக பொருளாதாரம் கடும் வீழ்ச்சியை சந்தித்து, ரியல் எஸ்டேட் துறையை தற்போது புரட்டி போட்டுள்ளது. இதன் பாதிப்பு கட்டுமாண துறை போன்று மற்ற தொழில்களையும் பாதித்து வளை குடாவில் மற்றுமின்றி மேற்கத்திய நாடுகளிலும் தொழிலாளர்கள் பலர் வேலை இழந்து வருவது நாம் கண் கூடாக பார்த்து வரும் வேளை இது. ஆனால் கீழக்கரையில் மட்டும் ரியல் எஸ்டேட் புரோக்கர்கள் நாளுக்கு நாள் எண்ணிக்கையில் எப்படித்தான் அதிகரித்து வருகிறார்களோ அல்லாஹ் ஆலம்.

இந்த முறை விடுப்பில் ஊரில் நான் சந்தித்த யாரை கேட்டாலும் ரியல் எஸ்டேட் பன்னுறேன் என்ற பதிலில் வியப்பில் ஆழந்தேன், பத்து பதினைந்து வருஷத்துக்கு முன்னாடி ஊரில் எவரைக் கேட்டாலும், கம்பெனில ஓடுறேன் என்ற பதில் வரும், அது என்ன அம்பானியோட கம்பெனியா? இல்லை டி கம்பெனியா எனறல்லாம் கேட்கக் கூடாது .. அது கீழக்கரை வாசிகளுக்கு நல்லா புரியும், சரி விஷயத்துக்கு வருவோம், நன்பன் யாசீனை பார்த்த பொழுதும் ரியல் எஸ்டேட் புரானம்தான் பாடுறான், மச்சான்.. காஞ்சினக்குடிக்கும், செங்கல் நீரோடைக்கும் நடுவுல 6 ஏக்கர் நிலம் இருக்கு, சூப்பரான நல்ல தன்னி, சென்ட் 3 ஆயிரம்தான் , ஒரே வருஷத்துல விலை டபுள் ஆகிடும், பேங்க் லோன் கூட அரேஞ்ச் பன்னலாம் என ஒரு தேர்ந்த புரோக்கர் மாதிரி பேச ஆரம்பித்து, நாளைக்கு கேமரா எடுத்துகிட்டு வாங்க சைட் விசிட் போகலாம என்றான்.

நிலம் வாங்க மனமும் பனமும் இல்லை என்றாலும்,கீழக்கரை ரியல் எஸ்டேட் மார்க்கட்டின் ஸ்ட்ரேட்டஜியை அறிவதற்காக, ஓகே வேறு சொல்லி வைத்தேன்... ஆடுத்த நாள் சூட்டிங்க் போகும் உறசாகத்துடன் செம்மன் சாலையினூடே ஆட்டோ பயனம், சைட் விசிட் என சுற்றி அலைந்ததில், மனம் பல காலங்கள் பின்னோக்கியே சென்றதே தவிர, இந்த இடத்தின் எதிர் கால பலன்களை ஆராய மறுத்து விட்டது.

மழை என்றால் கீழக்கரைக்கு ஆகாது, எம் மக்கள் வாணம் பார்த்து அல்லஹ்வின் அருள் மழையை வருஷம் முழுதும் எதிர் பார்ப்பவர்கள் ,ஆனால் அல்லவின் கருணை திருப்புல்லானி வரை வரும், கீழக்கரைக்குள் எட்டி பார்த்து திரும்பி விடும், மழையயை இறக்கிடு மண்ணாணே.... என மழை பைத்து ஓதிய நாட்கள், மழை வந்த நாட்களை விட அதிகமாக இருக்கலாம், உலகம் மாசடைந்து ஓசோனில் ஓட்டை , குளோபல் வார்மிங் என விஞ்ஞான ரீதியான காரணங்கள் உன்டுதான், குறைந்த பட்சம், பீர்வெட்டயார் குளம், கிழக்குத்தெரு குளம் போன்றவற்றை மூடாமல் இருந்திருந்தால் மாதம் மும்மாரி பொழியாவிடடாலும் மழைகாலங்களில் ஊர் வசந்தப்பட்டிருக்கும் இல்லையா.... சஹாராவில் மழையா என பகடி பண்ணும் ரேஞ்சுக்கு உந்தப்பட்டிருக்க மாட்டோம். மழை என்றதும்... ஒரு கவிதை என்றும் என் மனதில் தோன்றும்...

கொட்டு மழையில் ஒரு முறை

நனைந்து பார்.....!

உன்னில் விழுந்து உடைந்து சிதறும் மழை.

உயிர்வரை ஈரம் கசியும்.

உனக்குள் ஒரு நெருப்பு எரியும்.....

உன்னை சூடாக்க.

மழை பொழியாத வறட்ச்சியான கால கட்டங்களில், பனம் பழத்துக்காக நான் அலைந்து திரிந்த பனங்காட்டினில் ரீ விசிட் ஆக கேமராவை எடுத்து அலைந்து திரிந்தது எனக்கு கொஞம் ஓவராகத்தான் தெரிந்தது, காலங்கள் கடந்த பின்னும் அந்த மன்னில் இன்னும் ஈரம் இல்லை.... இதயம் கணக்கிறது….

சக்கர கோட்டை கம்மா..

2010-06-20T19:23:00.000+04:00

வாடகைக்கு கார் பிடித்து இரமனாதபுரம் செல்வோம் என்றலே ஏதொ இனம் புரியாத உற்சாகம் இன்றளவும் பிறக்கிறது, ஒடுக்கமான, மேடு பள்ள சாலைகளில் ஒன்னாம் நம்பர் பஸ்ஸிலோ அல்லது சீ.ஏ.எஸ் பஸ்ஸிலோ கீழக்கரையில் இருந்து இராமனாத புரம் அரன்மனை ஸ்டாப் வரும் வரை ஒரு மனி நேரப் பயணம் அலுப்பில்லாத்தாக பட்டது. இன்று கிழக்கு கடற்கரை சாலையாக பயனம் பத்து நிமிடமாகினாலும்,நிணவுகளில் எதுவும் இனிக்கவில்லை.

குட்டி மகளுடன் ஒரு மருதி வேணில் இந்த முறை விடுப்பில் செல்லும் பொழுது இராமனாதபுரம் பயனித்தேன், இதோ பார் சக்கர கோட்டை கம்மா.. என்று காட்டினால், இதுல ஏரோபிளேண் இறங்குமா என்ற மகளின் கேள்வியால் வியப்படய தேவை இல்லை... ஒரு சொட்டு தன்னீர் கூட இல்லாமல், பரந்து விரிந்து கிடக்கிறது... கம்மா வெள்ளரிக்காய்... வழி நெடுக கிடைப்பதை தவிர வேறூ ஒன்னும் பயன்ளிப்பதற்கான் சாத்கியக்கூறுகள் அந்த நிமிடம் தெரியவில்லை.

பேசாமல் மண் கொண்டு இதை மூடி, ஜெட் ஏர்வேச்சும், பாராமவுன்ட் ஏர்வேச்சும், சர்வீஸ் விட்டால் என்ன வென்று எனக்கு தோன்றியது உன்மை, சில கணங்கள் சிந்தனைக்கு பின் நன்செய்,புன்செய் என விவசாய விவகாரங்கள் மனதில் எழுந்து நினப்பை அடியோடு கவிழ்த்தியது.உபரியாக ஒரு செய்தி. ஏர்வாடி பக்கத்துல ராஜாக்கள் பாளையத்துல ஒரு ஏர்போர்ட் ப்ராஜக்ட் வரப்போறாதா ஒரு தகவல் இருக்கு......

இதோடு இதை முடிச்சிடுறேன்....

அடுத்த பதிவுல நவாப் கிச்சனை பற்றி பார்க்கலாம்..........

கீழக்கரை நினைவலைகள்

2010-01-29T00:23:00.000+04:00

வங்கக் கடல் அலைகள்

ஆர்பரிக்கும்
இனிய அதான் ஓசைகள்
எதிரொலிக்கும்

காரிய காகங்கள் கூடிக்
கரையும்
முகிலினூடே பறுந்துகள்
வலம் வரும்

கூதல் காற்று நகரினில்
பரவும்
தென்னங் கீற்றுகள் உரசி
சரசமிடும்

பரதர்களின் எலேலோ சிந்து
பாடும்...
பண்பாட்டு கோலங்கள் ஓங்கி
ஒலிக்கும்

கீழை செம்மொழி கவிபல
பேசும்
பண்டைய பெருமை புகழ்
உலாவும்

தென்பான்டி நாடாம் சேது
சீமை
ஆறாம் பானிடியனாம் சுல்தான்
தக்கியுதீன்

வெற்றி கொடி பட்டொளி
வீசும்
நன் கீழக்கரை நினவுகளில்
பேசும்

யவனதுருக்கர்கள் வாழ்ந்த
எழிலகம்
டச்சு போர்திகியரும் வலமிட்ட
துறைமுகம்

கடல் வேந்தன் சீதக்காதியின் வனிகக்
கோட்டை
மாதிஹ்ரசூல் மெய்ஞானம் ஒளிர்ந்த
பேட்டை

அரபிகளின் வழியே இது
கிர்கிரா
மறுவி வழக்கில் வந்தது
கீழக்கரை

பத்து பேரும் கரைக்கு
உண்டு
திசைக்கொரு அமரர்கள் இங்கு
கண்டு

செய்யது,மம்காசிம்,கொந்த
கருனை,
மான்குட்டி பதினெட்டு வீரர்கள்
என்றதனை

கறுப்பற்று காவலரின் கடல்
தேசப் போரில்
வீரசாவைத் தழுவிய அப்பாக்களின்
நினவிடங்கள்

அடர்ந்த மரங்களின் மத்தியில்
அமைந்திருக்க
திக்குக் கொரு அரண்களாக
சூழ்ந்திருக்க

தென்னந்தோட்ட எல்கை முடியும்
பாலயாறு,
பணம் பழ மனம் வீசும்
முள்ளுவாடி

கிழக்கே புதிதாய் முளைத்த
இருபத்தொரு குச்சி
மேற்கே கீழ மாயகுளம், எட்டத்தில்
ஏர்வாடி,

தெற்கே கடலுக்கு அப்பால்
அப்பா தீவு
என புடை சூழ்ந்த
பெரும் கரை

ஓலை பெட்டி, வலை
பின்னல்,
கொட்டை கோர்த்தல்,சங்கு
மாலை செய்தல்

சிறு தொழில்கள் பரவி
சிறக்கும்
செய்தொழிலும்,கைதொழிலும் வளம்
ஈர்க்கும்

சுபுஹ் நேரம் முறுகல் விடும்
ஆட்டுக்கால் போன்டா
மாலை நேரம் வீதியிலே உலா
வரும் சாலா வடை

ஒலியுடன் தேர்போல பவனி வரும்
கார பருப்பு வண்டி
தின்ன திகட்டாத கீறிய
உப்பிலிட்ட மாங்காய்

என வகைகள்
பல
சுவைபடநினைவில்
நிலைக்கும்

கல்வெட்டுக்களில் கலை
நயம் கான
சிற்பிகளின் திறன்
ஒளி மிளிர

நகரின் நடுவில் நந்தவன
வெளியில்
ஓங்கிய கோபுரங்கள்
உச்சிவாணம் தொட

விஜய ரகுனாத பெரிய
தம்பி
நிர்மானித்த குதபாபள்ளி

நடுத்தெருவில் எழுந்திருக்கும்
சஙகத்தமிழ் கட்டிட கலை
கண்ணில் நிலைத்திருக்கும்

இலக்கிய பனியிலே ஜகம்
வியக்கும் மா நகரம்
கணிந்து கொடை அளிப்பதிலெ
ஈகையின் சிகரம்

பைந்தமிழ் சிறக்க தந்த
பல்சுவை மாலைகள் பல
மலையக இலங்கையும்
இதன் புகழ் பாடி விழ

சமுதாய செம்மல்கள் பலரை
ஈன்ற தாய்
மன்னார் வளை குடா மடி
துயிலும் சேய்

கவிமனியும், கல்விமனியும்
கோர்த்திட்ட மாலை
அரபுலகம் அனைத்திட்ட
அருட் பெரும் சோலை

கரையின் புகழை வையகம்
பாடும்
அளவிலா ஆனந்தம் மனதில்
ஆடும்

அனிகலன்கல் ஆயிரம் மஙகையரால்
மிளிர்ந்தது
காலத்தால் மறைந்து வழக்கில்
இருப்பது

காது மடல்களுக்கு கும்மத்து,
அலுக்கத்து,
பாரம்பரியம் பரை சாற்றும்
சவடி, அட்டியல்

சிகை அழகுக்கு மசுரு
மாட்டி,
மனக் கோல முத்திரையாக
கருச மனிப் பொன்னு,

கன்னை பறிக்கும் மாங்கா
மாலை

வட்டார மொழி அழகு
ஒரு இசையியல்
மாந்தர் பேச்சினில் கலக்கும்
மலேயா, அரபு, இலங்கை தமிழ்,

ஆண்டுகள் கடந்து
செழித்து
வழங்கி வருவது
இனிமை

ரசமது நம்மில்
புளியானம்,
மீன் குழம்பு வழக்கில்
மீயானம்,

தேனீர் இங்கே
சாயா
திருமன விருந்து கரை
மொழியில் சகன் சாப்பாடு,

சுவை மிகுந்த நெய்
சோறு
இங்கு கலியா சோறாக
ஒலிக்கும்

கோபக் கூற்றுகளாக
மூதேவி கெட்டவளே,
பாலறுவா என
மொழி பல்லவி பாடும்

அதிலும் அகம் சந்ததி
வாழ்த்தும்...
தீந்தமிழில் சில தீயவனவும்
காதில் பாயும்

உறவுகளுக்குல் திருமன
சம்பந்தம்
சொந்தகாரர்கள் குழுக்களாக
வாழ்ந்து தழைத்து

வருவதே வச்சிர
நாட்டின்
வாழ்வியல் நடை
முறை

செக்கடியின் மலர், பழ
வாசம்
முக்கு ரோட்டில் முட்டி
மோதும்

மேலத்தெரு மைதானத்தில்
மாலை காலம்
சிறார்கள் ஆட்டத்தில்
நிறைந்த விழாக் கோலம்

கூவி விற்கும் கலர் ஐஸ்,
பால் ஐஸ்
மிதிவன்டியில் வலம் வந்து
தாகம் தீர்க்கும்

வாழ்வின் வசந்த
காலத்தின்
மனதில் பதிந்த
கோலங்கள்

சுகமாய் மனதை
வருடும்

மறவரும், பரதரும்,
நகுதாக்களும்,
சம்மட்டிகளும்,ஆலிம்களும்,
லெப்பைகளும்,

தன்டேல்களுடன், மரைக்காயர்கள்
உவந்து
வாழந்த உன்னத மன்னின்
உயர்வை உலகறியும்

தேசம் கடந்து வனிகப்
பயனம்
பொருளீட்டலில் தனிக்
கவனம்

பர்மா, மலேயா, சிங்கை,
கொழும்பு
பின்னாளில் துபாய்
என

தொலதூர நெடும்
வழி
கீழை மக்களின் மகிமை
ஒளி

ஊட்டுக்குளி,மட்டப்பாய்,
மெத்த வீடு
பாங்கான வசதிக்கு
தலை, கொல்லை
வாசல்

மாதர் தம் வசதிக்கு
முடுக்கு,ஓடை,
மழலை தம் கூடிசுற்ற
முற்றம்

மாடி மேலே ஓடி ஏற
ஜீடிபடி
புரதான பொருள்கள் காக்க
மச்சிவீடு
விவசாய தாணியம் சேர்க்க
சுரங்கவீடு

குறுக்கலான தெருக்களில்
நெருக்கமானவீடு,
வகுத நாட்டு வாழ்வியலை
தெளிவுறுத்தும்ஏடு,

சங்கு தொழில், முத்து
சிலாபம்
பாங்காய் ஈட்டினர் வெகு
இலாபம்

கொண்டாட்டமும், திண்டாட்டமும்
இங்குமுன்டு
உரிதான சம்பிரதாயம் பலவும்
உண்டு

குறுகிய சந்துக்கள் அமைந்த
காரனம்
சுற்றம் உறவாட நல் வழி
வகுக்கும்

வைரத் தொழிலும், கப்பல்
வனிகமும்
கரையின் சிறப்பை வையகம்
உணர்த்தும்

மங்கையரில் கலாச்சார
மேண்மை கான
மகுடமாய் வென் அங்கி
உடலை பேன

வெளியூர் பயனம் செல்ல
வேன்டி
முறையாய் மறைக்கப்பட்ட
மாட்டு வண்டி

தீன் குல ஒழுக்க செம்மை
வீசும்
பர்தா வழக்கம் மேன்மை
தாங்கும்

சிப்பிக்களும், முத்துக்களும்
பழமை பேசும்
பவித்திர மானிக்க பட்டன
புகழ் மேவும்

வந்தாஹா, போனாஹா
வர்வாஹ என
வட்டார மொழித்தேன்
காதில் பாயும்

சிறை கழட்டல், நெய் சந்தன,
கோப் அடித்தல், சீரு,
மன விழா சடங்குகள்
தொன்கலை விழக்கும்

பொட்டகம் பொருள்
காக்க அமைந்திருக்கும்
பசியாற வாஙக என்னும்
தமிழ சுவைக்கும்

இறைச்சி இங்கு
கறியாகும்
காய் வகைக்கு
மரக்கறி

சமையல் கூடம்
அடுப்படி
கலயான சடங்காக
பந்தல் நடுவது

முன்னோர் வழக்கமதை
மனதில் இருத்தும்

தலை தொப்பியிட்டு
ரைஹாலுடன்
பள்ளிக்கு அனிவகுக்கும்
சிறார்கள் அழகு

திருமறை பயில்விக்க
ஓது பள்ளிகள்
ஆலிம்களை உருவாக்க
தைக்காக்கள்..

தொல்தமிழுடன், அழகிய
மார்க்கம்,
கலந்து மனம் வீசும்
கரை ஒரு சொர்க்கம்

ஆலிம்களின் தலைமகனாம் மாக்தூம்
சின்னீனா ஒலி
அருசியா கண்ட தைக்கா
சாகிப் ஒலி

இவர்தம் நன் மரபில்
மாப்பிள்ளை லெப்பை ஆலிம்
ஞான பீடத்தின் உச்சம்
கனட ஜல்வத்து, கல்வத்து
நாயகர்கள்

பைத்துக்களில் ஆற்றல்மிக்க
பல்லாக்கு ஒலி
ஆசாரக் கோவை தந்த
அப்துல் மஜீது புலவர்

மார்க்க அறிஞர்களாம் காஜிமார்
வழியில் தியானா ஒளியாம்
மகானந்த பாவா

இரண்டாம் சீதக்காதியாம்
ஹபீப் அரசர்
அவர்தம் பண்பு வழியில்
வள்ளல் சேனா ஆனா...

கீழை கடல் பரவி கப்பல்
விட்ட
செனா வானா செய்யது
காசிம்

கல்விச் சேவையில் இணிமை
கானும் சேனா மூனா
சன் மார்க்க நாயகராம்
சுஹைபு ஆலிம்

பேதங்களை உடைத்தெரிந்த
பாவலர் இன்குலாப்
மேலானமையிலும் மேன்மை
கண்ட செய்யது சலாஹுதீன்

அய்மன் சங்கம் கன்டு
அளப்பறியும் பணியில்
காதர் பக்ஷ் ஹுசைன்

சமூக நலம் காத்து நின்ற
எஸ். வீ. எம். பசீர்
இலக்கிய சோலையில்
பசுங்கதிராம் எம்.கே. இ.
மொளலானா

உன்னதமிக்க கல்விக் கொடையாளர்
ஹுசைன் ஹாஜியார்
ஆய்வுகளில் தன்னை அர்பனித்த
இத்ரீஸ் மரைக்காயர்

மாதரினில் முதனமையான
மருத்துவர்
ரஹ்மத்னிஷா ரஹ்மான்

எழுத்துலகில் ஆக்கங்கள்
பலவும்
புனையும் சாதிக்கா ஹசனா
ஹாஜா

கலைவுலகில் முத்திரையிட்ட
அப்துல் காதர் (ராஜ் கிரன்)
ஆண்மீக பேரொளியாம்
ஆலிம் புலவர்

எனஇன் நல்லூரின்
பெருமக்கள்
கணக்கினை நோக்கினால்
போதாது, இவ்வேடு

கொடை நாயகர்களும் கொடை
வள்ளல்களும்
வாழ்ந்து சிறந்துமிளிர்க்கிறது
இக்கரை

இதனை அறியச் செய்யும்
பனியில் மக்களுக்கு அக்கரை
வாழ வழி தந்து வந்தோரையும்
வளமாக்கும் கீழக்கரை

பாரசீக வளைகுடாவில் குடியமர்ந்து
பிழைப்பு எனினும்
மன்னார் வளை குடாவில் என்றும்
நம் மனம்...............

தமிழக முஸ்லீமகள் கடந்து வந்த அரசியல் மற்றும் சமூக பொருளாதார சூழல்கள் - பாகம் - 4

2009-12-18T14:57:00.000+04:00

ஆற்காடு இளவரசர் 1910 ஆம் ஆண்டு ஆங்கிலேய ஏகாதிபத்தியத்தின் மேல் சபைக்கும், 1916ஆம் ஆண்டு மதராஸ் மாகாண சட்ட சபைக்கும் முஸ்லிம் மக்களின் பிரதி நிதியாக தேர்ந்தெடுக்கப்பட்டார், 1906 ஆம் ஆண்டு டாக்கவில் தொடங்கப்பட்ட இந்தியன் யூணியன் முஸ்லிம் லீக்கிற்கு இந்திய இஸ்லாமியர் நலனில் அக்கரை கொண்டு ஏராளமான நிதி உதவியும் செய்தார். தென்னிந்திய இஸ்லாமிய லீக்கின் தலைவராகவும், பின்பு தொடங்கப்பட்ட மதராஸ் மாகான முஸ்லீம் லீக்கின் தலவராக 1908 முதல் 1917 வரையிலான கால கட்டங்களில் செயல் பட்டு வந்தார், அந்த சமயம் முஸ்லீம் லீக்கில் தமிழ் மற்றும் மலையாள முஸ்லீம்களின் பிரதி நிதித்துவம் குறந்ததாகவே இருந்தது.

......

உருதை தாய் மொழியாக கொன்ட இஸ்லாமிய பிரமுகர்களான அப்பஸ் அலிகான், மிர் அகமது அலி, அப்துல்லா கட்டாலா, மஹபூப் அலி பெய்க், செய்யது அகமது பாஷா, பஷீர் அகமது செய்யது போன்றோர்கள் மாகான அரசியலில் ஈடுபட்டிருந்தாலும் ஆங்கிலேயர்களின் நிழலான பெரும் வியாபாரிகள் மற்றும் அரசான்ட நவாப்களின் கட்டுப் பாட்டிலேயெ இருக்க வேண்டிய சூழ் நிலை இருந்தது. உருதை தாய் மொழியாகவும், வட இந்திய மற்றும் முகலாய கலாச்சார பிண்னனி கொன்ட இவர்களை மாகான அரசியல் சூழ் நிலைகளை அறியவே வட இந்திய இஸ்லாமிய அரசியல்வாதிகள் பெரிதும் பயன்படுத்தி கொண்டனர் என்பதே உண்மை.

ஆங்கிலேய அரசுக்கு நெருக்கமான பிரமுகர்கள் முகம்மது அப்துல்லா பாஷா, ஹுமாயூன் ஷா பகதூர் போன்றோர் 1885 இல் துவக்கப்பட்ட இந்திய தேசிய காங்கிரசுக்கு ஆதரவாகவும், அஹமது முகைதீன் போன்ற மற்றவர்கள் காங்கிரசின் ஒரே இந்தியா கொள்கையினை எதிர்த்து அதனை தீவிரமாக எதிர்த்தும் வந்தனர். அதே கால கட்டத்தில் வட இந்தியாவில் சையது அகமது கான் காங்கிரசின் மேற்கத்திய ஆதரவு கொள்கைகளுக்கு எதிராக போர் கொடி தூக்கி வந்தது முஸ்லீமகள் மத்தியில் குழப்பத்தை ஏற்படுத்தி வந்தது. ஆறூ நூற்றாண்டுகளாக இந்திய அரசியலில் பெரும் செலவாக்கு கொன்டிருந்த முஸ்லீமகளின் அரசியல் வாழ்வில் பெரும் பிண்ணடைவு .

மதராஸ் உருது பத்திரிக்கையாளர்கள் சங்கம், காங்கிரஸ் இந்துதுவ கொள்கைகளை கடை பிடிப்பதாக கடுமையாக சாடியது, இதன் காரனமாக சையது முகம்மது கான் மற்றும் அகமது முகைதீன் ஆகியோரின் போக்கை ஆதரிக்க முஸ்லீம்களை வழியுறுத்தவும் ஆரம்பித்தது, இருந்தும் உருது பேசும் மிகப் பெரும் தொழில் வணிகர்களே அரசியலில் மிகப் பெரும் பங்கினை வகித்து வந்தனர். மற்றொரு பக்கம் வேறு விதமான சமூக கலாச்சார, வரலாற்று பிண்ணனி கொன்ட திராவிட மொழியான தமிழை தாய் மொழியாக கொண்ட தமிழ் முஸ்லீம்கள் மாகான அரசியலில் பெரும் கவணம் செலுத்தாமலேயே இருந்து வந்தனர். தொண்மையான தமிழ் கலாச்சார பணபாட்டினை கொண்ட இவர்கள் தனி சமூகமாக அறியப்பட்டனர்.

உருது முஸ்லீம் மக்கள் போன்று இஸ்லாத்தினை மார்க்கமாக கொண்ட தமிழ் முஸ்லீம்கள் அரசியலினாலோ, அரசாங்க வேலைகளில்னாலோ கவரப்படவில்லை, நவாப்களிடம் இருந்து ஆங்கிலேயர்கள் ஆட்சியை பறித்து கொண்டது இவர்களை பாதிக்கவும் இல்லை, அரசியல் தலைமை மாறிவிட்டது என்ற அளவில் மட்டுமே இதனை எடுத்து கொணடனர். தமிழ் முஸ்லீம் தங்களின் அரேபிய முன்னோர்கள் போன்றே வணிகத்துக்கு பெரும் முக்கியத்துவம் அளித்தனர், கடல் வழி வணிக பாரம்பாரியம் கொண்ட இவர்கள் வணிகம் புரிவதில் பெருமிதமடைந்து வந்ததற்கு நபி பெருமானார் அவர்கள் வணிகத்தில் ஈடுபடுவதை உண்ணதமானதாக கருதியதும் ஒரு காரணம்.

தாங்கள் பகுதி சார்ந்த சிறு துறைமுகங்களை வணிகத்துக்கு பயன் படுத்த்டி வந்த தமிழ் முஸ்லீம் தொழில் மக்கள், மதராஸ் துறை முகத்தினில் இருந்து செயல் படுவதை விரும்பவில்லை, ஆங்கிலேயர்கள் அவ்வாறு செய்ய தூண்டவும் இல்லை. ஆனால் 19 ஆம் நூற்றண்டில் தென் கோரமன்டல் கடல் வழி வணிகத்தின் மீது தமிழ் முஸ்லீம்களான மரைக்கயர்ள், லெப்பை சமூகங்கள் தீவிர ஆதிக்கம் கொண்டிருந்து வரலாற்றில் தெளிவாக பதிவு செய்யப்பட்டு உள்ளது. தங்களின் பாரம்பரிய துறை முகங்களின் மூலம் திரவியம் தேடி வந்த இவர்க்ளை ஆங்கிலேய அரசு தங்களின் வர்த்தக வளர்ச்சிக்காக இவர்களை வர்த்தக தரகர்களாகவும், இடைத்தரகர்களாகவும்,பொது வணிகர்களாகவும் பயன் படுத்தி வந்தனர்.

இவர்களில் முக்கியமானோர், இராமனாதபுரம் கடற்பகுதி வணிகத்தில் கோலோச்சிய மண்டபம் மரைக்காயர் என்றழைக்கப்பட்ட கான் பகதூர் மண்டபம் பி.ஆர்.எம். காசிம் முகம்மது மரைக்காயர், காயல் பட்டினம் கான் பகதூர் ஷாஹுல் ஹமீது மரைக்காயர், தஞ்சாவூர் வி. ஹமீது சுல்தான் மரைக்காயர், நாகப்பட்டினம் சர் அகமது தம்பி மரைக்காயர் மற்றும் இவரது மகன் சர் அகமது தம்பி முகம்மது மரக்காயர் போன்றோர்

தொடரும்

ஒடுக்கத்து புதன்.......

2009-12-16T00:23:00.000+04:00

இஸ்லாமிய காலன்டரின் இரண்டாவது மாதமான ஸபர் மாத இறுதி புதன் கிழமையில் இஸ்லாமியர்களால் வெகு விமரிசையாக கொண்டாடி களிக்கப்பட்ட ஒரு பண்டிகைதான் ஒடுக்கத்து புதன், கீழக்கரை மற்றும் கடலோர முஸ்லீம்கள் பெரும்பாண்மையாக வசிக்கும் இடங்களில் இதனை , கடல் குளி பெரு நாளாகவும், கடல் பெரு நாளாகவும் கொண்டாடி மகிழ்ந்தது வரலாறாகி விட்டது, கிட்டத்தட்ட முற்றிழும் இதனை இந்த தலை முறையினர் இழந்து விட்டனர்...

இறைத் தூதர் முகம்மது நபி அவர்கள் சுகக் குறைவடைந்ததை இந்த நாளில் நினைவு கூறுவதாக ஒரு ஹதீசும் உண்டு, எது எப்படியோ, கவலையற்று துள்ளி திரிந்த நாட்களில் நோண்பு பெரு நாள், ஹஜ்ஜு பெரு நாள் போன்று இதுவும் எனக்கு மகிழ்ச்சியை ஏற்படுத்திய ஒரு பண்டிகைதான், கடல் பெரு நாளைக்கு இரு நாட்களுக்கு முன்பே மச்சு முதற் கொண்டு நூலாம்படை, தூசி தட்டி வீட்டை கழுவி விடுவார்கள், இந்த நாளில் அதிகாலையில் எழுந்ததும் ஆலிம்சா ஒது பலகை எழுதும் ஒரு விதமான காப்பி கலர் மையினால் பனை ஒலையிலும், பீங்கான் தட்டுகளிலும் அரபி வாக்கியங்களை எழுதி தண்ணீரில் கலக்கி பிஸ்மி சொல்லி குடிக்கச் சொல்லுவார்கள், பின் பல வீட்டு மனம் என்ற சீகக்காய் டைப்பு பொருளால் தலை குளிப்பதும் வழக்கம், பெரும் பாலும் சிறு பிள்ளைகள் ஐந்தாம் பாலம் இருக்கும் கீழக்கரை படகு துறைக்கு செல்வார்க்ள், வயதுக்கு ஏற்றார் போல் ஒவ்வொரு பாலத்துக்கும் இடையில் மக்கள் கூட்டம் வெள்ளமாக கடலையும், கடற்கரையிலும் கூடி குளித்து அலங்கரித்த காட்சிகள் என் மனவானில் நட்சத்திரமாகவே இன்னும் மின்னுகிறது.

கடலில்லாத நகரங்களில் இதே நாளை புல் மிதி பெரு நாளாகாவும் கொன்டாடினர், மதுரை போன்ற இடங்ககளில் மக்கள் கூட்டம், வண்டியூர் பூங்காவிலும், விரகனூர் அனைப் பூங்காவிலும் கூடி புற்களை கால்மிதியை கழட்டி வைத்துவிட்டு மிதிப்பதினை பரவலாக காணலாம்,

இப்பொழுது கீழக்கரைக்கு வருவோம், மற்ற பெரு நாள் போன்றே இந்த நாளிலும் வீட்டில் அடையும், கறியும் கட்டயம் சமைக்கப்படும், இது தவிர கடல் பெரு நாளின் மாலை நேரக் கொண்டாட்டங்கள் மிக விம்ரிசையானது, மாலை மூன்று மனியானதும் பெரும்பாலான வீடுகளில் பொரி அரிசி வருக்கப்படும் மனம் தெருவில் வருவோர், போவோரின் நாசியை மிதமாக வருடும், பொரி அரிசி என்பது அருசியை மன்சட்டியில் இட்டு வறுத்து, தேங்காய் துறுவல், சக்கரை, வேர்க்கடலை போன்ற சரக்குகள் சேர்த்து கையால் பிசைந்து எடுக்க்கப்படும் ஒரு தின் பண்டம், இதை போல பச்சரிசையையும் கொண்டு ஒரு விதமான பண்டம் செய்வதும் உண்டு, இதனை தூக்கு சட்டியில் எடுத்துக் கொண்டு மம்காசிம் அப்பா தர்கா இருக்கும் கடலோர திடலுக்கு குடும்பத்தோடு மக்கள் சென்றடைவார்கள், ஆங்கங்கே மக்கள் மணல் வெளியில் ஜமுக்காலம் விரித்து உட்கார்ந்து அளவலாவுவதும், குழந்தைகள் மன்ற் பரப்பில் இங்கும் அங்கும் அலைந்து பலூனை வாங்கி பறக்க விடுவதும், சிறுவர்கள் ராட்டினம், ஊஞ்சலில் ஆடுவதும் கண் கொள்ளாத காட்சியாக இருக்கும், தற்காலிக கடைகள் மனற் பரப்பு முழுவதும் ஆக்கிரமித்து இருக்கும், அங்கே வெள்ளை முறுக்கு, சாலா வடை, வாடா, பஜ்ஜி, கிழங்கு, அச்சார் ஊறுகாய், தேங்கா மாங்கா பட்டானி சுனடல் என வித வித மான உணவு வகைகள் கிடைக்கும்,.

இந்த அரிபரியில் தர்கா கொடியேற்று விழாவும் ஒரு பக்கம் நடந்து கொண்டிருக்கும். இதனை முடித்து விட்டு தோப்பு பக்கம் வந்தால் தோட்டககார முத்தரையினரின் உபச்சாரம் பலமானதாக இருக்கும், இள நீர், கிழங்கு, தவன், நுங்கு என கொடுத்து மூச்சு முட்ட வைத்து விடுவார்கள்,.

கடல் பெரு நாள் கீழக்கரை கொண்டாட்ட வரலாற்றில் ஆழமாக பதிக்கப்பட வேன்டிய மிக முக்கியமான திரு நாள். சமூக உறவுகளின் பினைப்பை பலப்படுத்த முன்னோர்கள் ஏறபடுத்திய கீழக்கரை கலாச்சார பண்பாட்டு கோலங்களில் ஒன்று என் கன் முன்னிலேயே மங்கி வருவது மனதை பிசைகிறது.......

நவதானியம்

2009-12-07T14:50:00.001+04:00

மாலை நேர தேநீர் குடிக்கும் வேளைகளில் நவதாணியம் எங்கள் ஏரியாவில் மிக பிரசித்தமான ஒரு நொறுக்குத்தீனி, நவதானியம் என்றவுடன் எனக்கு நினைவுக்கு வருவது கீழக்கரை மெயின் ரோட்டில் இருக்கும் பாம்பே ஆனத்த பவன் பேக்கரிதான், ஐம்பது ஆண்டுகளுக்கு முன் குஜராத்தோ அல்லது இராஜஸ்தானிலோ இருந்து வந்த ஒரு சேட்டு தன் குடும்பம் குட்டியோடு வந்து ஆரம்பித்து இங்கேயே செட்டிலாகி இறந்தும் விட்டார், இப்ப அந்த சேட்டோட வாரிசுங்க அந்த கடயை நடத்திட்டு வர்ராங்க.....எதிர் முனையில் இருக்கு கே.கே.ஆர் பேக்கரி நவதானியத்தை விட ஆனந்த பவனுக்கு அப்போ ரெம்ப மவுசு, இத்த்னைக்கும், கே.கே.ஆர் பேக்கரி மிட்டாய் வியாபரத்தை குலத் தொழிலாக கொண்ட குடும்பத்தினருக்கு உரிமையானது. எனக்கு தெரிந்து அந்த பாம்பே என்ற வார்த்தை ஒன்றே அதன் மேல் மக்களின் மயக்கத்திற்கு முழுக்காரனமாக இருக்கும்.

அப்புறம் நவதானியத்திக்கு வருவோம், நவம் என்றால் ஒன்பது என்பது எல்லோருக்கும் தெரியும்தானே...நவக்கிரகம், நவரத்தினம், நவராத்திரின்னு எண் 9 தை குறிக்கிற மாதிரி நிறைய பொருட்கள், நிகழ்வுகள் இருக்குறமாதிரி நவதாணியத்திலயும் ஒன்பது வகையான பருப்பு பயரு வகைகள் இருக்கும், மொச்சைபயறு, பாசிப்பருப்பு, பட்டானி கடலை,கடலைப்பருப்பு ,காராமணி, கொண்டைக்கடலை,தட்டப்பயறு, வேர்கடலை, முந்திரி, இடுபோல பருப்புவகைகள் சேர்த்து வறுத்து, கார மசலாக்களுடன், கறுவேப்பிலை இட்டு மிக சுவையான கார நொறுக்குத்தீனியாக இன்றளவும் பாவிக்கப் பட்டு வரும் நவதாணியம் கீழக்கரை நொறுக்குத்தீனி பன்பாட்டு வகைகளில் இன்றியமயாத ஒன்று,
சமீபத்தில் நவதானியத்தை தேனீருடன் இனந்து கொறித்து குடித்து கொண்டிருக்கும் வேளை மனதில் பளிச் ஐடியா ஒன்று உதித்தது நவதானியங்களை ஒவ்வொன்றக எண்னிப் பார்க்கத் தொடங்கினேன், ஆறு தானிய்ங்களுக்கு மேல் ஒன்றும் புலப்படவில்லை, ஒன்பதுக்கு மூனு குறைவாக இருக்கே என வீட்டில் கேட்டால் அந்த மூனு தானியமும் கிடச்சிருக்ககாது என சிம்பிலாக பதில் வந்தது, அப்போ இது ஆறு தானியம்தானே.... யாராவது விளக்கம் சொன்னால் தேவலை....

தமிழக முஸ்லீமகள் கடந்து வந்த அரசியல் மற்றும் சமூக பொருளாதார சூழல்கள் - பாகம் - 3

2009-11-21T17:25:00.000+04:00

1881 க்கு பின் தனது தொழிலில் இருந்து மூப்பு காரணமாக ஓய்வு பெற்ற முகம்மது அப்துல்லா பாஷா தனது தொழிலுக்கு வாரிசாக தனது மகன்களின் ஒருவரான முகம்மது குத்தூஸ் பாஷாவை நியமித்தார். தந்தையின் வர்த்தகத்துடன், சரக்குகளின் கமிஷன் ஏஜன்டாகவும் 1883 வரை நீடித்த இவர், தனது வியாபாரத்தில் புது யுக்தியை திடுமென புகுத்தினார், இந்த தொழில் விரிவாக்க திட்டத்திற்கு இவரது சகோதரர் முகம்மது அப்துல் ஹாதி பாஷாவின் பங்கு மிக முக்கியமானதாக விளங்கப்படுகிறது. இவரின் புது யுத்தியாக டீலர்ஷிப் என அழைக்கப்படும் மொத்த வினியோக உரிமையினை மிக மிக்கியமான பொருட்களுக்கு எடுத்தது மட்டுமல்லாமல் வங்கி மற்றும் காப்பீட்டு நிறுவனங்களின் ஏஜன்ஸியாகவும் செயல் பட்டு மதராஸ் நகரின் முக்கிய பிரமுகராக கருதப்பட்டு வந்தார், தற்பொழுது நூற்றாண்டு விழ கொண்டாடிய இந்தியன் வங்கி லிமிடடின் எட்டு நிறுவனர்களில் குத்துஸ் பாஷா சாகிபும் ஒருவர் என்பது குறிப்பிட தக்கது

குத்துஸ் பஷா சாகிப் தனது தொழிலில் மட்டுமின்றி ,கல்வி, சமுதய நலன், அரசியல் மற்றும் சீர்திருத்தம் போன்ற மக்கள் நல மேம்பாட்டு பணிகளிலும் தீவிர அக்கரை காட்டினார், ஏராளமான சொத்துக்களும், பல வைர சுரங்கங்களுக்கும் அதிபரான இவரை பிரிட்டிஷ் அரசாங்கம் கான் பகதூர் பட்டம் வழங்கி கௌரவித்தது, மதராஸ் மாகானத்தில் முதல் மைக்கா தொழில் இவர் மூலம்தான் தொடங்கப்பட்டது. இவரின் பொது வாழ்க்கையில் முக்கிய அங்கீகாரமாக 1911 இல் டெல்லியில் நடந்த மூன்றாம் டெல்லி தர்பார் கொண்டாட்டத்தில் மதராஸ் மாகாணத்தின் முஸ்லீம்களின் பிரதி நிதியாக கலந்து கொள்ள அழைக்கப்பட்டார், பாதுஷா குடும்பத்தினரின் செல்வாக்கு கிட்டத்தட்ட ஒரு நூற்றாண்டு காலம் மதராஸ் மாகானத்தின் வர்த்தக,அரசியல், சமூக பொருளாதார துறைகளில் ஓங்கிய நிலையிலேயே இருந்தது மறுக்க முடியாத உண்மை.

இவர் போலவே பல வியாபார வித்தகர்கள் 19 ஆம் நூற்றாண்டின் இறுதியிலும், 20 ஆம் நூற்றாண்டின் துவக்க காலகட்டத்தில் மிகப் பிரபலமடைந்தனர், இவர்களில் சிலர்,சாலே முகம்மது ஹாஜி இப்ராகிம் சேட், அப்துல் ஜப்பார் சேட், திப்பு சுல்தானின் வாரிசான் ஹுமாயூன் ஷா பஹதூர், தாதா கான், தஸ்தகீ சாஹிப், அப்துல் ஹிசைன் சம்பாச்ஜீ, வால்ஜீ லால்ஜீ சேட், யாக்கூப் ஹஸன் சேட் போன்ற அணைவருமே மதராஸ் நகரத்திலிருந்து வர்த்தகம் புரிந்தவர்கள் மிக முக்கியமான தங்கள் சமூகம் சர்ந்த , சாராத இயக்கங்களிலும், அரசியல் சபைகளிளும் தவிர்க்க முடியாத இடம் பெற்றார்கள், அதில் முக்கியமானவை அஞ்சுமன் சபை, மதராஸ் மஹாஜன சபை, இந்திய தேசிய காங்கிரஸ், இந்திய முகம்மதியர்கள் சங்கம் போண்றவை.
அதே சமயம் ஆற்காடு இளவரசர் குலாம் முகம்மது அலி மட்டுமின்றி ஆற்காடு நவாப் குடும்பத்து உறுப்பிணர்களான அப்துல் லத்தீப் பரூக்கி, நவாப் முகம்மது ஹபீபுல்லா, 1884 இல் முஸ்லிம் ஹெரால்ட் ஆங்கில பத்திரிக்கையின் நிறுவனரான அஹ்மது முகைதீன் போன்றோர்கள் மாகானத்தின் அரசியல் மற்றும் சமூக இயக்கங்களில் தங்களை ஈடுபடுத்தி கொண்டு முஸ்லிம் மக்களின் பிரதி நிதிகளாக செயல் பட்டுக் கொண்டிருந்தனர். தொடரும்.........................

தமிழக முஸ்லீமகள் கடந்து வந்த அரசியல் மற்றும் சமூக பொருளாதார சூழல்கள் - பாகம் - 2

2009-11-18T01:32:00.000+04:00

மற்றொரு புறம் மதராஸ் மகாணம் முழுவதும் நவாப்களின் செலவாக்கு அரசியல் ரீதியாக அதிகரிக்க தொடங்கியது, ஏராளமான உருது பேசும் முஸ்லிம்கள் அரசு வேலைகளில் அமர்த்தப்பட்டன. ஆனால் எதிர்பாராத விதமாக 1855ல் நவாப் பதவி ஆங்கிலேயர்களால் ஓழிக்கப்பட்டு அவர்களின் அதிகாரங்கள் மட்டுப்படுத்தப்பட்டு நவாப்கள் அரசாங்கத்தால் மாணியம் பெருபவர்களாக அங்கீகாரம் குறைக்கப்பட்டனர். இதனால் நவாப்களை சார்ந்து வாழ்ந்துவந்த சமூகங்கள் அனைத்தும் தத்தம் வாழ்வாதாரங்களை இழந்து மாற்று வழிகளை தேட முயன்றனர். பலர் வறுமையினை அரவனைத்து கொண்டனர். இதுவே தமிழக குறிப்பாக முஸ்லிம் மக்களின் சமூக, பொருளாதார வாழ் நிலையில் ஏற்பட்ட மிகப் பெரும் சரிவாக கொள்ளலாம்.
இத்தகைய சோதனையான சூழலில்,பிரிட்டீஷ் அரசாங்கத்தின் திடீர் அரசியல் முடிவால் முண்ணாள் ஆற்காடு நவாப்கள், ஆற்காடு இளவரசர்களாக உருமாற்றம் பெற்றார்கள், அரசியல் அதிகாரத்தில் உச்சானி கொம்பில் இருந்த உருது பேசும் முஸ்லிம்கள் தங்கள் அங்கீகாரத்தை மெல்ல மெல்ல இழந்தனர், அரச் உத்யோகத்தில் இருந்த சிறப்பு சலுகை முற்றோடு அழிக்கப்பட்டது. அரச உத்யோகத்திற்காக மாற்று மதத்தினருடன் போரிடும் நிலைக்கு தள்ளப்பட்டு சில காலம் அலைகழிக்கப்பட்டனர்.

இப்படியான காலக்கட்டத்தில், புது வேகத்துடன் வியாபார முயற்சியில் உத்வேகத்துடன் சில இஸ்லாமியர்கள் மதராஸ் பட்டின்ணத்தை நோக்கி பயனித்தனர். 19 ஆம் நூற்றாண்டின் துவக்கத்தில் முஸ்லிம் வியாபாரிகள் மதராஸில் வேர் விட ஆரம்பித்தனர். இதில் முதன்மையானவர் 1812 இல் திருவல்லிக்கேணியில் வியாபார ஸ்தலம் அமைத்து மிகப் பெரும் வெற்றியை ஈட்டிய முகம்மது அப்துல்லா பாஷா, 1866 இல் ஏற்றுமதி இறக்குமதி தொழிலில் கொடி கட்டி பறந்த இவர் அரேபியா, எகிப்து மற்றும் மேலை நாடுகளில் சுற்றுப் பயனம் செய்து இருக்கிறார்

தமிழக முஸ்லீமகள் கடந்து வந்த அரசியல் மற்றும் சமூக பொருளாதார சூழல்கள்

2009-11-17T01:19:00.000+04:00

17 ஆம் நூற்றாண்டின் மத்திய காலம் - இந்தியாவை ஆண்டு வந்த ஆங்கிலேயர்கள் தென் இந்தியாவின் ஆளுமை விவகாரங்களில் அதீத தீவிரம் காட்டத் துவங்கிய சமயம். 1749 இல் ஆற்காடு நவாப் அண்வர்தீனின் மறைவுக்கு பிறகு அவரது புதல்வர் முகம்மது அலி வாலாஜாவை புதிய நவாபாக நியமித்ததில் ஆங்கிலேயரின் பங்கு கணிசமானது, இந்த உதவியின் மூலம் தங்களது ஆளுமையயை மதராஸ் பட்டினத்தை தாண்டி தென் தமிழகமான திருச்சி, மதுரை, நெல்லை போன்ற நகரங்களிலும் விரித்து பரப்பினர்

வாலாஜா நவாப்களை பொறுத்தவரையில் ஆங்கிலேயர்கள் மிக முக்கியத்துவம் வாய்ந்தவர்களாகவே கருதி வந்தனர், நவாப்களின் தலை நகரமான ஆற்காட்டில் இருந்து மதராஸுக்கு பல ஆயிரம் உருது பேசும் முஸ்லீம் மக்களுடன் 1767 இல் இடம் பெயர காரணமானவர்கள் என்ற அளவில் மட்டுமல்லமல், மதராஸ் பட்டினத்திற்கு சிறப்பு அந்தஸ்துடன் முஸ்லீம் மக்கள் வாழக்கூடிய அளவில் ஏற்புடைய நகரமாக மாற்றி அமைத்ததில் ஆங்கிலேயர்களின் பங்கும் முக்கியமானதாக கருதினர். நவாப் வாலாஜாவின் மதராஸ் குடியேற்றமைக்கு முண்பே ஹைதராபாத் மற்றும் மத்திய பிரதேசத்தை சார்ந்த பல முஸ்லீம்கள் வியாபார ஸ்தலங்களை பரவலாக அமைத்து இருந்தனர். இந்த காலக்கட்டங்கள்தான் தமிழக முஸ்லீமகளின் வியாபார வளர்ச்சிக்கான முக்கியத்துவம் வாய்ந்த காலமாகும், பெருவாரியான வியாபாரிகள் தங்களின் வியாபாரத் தொடர்புகளை ஐரோப்பிய நிறுவணங்கள் அல்லது வட பகுதியில் இருந்து வந்து வியாபார உலகில் கோலோச்சிய பத்தான்களிடமுமே வைத்துக் கொள்ள விரும்பினர். கோரமண்டல கடல் வழி வர்த்தகத்தில் முக்கிய துறைமுகமான போர்ட்டோ நோவா என அழைக்கப்பட்ட பரங்கிப்பேட்டையில் சரக்குகளின் கையாடல்கள் கணக்கில் விண்ணை முட்டிக் கொண்டிருந்தது, துறைமுக வர்த்தகம் அணைத்தும் கடலூர் முஸ்லீமகளிடம் கை கட்டி நின்றூ கொண்டிருந்தது.

ஆனால் இது பல காலம் நிலை கொள்ள முடியவில்லை, 19 ஆம் நூற்றண்டின் தொடக்க கால கட்டத்தில் முஸ்லீம் கடல் வேந்தர்களின் முக்கியத்துவம் ஆங்கிலேய கம்பெனிகளின் தொழில் போட்டியால் சிறுக சிறுக குறைய ஆரம்பித்தது, மதராஸ் பட்டிணத்தை அரசியல் மற்றும் நிர்வாக கேந்திரமமாக மட்டுமல்லாமல் வர்த்தக தலை நகராக மாற்றும் முயற்சியில் வெற்றி காணப்பட்டது, பெரும்பாலன வர்த்தகர்கள் மதராஸ் நகருக்கு தங்களது தொழிலை மாற்ற விரும்பாததும் ஒரு பிண்ணடைவை ஏற்படுத்தியது - - தொடரும்

பிடித்த பத்து ..பிடிக்காத பத்து..

2009-11-08T02:25:00.000+04:00

இத்தொடரை எழுத அழைத்த சகோதரி ஸாதிக்கா அவர்களுக்கு நன்றி

ஹோட்டல்
---------------
பிடித்த இடம் – அமராவதி
பிடிக்காத இடம் - சரவண பவன்

அரசியல்வாதி
***************
பிடித்தவர் - நல்லகண்ணு (எளிமையே உருவானவர்)
பிடிக்காதவர் – ராமதாசு (கொள்கை பிடிப்பற்றவர்)
நடிகை
********
பிடித்தவர் -மீரா ஜாஸ்மின்
பிடிக்காதவர் - நமிதா

எழுத்தாளர்***********
பிடித்த எழுத்தாளர் - சாரு
பிடிக்காத எழுத்தாளர் - சோ
பாடகி
********
பிடித்தபாடகி - ஸ்வர்னலதா
பிடிக்காத பாடகி - சித்ரா
பிடித்த தினசரி
*******
பிடித்த தினசரி - தின தந்தி
பிடிக்காத தினசரி - தின மலர்

இனிப்பு
**
பிடித்தது - மைசூர்பாக்
பிடிக்காதது - ஜிலேபி

சுற்றுலாதலம்
***************
பிடித்தது - மூனாறு
பிடிக்காதது - கொடைக்கானல்

பென் கவிஞர்
------------------
பிடித்தவர் – தாமரை
பிடிக்காதவர் - சல்மா

வாகனம்
பிடித்த வாகனம் : ரயில்
பிடிக்காத வாகனம் : பேருந்து

இத் தொடர் இடுகையின் விதிகள்:

1. நமக்கு பிடித்தவர், பிடிக்காதவர் பட்டியலில் வருபவர் தமிழகத்தைச் சார்ந்த, பிரபலமாக (பிராபளமாகக்கூட) இருக்க வேண்டும்
2. இதைத் தொடர இரண்டு முதல் ஐந்து பதிவர்களை அழைக்க வேண்டும்
3. ஏழு முதல் பத்துக் கேள்விகள் கண்டிப்பாக இருக்க வேண்டும்

நான் அழைக்கும் பதிவர்கள்.

பீர்
ஜோகன் பாரிஸ்
மோன்க்

கீழை முதல் ஹாங்காங்க் வரை

2009-11-08T00:34:00.000+04:00

வள்ளல் பி.எஸ்.ஏ அவர்களின் இளமை வாழ்க்கை பற்றிய சில குறிப்புகள் .....
“விளையும் பயிர் முளையிலே தெரியும்” என்பது தமிழ் முதுமொழி, எல்லா குழந்தைகளும் ஒன்று போல் இருப்பதில்லை, அது போல் செம்மல்களின் அடயாளம் பருவம் எட்டும் முன்பே தெரியும் அப்படியான ஒருவர்தான் வள்ளல் பி. எஸ்.ஏ , தனது பத்தாவது வயதிலேயே தனது இலட்சியங்களின் வழியில் பயணம் செய்ய மிகப் பெரும் கனவு கண்டவர். அக்கலத்தில் கீழக்கரை சமுதாயத்தில் பள்ளிக்கூடம் செல்லாத மாணவர்களை வீடு தேடி சென்று பள்ளி செல்ல வழியுறுத்தும் இயக்கத்தினை தனது நண்பர்களுடன் இனைந்து தலமையேற்று நடத்தியவர்.
தனது ஐந்தாம் வகுப்பு பள்ளி படிப்பினை கீழக்கரை ஹமீதியா பள்ளியில் முடித்த பின், இராமனாதபுரத்தில் கிருஷ்துவ மிஷனரிகளால் நடத்தப்படும் புகழ் பெற்ற சுவாட்ஸ் பள்ளியில் இனைந்தார், முன்னாள் இந்திய ஜனாதிபதி டாக்டர் அப்துல் கலாம் இப் பள்ளியின் முன்னாள் மாணவர் என்பது குறிப்பிடத்தக்கது. இந்த காலக்கட்டத்தில் இவருக்குள் எழும் கேள்விகள் ஏன் இது போன்ற தரமான பள்ளிகள் கிராமப் பகுதிகளில் குறைவாக அமையப்பெற்றுள்ளது? இதற்கான விடிவுதான் என்ன?
பி.எஸ்.ஏ. அவர்கள் தனது இளவயதிலேயே பனத்தின் மதிப்பினையும், பண்டங்கள் மக்களின் வாழ்க்கையில் ஏற்படுத்தும் மாற்றங்களயும் உணர்ந்தவரானார். தனது சம வயது மாணவர்களில் சிலர் தேவையான தின்பண்டங்கள் வாங்க போதுமான பணம் வைத்திருப்பதையும், மேலும் சிலர் தின்பணடங்களே வாங்க பணமில்லாமல் வேடிக்கை பார்ப்பதையும் அறிந்து இந்த ஏற்றதாழ்வுகளுக்கு முடிவு கட்ட தனது நண்பர்களுடன் இனைந்து தின்பணடங்களை குறைந்த விலையில் மொத்த கொள்முதல் செய்து பணக்கார மாணவர்க்ளுக்கு அதிக விலையில் விற்று அதன் மூலம் கிடைத்த இலாபத்தில் வசதி குறைந்த மாணவர்களுக்கு இலவசமாக வினியோகித்து தனது தொழில் கோட்பாட்டிற்கு முண்னுரை எழுதினார்
தனது எட்டாம் வகுப்பினை முடித்த காலத்தில், இவரின் தனியாத வியாபாரத் தாகம் இவரது பள்ளிப்படிப்பினை தொடர முடியாமல் தொந்தரவு செய்ய தனது தந்தையர் புஹாரி ஆலிம் அவர்களின் அணுமதி பெற்று , தனது 20 ஆவது வயதில் தனது கையில் வெறும் 149 இந்திய ரூபாயும், ஒரு சின்ன துனிப் பையுமாக கொழும்பு வந்து சேர்ந்தார், சோதனையான காலக்கட்டம்..., முதலில் இவரது அறையில் வசித்து வந்த வியாபாரிகளின் மனதை அவர்களுக்கு தேவையான உதவிகள் செய்வதன் மூலம் கவர்ந்தார். இதற்காக இரவு பகல் பாராமல் உழைத்தார்.

வைர வியாபாரியான் தனது தந்தையருடன் முன்பு பலமுறை வைர வியாபரத்திற்காக கொழும்பு வந்தவர் அவர், அதனால் இதே வியாபாரத்தினால் கவரப்பட்டு அதனை பற்றிய நுட்பத்தினை மெல்ல மெல்ல கற்று அறிந்த பின்னும் அவருடய பொருளாதார சூழ் நிலை தனியாக வியாபாரம் செய்ய அணுமதிக்காத நிலையில் காலம் கணியும் வரை சில காலம் கொழும்பு நகரிலேயே அமைதி காத்தார். ஆனால் தனது வியாபார தொடர்புகளை எல்லையில்லமல் வளர்த்து கொண்டும் இருந்தார். விரைவில் ஒரு நேரம் சாதகமாக வந்தது, தனது தொழிலை முதலில் ஹாங்காங்கில் தொடர்ந்தவர் பின்பு, ஜப்பான், இந்தோனேசியா, மலேசியா, சிங்கப்பூர் என கீழ்திசை நாடுகள் முழுவதும் பரந்து விரிந்தது, இதுவே வள்ளல் அவர்களின் வாழ்க்கையில் இனிமையான தருனமாக கொள்ளலாம், வைர வியாபாரத்தில் அதீத ஈடுபாடு கொண்டு மேலை நாடுகளான பெல்ஜியம், அமெரிக்கா, தென் அமெரிக்கா மற்றும் அரபு நாடுகளிலும் தனது தொழிலரசின் எல்லைகளை விரிவுபடுத்தினார், 1950 களில் வைரத்தொழில் ஸ்தாபனத்தை ஹாங்காக் மற்றும் பெல்ஜியத்தில் நிறுவிய முதல் தென்னிந்தியர் இவர்தான் என்பது நாடறிந்த உண்மை.
மதி நுட்பமும், விவேகமும், நுண்ணிய நினைவாற்றலும் தாம் பி. எஸ்.ஏ அவர்களின் மூலதனமாக இருந்திருக்க முடியும், எதார்த்த தன்மையும், நகைசுவை உணர்வும் ஒருங்கே பெற்ற வள்ளல் அவர்கள் ஒருவரின் குறையை நேர்த்தியாக, நகைச்சுவையுடன் அந்த நபரின் எதிரிலேய சொல்லிவிடுவதில் அவருக்கு நிகர் எவருமே இல்லை எனலாம், வள்ளல் அவர்களை பற்றி முழு வாழ்க்கை வரலாறு நூல் வடிவத்தில் வந்துவிட்டது, இது அவரின் இளமை பற்றிய சிறு தொகுப்புதான், அவர்தம் சேவைகளும் இன்னும் அவர் தொழில் போல விரிந்து கொன்டேதான் போகிறது. கணக்கிலடங்கா குடும்பங்களின் ஒளி விளக்காகான வள்ளல் அவர்கள் நீடூழி வாழ வாழ்த்துவோமாக.........
நன்றி- திரு எம்.எம்.முகைதீன்

லூலூ யூசுப்அலி - சில்லறை வணிக உலகின் முத்து

2009-10-29T13:25:00.001+04:00

வளைகுடா நாடுகளில் வசிப்பவர்களின் சுவாசமாக விளங்கும் சங்கிலித் தொடர் சூப்பர் மார்க்கெட்தான் "லூலூ " இதன் வாசல் மிதிக்காதவர்கள் இந்த பிரதேசத்தில் எவருமே இருக்க முடியாது. எம். கே குழுமத்திற்கு சொந்தாமான இந்த நிறுவணத்தின் மிக குறுகிய கால அபார வளர்ச்சிக்கு வித்திட்டவர்தான் எம்.கே குழுமங்களின் மேலாண்மை நிர்வாகி 54 வயதான யூசுப் அலி, தென்னின்ந்தியாவின் , கேரள மாநிலத்தில், திருச்சூர் மாவட்டத்தில் உள்ள கடலோர கிராமமான நட்டிகாலில் 1958 ஆம் ஆன்டு பிறந்த யூசுப் அலி தனது 15 ஆவது வயதில், 1973 ஆம் வருடம் ஒரு சூட்கேசும், கையில் கொஞம் தொகையுமாக மும்பையில் இருந்து கடல் மார்க்கமாக துபாய் துறைமுகம் வந்து இறங்கினார்.

முப்பது வருடங்களுக்குள் 15000 கோடி ருபாய்க்கு சொந்மான எம். கே தொழிழ் குழுமத்தின் சூத்திரதாரியான வரலாறு ஒரு நெடும் கதை, தன்னை துபாய் துறைமுகத்திலிருந்து அழைத்து செல்ல வந்த தனது பெரிய தந்தையான எம். கே அப்துல்லவுடன் 5 மணி நேர பயணத்திற்கு பின் அபுதாபி வந்து சேர்ந்த யூசிப் அலி, பின் அவருடன் இணனைந்து அவரின் சிறிய மளிகை கடையில் அவருக்கு உதவியாக சில காலம் பொருட்களை ஏற்றி, இறக்குவது, வினியோகம் செய்வது என வேலைகள் என இருந்தவர், பதனப்படுத்தப்ப்ட உணவுப் பொருட்களை அமெரிக்க மற்றும் ஐரோப்பிய நாடுகளில் இருந்து இறக்குமதி செய்து அபுதாபி நகரம் மட்டுமல்லாமல் புற நகர் பகுதி, மேற்கு அபுதாபி அமீரகத்திலும் வினியோகம் செய்ய ஆரம்பித்து 25 ஆயிரம் பணியாளர்கள் பணி புரியும் மாபெரும் தொழில் பேரரசின் வளர்ச்சிக்கு வித்திட்டார்.

சில காலங்களில் இவரது தொழில் இறக்கை கட்டி பறக்க ஆரம்பித்தது, உணவு பொருட்களை கப்பல், நட்சத்திர விடுதிகள், கேட்டரிங் கம்பெனிகள் என பல்வேறு துறைகளுக்கு வினியோகம் செய்து, தனது மூலதனத்கை பல மடங்குகள் பெருக்க ஆரம்பித்தது. 1980 களில் அமீரகத்தின் சில்ல்றை வணிகத்தின் கணிசமான பங்கு இவரது நிறுவனத்தை சார்ந்தாக கருதப்பட்டது. தனது பெரிய தந்தையின் ஓய்விற்கு பிறகு இதன் நிர்வாகம் இவர் வசம் வரும்பொழுது, தனது கணவுகளின் கோட்டைகான ஆயத்த வேலைகளை தொலை தூர நம்பிக்கை பார்வையுடன் தொடங்கினார். இவரது இத்தகைய நம்பிக்கைக்கு காரணமாக இவர் சொல்வது மறைந்த தலைவர் சேக் சயித் பின் அல் நக்யான் அவர்களின் "எதிர்காலத்த நோக்கிய வீரப்பயனம்" என்ற கொள்கையை பின்பற்றியதுதான். 1990கலீள் வளைகுடா போர்க்காலங்கள் இவரது பொற்காலங்கள் என கொள்ளலாம், அசாதாரணமான காலகட்டத்தை சரியான காலமாக திட்டமிட்ட்டது மிகப் பெரும் விந்தை ஆம் இவரின் சூப்பர் மார்கட்களும்,டிபார்ட்மென்ட் ஸ்டோர்களும் இந்த காலத்தில்தான் தொடஙகப்பட்டது.

இறைவனின் அருளால் இதன் வளர்ச்சி உச்சானிக்கு போய் இதன் மகுடமாக 2000 ஆம் ஆண்டு லூலூ சூப்பர் மார்கட் முதன் முதலில் துபாய் அல்கோசில் தொடங்கப்பட்டது, துருக்கியின் ராம் ஸ்டோர் போன்ற அமைப்பில் உருவான இந்த லூலூ மீண்டும் அசுர வளர்ச்சி பெற்று 8 வருடங்களில் 75 கிளைகள் தொடங்கப்பட்டது, அமீரகம் மட்டும் அல்லாமல், கத்தார், பஹ்ரைன், சௌதி அரேபியா,ஏமன், எகிப்த்,குவைத் இந்தியா என இதன் சாம்ராஜ்யம் விரிந்து கொண்டேபோகிறது, போர், பொருளாதார சீரழிவு, சந்தை ஏற்ற இறக்கம் என எந்த விளைவுகளும் இவரின் கோட்டையை அசைத்தூபார்க்க முடியவில்லை, அதற்கு காரணமாக இவர் சொல்வது,இறைவணின் அருளும், எதிர் நீச்சல் போடும் குணமும், அடிப்படை திடதண்மையும்தான்.

கொச்சின் விமானத்தளத்தின் விரிவாக பணியில் இவரது பங்கு கணிசமானது, இந்திய பொருளாதாரதை நோக்கி திரும்பும் இவர் பார்வை ஒரு பொருளாதார மலர்ச்சிக்கு வித்தாக மாறலாம். இவரின் சேவையை பாராட்டி அபுதாபி சேம்பர் ஆப் காமர்ஸ் இவரை அதன் இயக்குனர்களில் ஒருவராக நியமித்து இருக்கிறது, ஒரு வெளி நாட்டு வாழ் இந்தியரை இவ்வாறு அங்கீகாரத்தது இதுவே முதல் முறை. எல்லைகள் தாணடும் இவரது தொழில் வளச்சி மற்றும் சமூக பணியை பாராட்டி இந்திய அரசு இவருக்கு "பதம்ஷ்ரி" விருதை வழங்கி இந்த ஆண்டு கௌரவித்து இருக்கிறது, விண்ணை முட்டும் இவர் வளர்ச்சிக்கு இன்னும் எத்தனை விருதுகள் காத்துக் கொண்டிருக்கிறதோ?

தமிழ் முஸ்லிம்களின் பூர்வீகம்....

2009-10-27T01:35:00.000+04:00

தமிழக முஸ்லிம் மக்களின் ஆரம்பகால குடியேற்றம் பற்றிய ஆய்வு குறித்து ஒரு கட்டுரை....

அரேபிய தாயகத்தில் வேரூன்றியிருந்த மடமைகளை மாய்த்து மாபெரும் மறுமலர்ச்சியை உருவாக்கிய இனியமார்க்கம் இஸ்லாம், கி.பி. ஏழாம் நூற்றாண்டில்தான் நம் தமிழகத்தில் தம் பொற்பாதங்களை மெல்லப் பதிக்கத் துவங்கியது.

சங்க காலம் முதல் தமிழகத்துடன் வணிகத் தொடர்புகளைக் கொண்டிருந்தனர் அரபு நாட்டவர். தொடக்கத்தில் யவனர் என்று அழைக்கப்பட்டனர். பின்னர் இப்பெயர் மாறி முஸ்லிம்கள் என்றும், சோனகர், துலுக்கர் என்றும் அழைக்கப்பட்டனர். அவர்களது சிந்தனைகள், செயல்பாடுகள், வணக்க வழிபாடுகள் ஆகியவை தமிழ் மக்களைக் கவர்ந்தன. இனிய பேச்சும் இயல்பான வணிகத் தொடர்பும், சாதாரண மக்களை மட்டுமல்லாமல் சோழ – பாண்டிய மன்னர்களையும் கவர்ந்தன. இறைவன் ஒருவனே என நம்புதல், நாளொன்றுக்கு ஐந்து முறை இறைவனுக்கு வணக்கம் செலுத்துதல், ஆண்டுக்கு ஒரு திங்கள் உலக நலன் கருதி உண்ணா நோன்பிருத்தல், சாதி சமய பேதமின்றி அனைத்து மக்களையும் சகோதரர்களாகப் பாவித்து அன்பு செலுத்துதல் ஆகிய புதிய கோட்பாடுகள் தமிழக மக்களிடையே ஒரு புதிய சிந்தனையை ஏற்படுத்தின.

மதுரையம்பதியில் நின்றசீர் நெடுமாறன் என வழங்கப்பட்ட கூன் பாண்டியன், அரபு நாட்டு வணிகர்களுக்கு ஆதரவு வழங்கினான். மதுரையில் அவர்களது குடியிருப்பு அமைவதற்கு உதவினான். இதே போன்று சோழ நாட்டின் தலைநகரான உறையூரிலும் முஸ்லிம் வணிகர்கள் தங்குவதற்கு சோழ மன்னன் உதவினான். அவர்களது வழிபாட்டுத் தலம் ஒன்று உறையூரில் அமைவதற்கும் ஆதரவு நல்கினான். அந்தப் பள்ளிவாசல் (கி.பி.726) திருச்சி கோட்டை ரயில் நிலையத்திற்கு அருகில் இன்றும் இருக்கிறது.

இத்தகைய இஸ்லாமிய அரபு வணிகர்களது குடியிருப்புகள் சோழ நாட்டிலும், பாண்டிய நாட்டிலும் பல பகுதிகளில் எழுந்தன. அவை, அஞ்சுவண்ணம் என மக்களால் அழைக்கப்பட்டன. இந்த அஞ்சுவண்ணம் ஒன்று நாகப்பட்டினத்துக்கு அருகில் அமைந்திருந்ததை தனிப் பாடல் ஒன்றின் மூலம் தெரிந்துக்கொள்ள முடிகிறது.

பாண்டிய நாட்டின் தென்பகுதியான நாஞ்சில் நாட்டில் திருவிதாங்கோடு அருகில் அஞ்சுவண்ணம் என்ற பெயரிலேயே ஒரு சிற்றூர் இன்றும் நிலைத்திருக்கிறது. இந்தக் குடியிருப்புகளில் வாழ்ந்து வந்த அராபிய இஸ்லாமியர், நாளடைவில் வணிகத்துடன் மட்டுமல்லாமல் சமுதாய நிலைகளிலும் தங்களைத் தொடர்பு படுத்திக்கொண்டு கலந்து தமிழ் முஸ்லிம்கள் என்ற புதிய பெயரினைப் பெற்றனர்.

வாணிபத்திற்கு அவர்கள் பயன்படுத்திய வாய்மொழியான தமிழ், இப்போது அவர்தம் வழித்தோன்றல்களின் தாய் மொழியாக மாறியது. அதுவரை சோழ – பாண்டிய மன்னர்களால் மெய்க்கீர்த்திகளிலும், கல்வெட்டுகளிலும், சோனகர் – துலக்கர் எனக் குறிப்பிடப்பட்ட இந்த மேலைநாட்டு முஸ்லிம்கள், தமிழ் முஸ்லிம்கள் என்ற தகுதியையும், அரசியல் முதன்மையையும் எய்தினர்.

இந்தப் புதிய தமிழ்ச் சமுதாயத்தினரது அணிகலன்களும், ஆடைகளும், உணவு முறைகளும் தமிழ் மக்களிடையே பெரிய தாக்கத்தை ஏற்படுத்தின. நாளடைவில் இந்தக் குடியிருப்புகளிலும், வணக்கத் தலங்களிலும் அமைக்கப்பட்ட கட்டுமானங்கள், குறிப்பாக மேற்கூரைகள், கும்ப அமைப்பில் அமைக்கப்பட்ட அலங்கார கோபுரங்கள், சாளரங்கள், முகப்பில் பயன்படுத்தப்பட்ட வில் வடிவ குதிரைக் குளம்பு அமைப்பு வளைவுகள் ஆகியவை திராவிட – இஸ்லாமிய கட்டுமானங்கள் என்ற புதிய பாணியை ஏற்படுத்தின.

தமிழகத்தில் ஏற்கனவே தழைத்து வளர்ந்து வந்த சைவம், வைணவம், சமணம், பௌத்தம் ஆகிய சமயங்கள் போன்று இஸ்லாமும் தமிழகத்தில் சமயங்களில் ஒன்றாக நிலைபெற்றது. தமிழ் சமுதாயத்தில் தவிர்க்க முடியாத அங்கமாக தமிழ் முஸ்லிம்கள் அங்கீகரிக்கப்பட்டனர். இத்தகைய சமய நிலையும், நோக்கும் ஏற்படுவதற்கு, அன்று அரபகத்திலிருந்து தமிழகம் வந்த இஸ்லாமிய ஞானிகளே பெரிதும் உதவினர். இவர்கள் தங்களது அரிய வாழ்வினைத் தமிழ் மக்களின் சமூக ஒற்றுமைக்கும் முன்னேற்றத்திற்கும் அர்ப்பணித்து வந்தனர்.

தமிழ் மக்களால் பெரிதும் போற்றப்பட்டு வந்த தமிழ்நாட்டு பதினெண் சித்தர்களைப் போன்று இந்த இஸ்லாமிய ஞானிகளின் ஆன்மீக உபதேசங்களும் தமிழ் மக்களால் மனமுவந்து ஏற்கப்பட்டன. இந்தப் பதினெண் சித்தர்களில் ஒருவரான சதுரகிரி மலையைச் சேர்ந்த இராமதேவர் இஸ்லாத்தை ஏற்று, புனித மக்கா சென்று திரும்பினார். தமது பெயரையும் யஃகூபு சித்தர் என மாற்றி அமைத்துக் கொண்டார்.

கி.பி. 10-ஆம் நூற்றாண்டில் சிரியா நாட்டிலிருந்து தமிழகம் வந்த இறைநேசர் நத்ஹர், காலமெல்லாம் திருச்சிப் பகுதி மக்களது ஆன்மீக வழிகாட்டியாக வாழ்ந்து, திருச்சியிலேயே இயற்கை எய்தினார். இவர்களை அடுத்து கி.பி. 12-ஆம் நூற்றாண்டில் அரபுநாட்டு மதீனா நகரிலிருந்து தென்பாண்டிய நாட்டிற்கு வந்த இறைநேசர் செய்யிது இபுறாஹீம், 12 ஆண்டுகளுக்கு மேலாகப் பாண்டிய நாட்டு மக்களது ஆன்மீக வழிகாட்டியாக அரிய உபதேசங்களைச் செய்து சேதுநாட்டு ஏர்வாடியில் கி.பி. 1195-ல் புகழுடம்பு பெற்றார்.

தமிழ் முஸ்லிம்கள் சிலர் அரசியலில் முதன்மையும், செல்வாக்கும் பெற்றிருந்தனர். சோனகன் சாவூர் என்பவர் ராஜராஜ சோழனது அவையில் சிறப்பிடம் பெற்று இருந்ததுடன் தஞ்சைக் கோயிலுக்குப் பல தானங்கள் வழங்கி இருப்பதைக் கோவில் கல்வெட்டுகள் தெரிவிக்கின்றன. இந்த வணிகர், ராஜேந்திர சோழனது அவையிலும் இடம் பெற்றிருந்தார். கந்தர்வ பேரரையன் என்ற சிறப்பு விருதினையும் அந்த வணிகருக்கு ராஜேந்திர சோழன் வழங்கிச் சிறப்பித்ததை அவனது கோலார் கல்வெட்டுகள் தெரிவிக்கின்றன. மேலும் இந்த மன்னனின் சிறந்த அலுவலராக துருக்கன் அஹ்மது என்பவர் விளங்கியதை லெய்டன் செப்பேடுகள் தெரிவிக்கின்றன.

இதுபோலவே கி.பி. 13-ஆம் நூற்றாண்டின் இறுதியில் காயல்பட்டினத்தில் மாறவர்மன் குணசேகர பாண்டியனது அரசவையில் இருபெரும் முஸ்லிம் வணிகர்கள் மிகுந்த செல்வாக்குப் பெற்றிருந்தனர். அவர்களில் ஒருவரான ஷேக் ஜக்கியுத்தீன், பாண்டியனது தலைமை அமைச்சராக இருந்தார். இன்னொருவரான ஷேக் ஜமாலுத்தீன், பாண்டிய மன்னனின் அரசியல் தூதுவராக சீன நாட்டுக்குப் பலமுறை சென்று வந்ததையும் வரலாற்றில் காணமுடிகிறது. 17-ஆம் நூற்றாண்டில் மிகச் சிறப்புடன் அரசோச்சிய சேது மன்னர் ரெகுநாத கிழவன் சேதுபதியின் நல்லமைச்சராக வள்ளல் சீதக்காதி என்ற ஷேக் அப்துல் காதர் மரைக்காயர் விளங்கினார். டச்சுக் கிழக்கிந்திய ஆவணங்கள் இதைத் தெரிவிக்கின்றன. இவ்விதம் அரசியலில் தமிழ் முஸ்லிம்கள் முதன்மை பெற்றிருந்ததையும், அதன் காரணமாக சோழ, பாண்டிய மன்னர்கள் மட்டுமல்லாமல், மறவர் சீமை சேதுபதிகள், மதுரை நாயக்க மன்னர்கள், தஞ்சாவூர் நாயக்க – மராட்டிய மன்னர்கள் ஆகியோரது ஊக்குவிப்புகளுக்கும் தமிழ் முஸ்லிம்கள் உரியவர்களாக விளங்கியதைப் பல வரலாற்றுச் சான்றுகள் எடுத்துக் காட்டுகின்றன.

இங்ஙனம் தமிழ்ச் சமுதாயத்தின் தனிப்பெரும் சிறுபான்மையினராக விளங்கிய தமிழ் முஸ்லிம்கள், தங்களது தாய்மொழியாகக் கொண்ட தமிழுக்கு ஆற்றியுள்ள தொண்டுகளும் அளப்பரியவை. கி.பி. 15-ஆம் நூற்றாண்டு முதல் 18-ஆம் நூற்றாண்டின் தொடக்கம் வரை தமிழகத்தின் ஆட்சியாளராக விளங்கிய நாயக்க மன்னர்களும், தஞ்சை மராட்டியர்களும் தமிழைப் புரக்கணித்து அவர்களது தாய்மொழியான தெலுங்கையும், மராட்டிய மொழியையும் வளர்ச்சி பெறச் செய்ததால் தமிழ்ப் புலவர்கள் அடைந்த வேதனையும் வறுமையும் பலப்பல. இத்தகைய இறுக்கமான சூழ்நிலையில் தமிழ் மொழியில் தேர்ந்து, பல புதிய இலக்கியப் படைப்புகளை முஸ்லிம்கள் யாத்து மகிழ்ந்தனர்.

தமிழ் முஸ்லிம்களது முதல் இலக்கியமான ஆயிரம் மசாலா என்ற அதிசயப் புராணம், 1572-ல் மதுரைத் தமிழ்ச் சங்கத்தில் அரங்கேறியது. இதைத் தொடர்ந்து தமிழ் யாப்பு இலக்கண வழியிலான புராணம், கோவை, கலம்பகம், அந்தாதி, பிள்ளைத்தமிழ், திருப்புகழ், குறவஞ்சி, பள்ளு என இரண்டாயிரத்துக்கும் மேற்பட்ட தமிழ் இலக்கியங்கள், தமிழ் முஸ்லிம்களால் படைக்கப்பட்டு, தமிழின் வளமைக்கும் பெருமைக்கும் அணி சேர்த்துள்ளன. குறிப்பாக தக்கலை பீர் முஹம்மது அப்பா, கோட்டாறு ஞானியார் சாஹிபு, காயல் காசிம் புலவர், குணங்குடி மஸ்தான் சாஹிபு, தொண்டி மோனகுரு மஸ்தான், அருள்வாக்கி அப்துல் காதர் புலவர் ஆகியோரது இன்னிசைப் பாடல்களும், இராமநாதபுரம் வெ. இபுறாஹீம் சாஹிபு போன்றவர்களின் நாடக நூல்களும் பெருமைமிகு பட்டியலில் இடம் பெற்றவையாகும். இந்தப் படைப்புகளுடன் அரபு, பார்சி, உருது ஆகிய மொழிப் புலன்களிலிருந்து பெற்ற தங்களது புலமைத் திறனை அந்த மொழிகளின் வடிவங்களான நாமா, கிஷ்ஷா, முனாஜாத் என்ற புதிய இலக்கிய வடிவங்களையும் தமிழ் மொழியில் புகுத்தி உள்ளனர். இதன் காரணமாக அந்த மொழிகளின் சொற்கள், ஏராளமான எண்ணிக்கையில் தமிழ் வழக்கில் திசைச் சொற்களாகக் கலந்து தமிழின் வளமைக்கு ஊட்டமளித்தன. அத்துடன் வளர்ந்து வரும் மொழிக்கு உதவும் வகையில் இந்த இலக்கிய வடிவங்களும் இன்னும் பல புதிய இலக்கிய வடிவங்களும் முன்னோடியாக விளங்கி வருகின்றன.

நன்றி : தினமணி